ອີງຕາມສື່ຕ່າງປະເທດໄຕ້ຫວັນລາຍງານ ເມື່ອວັນທີ 7 ຕຸລາ 2016 ວ່າ ຍິງຊະລາ ອາຍຸ 80 ປີ ຖິ້ມເງິນອອມທີ່ເກັບມາທັງຊີວິດ ຈຳນວນຫຼາຍກວ່າ 1 ລ້ານດອນລາໄຕ້ຫວັນ ຈູດທຽນເຜົາໃນຖັງທູບສານພະພູມ ເຮັດໃຫ້ນັກທ່ອງທ່ຽວ ທີ່ຢູ່ໃນບໍລຮິເວນນັ້ນຕົກໃຈ ເພາະເປັນເລື່ອງທີ່ແປກ ທີ່ມີການເຜົາເງິນແທ້ ຈົນໄດ້ຮີບແຈ້ງເຈົ້າໜ້າທີ່ຕຳຫຼວດ ແລະເຂົ້າໄປຊ່ວຍກ່ອນທີ່ໄຟຈະໄໝ້ເງິນໝົດ
ຜູ້ລາຍງານຂ່າວບອກວ່າ ຫຼັງຈາກເຜົາເງິນດັ່ງກ່າວແລ້ວ ລາວໄດ້ໃຊ້ໄມ້ເທົ້າພະຍຸງໂຕ ຍ່າງອອກຈາກໜ້າສານຢ່າງບໍ່ເດືອດຮ້ອນໃຈ, ຫຼັງຈາກເຈົ້າໜ້າທີ່ມາຮອດ ກໍເຫັນປະຊາຊົນຈຳນວນຫຼາຍຊ່ວຍກັນເຂ່ຍເງິນອອກຈາກກະຖັງປະໄວ້ຂ້າງກະຖັງ ເຊິ່ງເຈົ້າໜ້າທີ່ຕຳຫຼວດ ໃຊ້ເວລານັບເປັນເວລາ 4 ຊົ່ວໂມງ ຈຶ່ງຮູ້ວ່າ ປະມານຫຼາຍກວ່າ 1 ລ້ານດອນລາໄຕ້ຫວັນ
ຈາກການສອບຖາມ ຍິງໄວຊະລາຄົນນັ້ນ ກໍຕອບແບບກົງໆວ່າ ຕົນເອງເປັນຄົນເຜົາເງິນ ເພາະຫຼັງຈາກສາມີຕາຍປະ ລາວໄດ້ໃຊ້ຊີວິດຢູ່ຄົນດຽວ ແລະຢູ່ໃນສະພາວະສະໝອງເສື່ອມ. ລາວມີລູກຊາຍຄົນໜຶ່ງ ແຕ່ບໍ່ໄດ້ຢູ່ນຳກັນ, ລູກຊາຍກໍໄດ້ແນະນຳໃຫ້ລາວໄດ້ຮັບການຮັກສາ ຢູ່ໂຮງໝໍ ເນີຊິ່ງໂຮມ, ແຕ່ຢາກໃຫ້ລູກຊາຍກັບມາລົມລາຍລະອຽດ ແຕ່ລູກບໍ່ທັນໄດ້ກັບ ລາວຈຶ່ງຫອບເງິນໄປເຜົາຖິ້ມ
ຫຼັງຈາກນັ້ນລູກຊາຍຮູ້ຂ່າວ ຈຶ່ງໄດ້ຮີບເດີນທາງມາຫາແມ່ ເຫັນແມ່ເຜົາເງິນທີ່ເກັບມາທັງຊີວິດຖິ້ມ ກໍຢ້ານວ່າຈະຖືກຟ້ອງເປັນຄະດີ ຈຶ່ງໄດ້ຂໍຮ້ອງກັບເຈົ້າໜ້າທີ່ຕຳຫຼວດ ເລື່ອງໃຫ້ຜູ້ພິພາກສາ ຫວັງວ່າຈະສາມາດອະໄພໃຫ້ແມ່ໄດ້, ທາງທະນາຍຄວາມໄດ້ຊີ້ໃຫ້ເຫັນວ່າ ລາວເຈດຕະນາເຜົາເງິນ ຕ້ອງໂທດປັບໄໝ 5 ເທົ່າຕາມຈຳນວນເງິນທີ່ເສຍຫາຍນັ້ນ ແຕ່ຍ້ອນລາວມີອາຍຸຫຼາຍແລ້ວຈຶ່ງໄດ້ຫຼຸດໂທດລົງ ມາເປັນເຄິ່ງໜຶ່ງຂອງການສູນເສຍ