spot_img
Homeປະເພນີ-ວັດທະນະທຳເອກະລັກຂອງສິ້ນ ແລະລັກສະນະການນຸ່ງສິ້ນ ທີ່ຖືກຕ້ອງຂອງແມ່ຍິງລາວ

ເອກະລັກຂອງສິ້ນ ແລະລັກສະນະການນຸ່ງສິ້ນ ທີ່ຖືກຕ້ອງຂອງແມ່ຍິງລາວ

Published on

ເຮົາທຸກຄົນຄົງຮູ້ກັນດີເລື່ອງສິ້ນທີ່ເຮົາເຄີຍນຸ່ງຕັ້ງແຕ່ນ້ອຍ ຈົນໃຫຍ່ ແຕ່ກໍອາດຈະມີບາງຄົນທີ່ຍັງບໍ່ຮູ້ເຖິງເອກະລັກສະເພາະຂອງສິ້ນລາວ ແລະລັກສະນະຂອງການນຸ່ງສິ້ນທີ່ຖືກຕ້ອງຂອງແມ່ຍິງລາວເຮົາ, ຍັງມີບາງຄົນທີ່ນຸ່ງແບບຜິດໆ, ມື້ນີ້ເຮົາມາຮູ້ນໍາກັນ

#   ເອກະລັກຂອງສິ້ນ

ສິ້ນເປັນອາພອນປະເພດໜຶ່ງທີ່ປະດັບໃນການແຕ່ງກາຍ,ໃນການດໍາລົງຊີວິດທີຕິດພັນກັບແມ່ຍິງລາວມາແຕ່ບູຮານນະການເຊິ່ງບໍ່ສາມາດຕັດແຍກອອກຈາກກັນໄດ້ ແລະເປັນວັດທະນາທໍາດັ່ງເດີມຈະມີການຕໍ່າຈາກເສັ້ນຝ້າຍ ແລະເສັ້ນໄໝ ປະສົມກັບຄວາມນິຍົມສີສັນສົດໄສ ສະດຸດຕາສະດຸດໃຈເມື່ອໄດ້ພົບເຫັນ ສິ້ນຕາມເອກະລັກວັດທະນາທໍາລາວສິ້ນປະກອບດ້ວຍ 3 ພາກສ່ວນຄື:

  • ສ່ວນຫົວສິ້ນ: ກວ້າງປະມານ1ຄືບເປັນຜ້າທີ່ເປັນລາຍລິ້ວສະຫຼັບຂີດກັບຜືນ ສໍາລັບຜືນທີ່ນໍາມາປະກອບກັບບັນດາຜືນສິ້ນ, ບາງກໍລະນີກໍ່ເປັນຜ້າສີດໍາ.
  • ສ່ວນຜືນ: ຈະລຽບດ້ວຍເສັ້ນໄໝ ຫຼືເສັ້ນຝ້າຍໂດຍຈະຕ້ອງຕໍ່າດ້ວຍເຕັກນິກ ມັດໝີ່ ສະຫຼັບກັບການຕໍ່າດ້ວຍເຕັກນິກຂີດລາຍ, ລາຍມັດໝີ່ດັ່ງເດີມນິຍົມມັດລາຍນາກ ຫຼືລາຍຫົງ. ສ່ວນລາຍຂີດ ນິຍົມຕໍ່າລາຍດອກແກ້ວ, ການຕໍ່າຈະເປັນລາຍລິ້ວຕາມວ່າງ ແລ້ວນໍາມາຫຍິບເປັນຜ້າສິ້ນ
  • ສ່ວນຕີນ: ສິ້ນນີ້ຈະຕໍ່າດ້ວຍເທັກນິກການຈົກ ໂດຍນິຍົມເຮັດເປັນຕີນສີແດງ ສ່ວນເສັ້ນຝຸງພິເສດໃນການຈົກ ຈະໃຊ້ສີສັນສົດໄສເຊັ່ນ: ຂຽວ, ເຫຼືອງ, ແດງ, ສົ້ມ ແລະອື່ນໆເປັນຕົ້ນ, ລັກສະນະໂຄງສ້າງລາຍຂ້ອນຂ້າງໃຫຍ່ ແລະ ນິຍົມສະເພາະສ່ວນເທິງຂອງຕີນສິ້ນ ເວັ້ນພື້ນແດງຕອນລຸ່ນ.

46136372521596973523

ເອກະລັກຂອງສິ້ນລາວແມ່ນ ໂຄງສີຂອງສິ້ນ ຈະເປັນສີເອກະລັກໂດຍນິຍົມໃຊ້ສີແດງເປັນຫຼັກເຊິ່ງຍ້ອມຈາກຄັ່ງ ສ່ວນຕົວສິ້ນຈະຕໍ່າດ້ວຍເຕັກນິກມັດໝີ່ສະຫຼັບຂີດລາຍຂະໜາດໃຫຍ່ເອີ້ນວ່າຕາໃຫຍ່ ແລະລາຍຂີດຂະໜາດນ້ອຍເປັນເສດລາຍລິ້ວເອີ້ນວ່າ ຕານ້ອຍ.

#  ລັກສະນະການນຸ່ງຖືທີ່ຖືກຕ້ອງ

ແມ່ຍິງລາວຕ້ອງນຸ່ງສິ້ນ ແຕ່ການນຸ່ງສິ້ນນັ້ນແລ້ວແຕ່ຜູ້ມັກ ຈະນຸ່ງສິ້ນສີໃດ, ຊະນິດໃດກໍ່ໄດ້ ແຕ່ໃຫ້ແມ່ນສິ້ນ ການນຸ່ງສິ້ນນັ້ນຕ້ອງໃຫ້ມີຫົວ, ມີຕີນ ແລະ ຜືນພ້ອມ, ຫາກນຸ່ງສິ້ນບໍ່ມີຫົວມີຕີນແລ້ວ ຕາມປະເພນີລາວ ມາຕັ້ງແຕ່ບູຮານນະການນັ້ນ ແມ່ນບໍ່ຖືກຕ້ອງ, ເພາະສະນັ້ນ ບູຮານກໍຄືປັດຈຸບັນ ຈຶ່ງນິຍົມສົ່ງເສີມໃຫ້ນຸ່ງສິ້ນໃຫ້ຄືດັ່ງຕໍ່ໄປນີ້:

  • ໃຫ້ນຸ່ງສິ້ນມີຫົວມີຕີນ
  • ເວລານຸ່ງສິ້ນຫ້າມບໍ່ໃຫ້ນຸ່ງສູງເກີນໄປ ໃຫ້ນຸ່ງສູງພຽງສາຍບື
  • ໃຫ້ນຸ່ງເຂີນ ຫຼືໃຫ້ລ່າມເກີນໄປ ໃຫ້ພໍດີພຽງບີແຄ່ງ ແລະບໍ່ຢ່ອນໜ້າຢ່ອນຫຼັງ

ຖ້າຫາກໃຫ້ຫາກເຮັດໄດ້ດັ່ງທີ່ກ່າວມາຂ້າງເທິງນັ້ນ ຖືວ່າຜູ້ນັ້ນເປັນແມ່ຍິງລາວ ທີ່ນຸ່ງສິ້ນຖືກຕ້ອງຕາມປະເພນີທີ່ເຮັດມາແຕ່ດົນນານ ແລະເຮົາຄວນອະນຸລັກຮັກສາໄວ້

ພາບປະກອບ: ຮູບພາບແມ່ຍິງລາວ

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...