ກິລາມວຍ ເທຣດິດເຊິນນໍ ມາກທິວອາທ໌ (Traditional Martial Art) ຫຼື ໂວໂກຈ່ຽນ ຮອບຊີງຊະນະເລີດ ໃນລາຍການອາຊຽນບີຊ ເຊິ່ງແຂ່ງຂັນໃນ ຕອນບ່າຍ ວັນອາທິດ ທີ 2 ຕຸລາ 2016 ຜ່ານມາ, ນັກກິລາລາວ ຄວ້າໄດ້ເພີ່ມອີກ 2 ຫຼຽນຄຳ ໂດຍໄດ້ຈາກ ທ້າວ ກາວີ ພົມມະຄຳທອງ ໄດ້ລົ້ມ ດອງ ຫວນຮູ ນັກມວຍ ຫວຽດນາມ ເຈົ້າພາບ ເອົາຊະນະນ໋ອກແບບ KO ໃນຮຸ່ນນໍ້າໜັກ 50 ຫາ 55 ກິໂລ ແລະ ທ້າວ ຄໍາຫຼ້າ ສຸຄະພອນ ເອົາຊະນະຄະແນນ ອານ ຫວາງໄກ ນັກມວຍຫວຽດນາມ ເຈົ້າພາບ 2 ຕໍ່ 0 ໃນຮຸ່ນ ນໍ້າໜັກ 55 ຫາ 60 ກິໂລ. ຜົນງານດັ່ງກ່າວ ເຮັດໃຫ້ນັກກິລາວເຮົາ ຄວ້າໄດ້ເພີ່ມຕື່ມອີກ 2 ຫຼຽນຄຳ ໄດ້ຢ່າງສົມໃຈ, ຫຼຽນຄຳເປັນ 3 ຫຼຽນ ໃນລາຍການ ອາຊຽນບີຊ ທີ່ດານັງ ປີ 2016 ນີ້.
ຂໍ້ມູນຈາກ info.abg2016.com ແລະ http://laosportnews.com
ພາບປະກອບຈາກ: ສີປະເສີດ ສຸກສາຄອນ
ຕິດຕາມຂ່າວເສດຖະກິດລາວ ກົດໄລຄ໌ເລີຍ!