spot_img
Home​ຂ່າວທ່ອງທ່ຽວເອກະຊົນລາວທຸ້ມ 400 ຕື້ ເນລະມິດໜອງແປນ ເປັນແຫຼ່ງທ່ອງທ່ຽວລະດັບນາໆຊາດ!

ເອກະຊົນລາວທຸ້ມ 400 ຕື້ ເນລະມິດໜອງແປນ ເປັນແຫຼ່ງທ່ອງທ່ຽວລະດັບນາໆຊາດ!

Published on

20140711135433

 

ພິທີ​ເຊັນ​ສັນຍາ​ສຳ​ປະທານ​ເນື້ອທີ່​ດິນ​ໜອງ​ແປນ ເມືອງ​ຫາດ​ຊາຍ​ຟອງ ນະຄອນຫຼວງ​ວຽງ​ຈັນ

ເປັນ​ແຫຼ່ງ​ທ່ອງ​ທ່ຽວ ໄດ້​ມີ​ຂຶ້ນ​ວັນ​ທີ 10 ກໍລະກົດ 2014 ຢູ່​ໂຮງແຮມ​ດອນ​ຈັນ​ພາ​ເລດ ລະຫວ່າງ​

ທ່ານ ພູ​ຂົງ ບັນນະ​ວົງ ຫົວໜ້າ​ພະ​ແນກ​ແຜນການ ແລະ ການ​ລົງທຶນ ນະຄອນຫຼວງ​ວຽງ​ຈັນ

ແລະ ທ່ານ ທະນະ​ກິດ ສຸວັນນະ​ວົງ ຜູ້ອຳນວຍການ​ບໍລິສັດ ການ​ຄ້າ​ສາກົນ​ລາວ​ເອ​ເຊຍ ຈຳກັດ

​ຜູ້​ດຽວ ໃຫ້​ກຽດ​ເຂົ້າ​ຮ່ວມ​ໂດຍ​ທ່ານ ບຸນ​ທາມ ພຸດ​ທະ​ວົງສາ ເຈົ້າເມືອງ​ຫາດ​ຊາຍ​ຟອງ ແລະ

ທ່ານ ບຸນ​ຖົມ ພົມ​ພັກດີ ຮອງ​ອຳນວຍ​ການ​ບໍລິສັດ ການ​ຄ້າ​ສາກົນ​ລາວ​ເອ​ເຊຍ ຈຳກັດ​ຜູ້​ດຽວ

ໂດຍ​ຊ້ອງ​ໜ້າ ບັນດາ​ຫົວໜ້າ​ພະແນກການ​ກ່ຽວຂ້ອງ.

 

ໂຄງການ​ໜອງ​ແປນ ຈະ​ສ້າງ​ເປັນ​ແຫຼ່ງ​ທ່ອງ​ທ່ຽວ​ທີ່​ໃຫຍ່​ລະດັບ​ນາໆຊາດ ໃນ​ນີ້​ຈະ​ມີ​ໂຮງແຮມ

​ລະດັບ 5 ດາວ ສະໜາມ​ກ໊ອບ ທະເລ​ຈຳລອງ ສວນ​ສະໜຸກ ກຸ່ມ​ເຮືອນ​ຂອງ​ບັນດາ​ປະເທດ

ແຫຼ່ງ​ບັນເທີງ ແລະ ກິດຈະການ​ອື່ນໆ​ອີກ​ຈຳນວນ​ໜຶ່ງ ເຊິ່ງ​ການຈັດຕັ້ງ​ປະຕິບັດ​ໂຄງການ

ແມ່ນ​ຈະ​ເລີ່ມ​ແຕ່​ປີ 2014 ແລະ ສຳເລັດ​ໃນ​ປີ 2020 ດ້ວຍ​ມູນ​ຄ່າ​ການ​ກໍ່ສ້າງ​ທັງ​ໝົດ 50 ລ້ານ

​ໂດ​ລາ​ສະຫະລັດ ຫຼື ປະມານ 400 ຕື້​ກີບ.

 

ທ່ານ ທະນະ​ກິດ ສຸວັນນະ​ວົງ ໄດ້​ກ່າວ​ວ່າ: ສຳລັບ​ເນື້ອທີ່​ໃນ​ການ​ສຳ​ປະທານ ມີ​ທັງ​ໝົດ 150

ເຮັກຕາ ແຕ່​ໃນ​ເບື້ອງ​ຕົ້ນ​ນີ້ ພວກ​ເຮົາ​ຈະ​ພັດທະນາ 73 ເຮັກຕາ ໂດຍ​ຈະ​ສຸມ​ໃສ່​ສ້າງ​ໂຮງແຮມ

ສວນ​ສະໜຸກ ທະເລ​ຈຳລອງ ແຫຼ່ງ​ບັນ​ເທິງ​ກ່ອນ ຈາກ​ນັ້ນ ຈະ​ຕໍ່​ດ້ວຍ​ກິດຈະການ​ກຸ່ມ​ເຮືອນ

​ຂອງ​ບັນດາ​ປະເທດ ແລະ ສະໜາມ​ກ໊ອບ.

 

ແຫຼ່ງຂ່າວ: Vientiane Mai Online

ບົດຄວາມຫຼ້າສຸດ

ລົດບັນທຸກແກ່ຫີນ-ຊາຍ ທີ່ເຮັດ ຫີນ,ດິນ,ຊາຍ ເຮ່ຍຕາມຫົນທາງ ເຮັດໃຫ້ຖະໜົນເປິເປື້ອນ ຈະຖືກເຈົ້າໜ້າທີ່ປັບໄໝ

ເຈົ້າໜ້າທີ່ຈະປັບໄໝ ລົດບັນທຸກແກ່ຫີນ-ຊາຍ ທີ່ເຮັດ ຫີນ,ດິນ,ຊາຍ ເຮ່ຍຕາມຫົນທາງ ເຮັດໃຫ້ຖະໜົນເປິເປື້ອນ. ພທ ຄຳພູ ສົມແພງພັນ ຮອງຫົວໜ້າພະແນກຕຳຫຼວດຈາລະຈອນ ຫ້ອງຕຳຫຼວດ ປກສ ນະຄອນຫຼວງວຽງຈັນ ໄດ້ໃຫ້ສຳພາດວ່າ: ອີງຕາມປະກົດການຫຍໍ້ທໍ້ທີ່ເກີດຂຶ້ນໃນສັງຄົມ...

ປຶກສາຫາລື 5 ຫົວຂໍ້ສຳຄັນ ໃນກອງປະຊຸມສະໄໝສາມັນ ຂອງລັດຖະບານ ປະຈຳເດືອນກຸມພາ 2025

ໄຂກອງປະຊຸມສະໄໝສາມັນ ຂອງລັດຖະບານ ປະຈຳເດືອນກຸມພາ 2025 ກອງປະຊຸມສະໄໝສາມັນຂອງລັດຖະບານ ປະຈຳເດືອນກຸມພາ 2025 ໄດ້ໄຂຂຶ້ນໃນຕອນເຊົ້າວັນທີ 27 ກຸມພາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານຂອງທ່ານ ສອນໄຊ ສີພັນດອນ,...

ເຮືອບິນກອງທັບຊູດານ ເກີດອຸບັດຕິເຫດຕົກໃສ່ເຂດຊຸມຊົນ ເຮັດໃຫ້ມີຜູ້ເສຍຊີວິດ 46 ຄົນ

ເສຍຊີວິດເພີ່ມ 46 ຄົນ ຈາກເຫດເຮືອບິນກອງທັບຊູດານຕົກໃນເຂດຊຸມຊົນ. ສຳນັກຂ່າວຕ່າງປະເທດລາຍງານໃນວັນທີ 26 ກຸມພາ 2025 ເກີດເຫດເຮືອບິນຂອງກອງທັບຊູດານເກີດອຸບັດຕິເຫດຕົກໃນ ເມືອງອອມດູມານ ພາກກາງຂອງປະເທດ ໃນວັນອັງຄານຜ່ານມາ ເຮັດໃຫ້ມີຜູ້ເສຍຊີວິດຢ່າງນ້ອຍ 46 ຄົນ...

ທຫລ ປະກາດໃຊ້ ຂໍ້ຕົກລົງວ່າດ້ວຍການ ຄຸ້ມຄອງບັນຊີເງິນຝາກເງິນຕາຕ່າງປະເທດຢູ່ ລາວ

ທຫລ ປະກາດໃຊ້ ຂໍ້ຕົກລົງວ່າດ້ວຍການ ຄຸ້ມຄອງບັນຊີເງິນຝາກເງິນຕາຕ່າງປະເທດຢູ່ ລາວ ໃນວັນທີ 26 ກຸມພາ 2025 ນີ້, ທ່ານ ອາລຸນ ບຸນຍົງ ຮອງຜູ້ວ່າການ ທະນາຄານແຫ່ງ...