ສຳນັກຂ່າວຕ່າງປະເທດ ລາຍງານໃນວັນທີ 24 ສິງຫາຜ່ານມານີ້ວ່າ ນັກວິທະຍາສາດຈາກ ອົງການສັດປ່າ ແລະ ຊີວະນາໆພັນສາກົນ ຫລື FFI ປະຈຳຫວຽດນາມ ໄດ້ອອກມາເປີດເຜີຍວ່າ ໄດ້ມີການພົບຄ່າງກົ້ນຂາວ-ໜ້າດຳ ຫລື ຊື່ທາງວິທະຍາສາດວ່າ Delacour’s langur ຊຶ່ງເປັນສັດລ້ຽງລູກດ້ວຍນ້ຳນົມ ທີ່ມີຢູ່ສະເພາະຖິ່ນໃນຫວຽດນາມເທົ່ານັ້ນ ແລະ ສ່ຽງໃກ້ຈະສູນພັນ ໂດຍທີມນັກວິທະຍາສາດ ໄດ້ພົບຄ່າງຊະນິດດັ່ງກ່າວນີ້ ປະມານ 40 ໂຕ ສ່ວນໃຫຍ່ເປັນຄ່າງທີ່ມີອາຍຸຍັງໜຸ່ມ ແລະ ເປັນລູກຄ່າງ ເຮັດໃຫ້ເປັນການເພີ່ມຄວາມຫວັງວ່າ ສິ່ງທີ່ມີຊີວິດຫາຍາກສາຍພັນນີ້ ຈະບໍ່ສູນພັນໄປໃນອີກ 10 ປີຂ້າງໜ້າ ຄືດັ່ງທີ່ນັກວິທະຍາສາດ ໄດ້ມີຄວາມເປັນຫ່ວງຜ່ານມາ.

ໂຄສົກຂອງ FFI ປະຈຳຫວຽດນາມ ໄດ້ກ່າວວ່າ ເປັນຂ່າວດີຢ່າງຍິ່ງ ສຳລັບສັດສາຍພັນສະເພາະນີ້ ເພາະພວກເຮົາບໍ່ເຄີຍພົບເຫັນ ປະຊາກອນໃໝ່ເລີຍ, ພວກມັນສ່ຽງທີ່ຈະສູນພັນ ພາຍໃນໄລຍະເວລາ 10 ປີ ແຕ່ໃນຄວາມເປັນຈິງແລ້ວ ມັນກຳລັງຂະຫຍາຍພັນ ຊຶ່ງຖືເປັນຂ່າວດີສຸດຍອດ.

ຕິດຕາມເຮົາທາງFacebook ກົດຖືກໃຈເລີຍ!