ອີງຕາມການລາຍງານຂອງເຈົ້າໜ້າທີ່ປ້ອງກັນສວນເຈົ້າອານຸວົງ ໃນວັນທີ 15.8.2016 ເວລາປະມານ 21:00 ໄດ້ຈັບກຸມ ມິດສາຊີບ ທີ່ຜະລິດເງິນປອມເພື່ອມາຊື້ເຄື່ອງໃນຕະຫຼາດ, ເຊິ່ງຈັບໄດ້ 2 ຄົນຄື: ທ້າວ ຄຳໝັ້ນ ແລະທ້າວ ສີດາ ທັງສອງແມ່ນ ນຳໃຊ້ເງິນປອມ ມາຊື້ສິນຄ້າ 3-4 ຄັ້ງແລ້ວ, ເຈົ້າໜ້າທີ່ຈຶ່ງໄດ້ວາງແຜນຈັບກຸມທັງສອງຄົນ ແລະຂະຫຍາຍຜົນຈັບກຸມຜູ້ສົມຮູ້ຮ່ວມຄິດ.

ເງິນທີ່ທັງສອງຜະລິດແມ່ນ ໃບແສນ, ໃບຫ້າສິບ ແລະໃບສິບພັນກີບ ໂດຍໃຊ້ວິທີການກ໊ອບປີ໋ສີ, ຈຳນວນເງິນປອມທີ່ກວດພົບໃນຄັ້ງນີ້ ມີໃບແສນ 6 ໃບ, ໃບຫ້າສິບ 25 ໃບ ແລະມີໃບ ສິບພັນ 1 ໃບ, ລວມເປັນເງິນ 1,810,00 ກີບ. ຝາກເຖິງທຸກຄົນທີ່ໃຊ້ເງິນກີບລາວທຸກຄົນ ຈົ່ງເປັນຫູເປັນຕາຊ່ວຍກັນ, ຖ້າເຫັນໃຜຈ່າຍເງິນປອມຮີບແຈ້ງຕໍ່ເຈົ້າໜ້າທີ່ ເພື່ອສະກັດກັ້ນປະກົດການຫຍໍ້ທໍ້ໃນສັງຄົມ

ທີ່ມາ: ໂທລະໂຄ່ງ