ອີງຕາມການວິໄຈ ຂອງນັກຈິດຕະວິທະຍາບອກວ່າ ຄູ່ຮັກທີ່ນອນຫຼັບໃນວົງແຂນໄປນຳກັນ ຈະເຮັດໃຫ້ຄວາມສຳພັນ ນັ້ນແໜ້ນແຟ້ນ, ອົບອຸ່ນ ແລະມີຄວາມເຊື່ອໃຈກັນຫຼາຍຂຶ້ນ, ແຕ່ຮູ້ບໍວ່າ ນອກຈາກໄດ້ນອນກອດກັນແລ້ວ ຍັງເຮັດໃຫ້ສຸຂະພາບຂອງເຮົາດີຂຶ້ນອີກດ້ວຍ.
ນັກວິໄຈຈາກມະຫາວິທະຍາໄລ Pittsburgh ບອກວ່່າ ການນອນກອດກັນ ຫຼືກອດຄົນຮັກໃນວົງແຂນຂອງກັນແລະກັນ ສາມາດຫຼຸດໂຮໂມນຂອງຄວາມຄຽດໄດ້, ເນື່ອງຈາກວ່່າ ການນອນຫຼັບໃນວົງແຂນຂອງຄົນຂ້າງໆ ຈະເຮັດໃຫ້ເຮົາຮູ້ສຶກປອດໄພກ່ອນການນອນຄົນດຽວ, ເຊິ່ງເມື່ອຮ່າງກາຍເຮົາຫຼຸດຄວາມຄຽດ ກໍຈະສາມາດຫຼຸດຄວາມສ່ຽງຈາກໂລກຫົວໃຈ,ໂລກຊຶມເສົ້າ ແລະພູມຄຸ້ມກັນຕໍ່າອີກດ້ວຍ.
ນັກວິທະຍາສາດຍັງເວົ້າອີກວ່່າ: ການນອນຫຼັບຍັງຊ່ວຍຜະລິດອອກຊິໂຕຊິນ ຫຼືໂຮໂມນແຫ່ງຄວາມຮັກ ເຊິ່ງກ່ຽວກັບຄວາມຮູ້ສຶກຂອງຄົນເຮົາ, ຍັງຊ່ວຍກະຕຸ້ນຄວາມຮູ້ສຶກຂອງຄົນເຮົາໃຫ້ດີຂຶ້ນ ແລະລະຍ່ອຍອາຫານກໍດີນຳອີກ.
ຂອບໃຈບົດດີໆຈາກ: brightside