ຄູ່ຮັກທີ່ຄົບກັນມາດົນຈົນມີແຜນທີ່ຈະແຕ່ງງານກັນນັ້ນ ມັຈະມີຫຼາຍໆເລື່ອງເຂົ້າມາໃຫ້ຄິດ ແລະ ປຶກສາກັນບໍ່ວ່າຈະເປັນລາຍລະອຽດຕ່າງໆຂອງງານ ແລະ ອື່ນໆ ແຕ່ກ່ອນທີ່ຈະກ້າວໄປເຖິງຂັ້ນຕົກລົງປົງໃຈຈະແຕ່ງງານກັນນັ້ນທ່ານໄດ້ເຄີຍລົມກັນທຸກເລື່ອງຢ່າງລະອຽດແລ້ວບໍ່ ເພື່ອຈະບໍ່ໃຫ້ເກີດມີບັນຫາພາຍຫຼັງແຕ່ງງານແລ້ວ ວັນນີ້ພວກເຮົາເລີຍມີ 6 ເລື່ອງທີ່ຈຳເປັນຕ້ອງໄດ້ຕົກລົງກັນຂອງທັງສອງຝ່າຍມາຝາກ

1. ເລື່ອງເງິນ

ໂດຍປົກກະຕິແລ້ວວິທີການໃຊ້ເງິນຂອງແຕ່ລະຄົນຈະແຕກຕ່າງກັນອອກໄປ ເມື່ອແຕ່ງງານກັນແລ້ວວິທີການໃຊ້ເງິນກໍ່ຈະຕ່າງຈາກເດີມ ເພາະໃນເມື່ອກ່ອນເງິນຖົງໃຜຖົງມັນ ແຕ່ເມື່ອແຕ່ງກັນໄປເງິນຈະມີຢູ່ຖົງດຽວ ເລື່ອງເງິນຖືວ່າເປັນເລື່ອງໃຫຍ່ ດັ່ງນັ້ນຕ້ອງມີການຕົກລົງກັນກ່ອນວ່າວິທີການຄຸ້ມຄອງເງິນ, ບໍລິຫານເງິນ, ຮັບ-ຈ່າຍແນວໃດ? ການຈັດສັນໜ້າທີ່ຮັບຜິດ ຊອບຂອງແຕ່ລະຝ່າຍຈະມີຄືແນວໃດ ຫຼື ແມ່ນແຕ່ເລື່ອງເງິນທີ່ຈະມາໃຊ້ໃນການຈັດງານດອງຈະມາຈາກໃສ? ຈະເຮັດແບບໃດ?

 2. ເລື່ອງລູກ

ເລື່ອງນີ້ກໍ່ເປັນເລື່ອງທີ່ສຳຄັນອີກເລື່ອງໜຶ່ງ ກ່ອນຈະຕັດສິນໃຈແຕ່ງງານທ່ານຕ້ອງລົມກັນໃຫ້ຄັກແນ່ ໂດຍສະເພາະກໍລະນີຖ້າອີກຝ່າຍບໍ່ສາມາດມີລູກໄດ້ເດ ຍັງຢາກຈະແຕ່ງງານນຳ ຫຼື ບໍ່? ບໍ່ແມ່ນວ່າບາດແຕ່ງງານກັນໄປແລ້ວຮູ້ວ່າອີກຝ່າຍໜຶ່ງມີລູກບໍ່ໄດ້ກໍ່ຈະຫາທາງປະຮ້າງ ຫຼື ຫາເຫດຜົນຕ່າງໆເພື່ອມາທຳຮ້າຍຈິດໃຈກັນ

 3. ເລື່ອງສາດສະໜາ

ກໍລະນີຄູ່ທີ່ຖືສາດສະໜາບໍ່ຄືກັນ ຕ້ອງໄດ້ລົມກັນຄືນວ່າຈະເຮັດແນວໃດ ຈະຖືສາດສະໜາອັນດຽວກັນໄດ້ບໍ່ ຫຼື ຖືຄົນລະສາດສະໜາກໍ່ໄດ້ ຫຼື ຖືທັງສອງສາດສະໜາເລີຍ ລົມກັນໄວ້ລ່ວງໜ້າ ເພື່ອຈະບໍ່ມີບັນຫາຕາມມາພາຍຫຼັງ

 4. ເລື່ອງທີ່ຢູ່ອາໃສ

ທີ່ຢູ່ອາໃສກໍ່ເປັນເລື່ອງສຳຄັນ ເພາະແຕ່ງກັນແລ້ວຈະໄປຢູ່ໃສ ຢູ່ກັບຄອບຄົວພໍ່ແມ່ຝ່າຍຜົວ ຫຼື ຝ່າຍເມຍ ຫຼື ແຍກອອກມາຢູ່ສ່ວນຕົວຜົວເມຍ ຫຼື ຈັ່ງໃດ ອັນນີ້ກໍ່ຕ້ອງລົມກັນໃຫ້ຕົກແຕກ