ຄວາມຍິ່ງໃຫຍ່ ແລະ ຄວາມສຳເລັດຂອງ ຟອດ ມີຈຸດເລີ່ມຕົ້ນມາຈາກຊາຍທີ່ມີຊື່ວ່າ ‘’ ເຮັນຣີ ຟອດ ‘’
(Henry Ford) ໂດຍ ມໍເຕີ ຄຳປະນີ ບໍ່ໄດ້ເປັນບໍລິສັດຜະລິດລົດຍົນບໍລິສັດທຳອິດ ທີ່ ເຮັນຣີ ຟອດ
ກໍ່ຕັ້ງຂຶ້ນ, ເຂົາໄດ້ປະ ຖິ້ມທຸລະກິດລົດຍົນເດີມຂອງຕົນທີ່ມີຊື່ວ່າ ເດິະ ເຮັນຣີ ຟອດ ຄຳປະນີ
(The Henry Ford Company) ຫຼັງຈາກທີ່ມີບັນຫາກັບຜູ້ຖືຮຸ້ນ ເຊິ່ງບໍລິສັດດັ່ງກ່າວ ຕໍ່ມາໄດ້
ປ່ຽນຊື່ ໂດຍຕັ້ງຊື່ຕາມ Antoine de la Mothe Cadillac ເຊິ່ງເປັນ ນັກສຳຫຼວດຊາວຝຣັ່ງເສດ
ຜູ້ຄົ້ນພົບເມືອງດີທຣອຍ.
ລົດຍົນທີ່ປ່ຽນໂສມໜ້າປະຫວັດສາດໂລກ ແລະ ຕະຫຼາດລົດຍົນໄປຕະຫຼອດການຄື ” ຟອດ ໂມເດລທີ ”
ເຊິ່ງຄັນທຳອິດ ໄດ້ຜະລິດຂຶ້ນໃນປີ 1908 ແລະ ຕົກມາຮອດປີ 1916 ຢູ່ຕາມທ້ອງຖະໜົນຂອງອາເມລິ
ກາກໍມີລົດລຸ້ນດັ່ງກ່າວກວມເອົາອັດຕາສ່ວນ 55% ຂອງຈຳນວນລົດທັງໝົດ, ຟອດ ໂມເດລທີ ລຸ້ນນີ້
ເປັນທີ່ນິຍົມຢ່າງຫຼວງຫຼາຍນັ້ນ ກໍເນື່ອງມາຈາກລາຄາທີ່ຖືກກ່ວາເຄິ່ງໜຶ່ງ ເມື່ອປຽບທຽບກັບລາຄາ
ຂອງລົດຍົນຄູ່ແຂ່ງລາຍອື່ນໆ ໃນເວລານັ້ນ.
ໃນປີ 1911 ພະນັກງານຂອງຟອດ ຊື່ວ່າ ເຮັນຣີ ອາເລັກຊານເດີ້ (Henry Alexander) ຂັບລົດຟອດ
ໂມເດລທີ ຂຶ້ນຍອດເຂົາ ເບນ ເນວິສ (BEn Nevis) ເຊິ່ງເປັນຍອດເຂົາທີ່ສູງທີ່ສຸດໃນສະຫະຣາຊະອານາ
ຈັກ ເພື່ອພິສູດຄວາມທໍລະຫົດ ແລະ ຄວາມແຂງແຮງຂອງລົດ ທີ່ຕ້ອງຜ່ານຜ່າ ແລະ ປືນປ່າຍຂຶ້ນເນີນ
ເທິງສະພາບຖະໜົນທີ່ມີທັງຫິມະ ແລະ ຫິນນ້ອຍໃຫຍ່ຕະຫຼອດທາງ ໂດຍເຂົາສາມາດຂັບລົດ ຟອດ
ໂມເດລທີ ຂຶ້ນສູ່ຍອດເຂົາໄດ້ສຳເລັດ ໂດຍໃຊ້ເວລາຂັບເຖິງ 5 ມື້ເຕັມ.
ຕອນທຳອິດ ຟອດ ໂມເດລທີ ມີຈຳໜ່າຍຫຼາກຫຼາຍສີ ແລະ ໂດ່ງດັງ, ແຕ່ເມື່ອມີການປ່ຽນວິທີມາສູ່ການ
ຜະລິດແບບສາຍພານ ໃນປີ 1913 ໂມເດລທີ ກໍຖືກຜະລິດອອກມາແຕ່ສີດຳພຽງສີດຽວ ເນື່ອງຈາກສີດຳ
ເປັນສີທີ່ແຫ້ງໄວທີ່ສຸດ. ຟອດ ໂມເດລທີ ຖືກຜະລິດຕໍ່ເນື່ອງຍາວນານ 19 ປີ ໂດຍໂມເດລທີຄັນສຸດທ້າຍ
ອອກຈາກສາຍການຜະລິດ ທີ່ໂຮງງານ ຟອດ ໄຮແລນ ປາກ (Highland Park Plant) ລັດມິຊິແກນ
ສະຫະລັດອາເມລິກາ ໃນວັນທີ 26 ພຶດສະພາ 1927 ເຊິ່ງນັບລວມຈຳນວນການຜະລິດທັງໝົດໄດ້ເຖິງ
15 ລ້ານຄັນ ພ້ອມການປິດຕຳນານຢ່າງຫຼຼຫຼາໃນປີ 1999 ສຳລັບການໄດ້ຮັບຕຳແໜ່ງເປັນ ລົດແຫ່ງ
ສະຕະວັດ (Car of the Century) ເຊິ່ງຜ່ານການແຕ່ງຕັ້ງໂດຍ Global Automotive Elections
Foundation.