ໃນວັນທີ 01/10/2025 ທີ່ຜ່ານມາ, ສຳນັກຂ່າວໃນໄຕ້ຫວັນໄດ້ລາຍງານວ່າ ມີເຫດບໍ່ຄາດຄິດກ່ຽວກັບຜູ້ສູງ ກໍລະນີແມ່ຕູ້ທີ່ຖືກຍິງສາວປະເພດສອງ (LGBTQ) ຖີບຢູ່ໃນລົດໄຟ ໃນວັນທີ 29/09/2025 ທີ່ຜ່ານມາ, ເຊິ່ງກຳລັງເປັນກະແສດັງໃນໃນສື່ສັງຄົມອອນລາຍໃນປັດຈຸບັນ.ສາເຫດເກີດຈາກການຍາດບ່ອນນັ່ງພິເສດພາຍໃນຂະບວນລົດໄຟແຫ່ງໜຶ່ງໃນໄຕ້ຫວັນ ເນື່ອງຈາກບ່ອນນັ່ງນັ້ນເປັນບ່ອນຂອງຜູ້ສູງອາຍຸ ແມ່ຕູ້ິເລີຍພະຍາຍາມໄລ່ຍິງສາວປະເພດສອງອອກຈາກບ່ອນນັ່ງ ແຕ່ວ່າໃນຂະບວນນັ້ນກໍຍັງມີຫຼາຍບ່ອນທີ່ຍັງວ່າງ ດ້ວຍເຫດນັ້ນຈຶ່ງເກີດການໂຕ້ຖຽງ ແລະ ໃຊ້ຄວາມຮຸນແຮງໃນທີ່ສຸດ.
ຈາກຄລິບວິອີໂອດັ່ງກ່າວທີ່ຖືກເຜີຍແຜ່ໄປໃນໂລກອອນລາຍ ກໍມີກະແສຈາກສັງຄົມເຂົ້າມາຕັ້ງຂໍ້ສົງໃສ ແລະ ຄຳຖາມ ເຊັ່ນ: ເລື່ອງນີ້ໃຜຖືກໃຜຜິດ ເພາະວ່າບ່ອນນັ່ງບ່ອນອື່ນກໍຍັງວ່າງ, ບາງຄົນກໍບອກວ່າສົມຄວນແລ້ວທີ່ຖືກແບບນັ້ນ ແລະ ແຕ່ບາງກຸ່ມກໍບອກວ່າບໍ່ຄວນໃຊ້ຄວາມຮຸນແຮງໃນການແກ້ໄຂບັນຫາ.
ມາຮອດວັນທີ 01/09/2025 ທາງເຈົ້າໜ້າທີ່ຂອງໄຕ້ຫວັນກໍໄດ້ເຂົ້າກັກໂຕແມ່ຕູ້ ອາຍຸ 76 ປີ ຢູ່ທີ່ຮ້ານຂາຍເຄື່ອງແຫ່ງໜຶ່ງ ເພາະວ່າແມ່ຕູ້ໄດ້ເຂົ້າໄປກໍຄວາມວຸ້ນວາຍໃນຮ້ານດັ່ງກ່າວ ຜ່ານການສອບສວນ ແລະ ກວດສອບປະຫວັດຂອງແມ່ຕູ້ ທາງເຈົ້າໜ້າທີ່ໄດ້ຂໍ້ມູນຄື
ເລີ່ມແຕ່ປີ 2023 ແມ່ຕູ້ແມ່ນເຄີຍກໍເຫດລັກຊັບມາແລ້ວຫຼາຍຄັ້ງ ແລະ ກໍເຄີຍຖືກສັ່ງຈໍາຄຸກ 55 ມື້ ແຕ່ແມ່ຕູ້ກໍບໍ່ເຄີຍເຂົ້າໄປລາຍງານໂຕເພື່ອຮັບໂທດ. ສຸດທ້າຍເຮັດໃຫ້ທາງເຈົ້າໜ້າທີ່ກໍໄດ້ອອກໝາຍຈັບແມ່ຕູ້ຄົນຄົນນີ້.
ໃນລະຫວ່າງການກັກໂຕໃນຄັ້ງ ວັນທີ 02/10/2025 ນີ້ ແມ່ຕູ້ປະຕິເສດທຸກຂໍ້ກ່າວຫາ ພໍມາຮອດສະຖານີຕຳຫຼວດ ແລະ ສື່ກຽມສຳພາດ ທ່າທາງຂອງແມ່ຕູ້ກໍໄດ້ປ່ຽນໄປພ້ອມໃຫ້ສຳພາດກັບສື່ດ້ວຍຄວາມໃຈເຢັນ
ປັດຈຸບັນທາງເຈົ້າໜ້າທີ່ກຳລັງສືບສວນເພີ່ມເຕີມ ເພື່ອດຳເນີນຄະດີທາງກົດໝາຍຕໍ່ໄປ
ໃນພາກສ່ວນຂອງການກໍຄວາມວຸ້ນວາຍໃນລົດໄຟນັ້ນ ທາງສາວປະເພດສອງ ແລະ ແມ່ຕູ້ ແມ່ນສາມາດຖືກປັບໄໝປະມານ 18,000 ໂດລາ/ໄຕ້ຫວັນ ຫຼື ປະມານ 11,000,000 ກີບ
ແຫຼ່ງຂໍ້ມູນ: Then Tiger News