ໃນວັນທີ 07/10/2025 ລາຍງານຈາກສຳນັກຂ່າວໃນປະເທດອິນໂດເນເຊຍ ມີຄລິບເຫດການທີ່ເປັນກະແສເນື່ອງຈາກມີຊາຍຄົນໜຶ່ງຍອມໃຫ້ເມຍຕົນເອງໄປຄົບກັບຊູ້ ພ້ອມຍອມແລກເມຍກັບງົວ 1 ໂຕ, ແລະເງິນອີກປະມານ 5,000,000 ລູເປຍອິນໂດເນເຊຍ (ປະມານ 6,800,000 ກີບ)

ຜ່ານການຕົກລົງຈາກທັງ 2 ຝ່າຍ ຈຶ່ງໄດ້ຕັດສິນໃຈ ຈັດພິທີໂມເວຍຊາລາປູ (ເປັນປະເພນີທີ່ຄວາມໝາຍວ່າການສົ່ງມອບ ແລະ ການປ່ອຍວາງ ເປັນປະເພນີທີ່ໃຊ້ແກ້ໄຂຄວາມຂັດແຍ້ງໃນຄູ່ຜົວເມຍ ທີ່ເກີດຈາກການນອກໃຈ ໂດຍທັງສອງຝ່າຍຕ້ອງເຫັນດີກັນຈຶ່ງຈະສາມາດຈັດພິທີນີ້ໄດ້) ໃນວັນທີ 20/09/2025 ທີ່ຜ່ານມາ ທີ່ເມືອງໂຄນາວາ ປະເທດອິນໂດເນເຊຍ ພາຍໃນງານເຕັມໄປດ້ວຍແຂກຈາກທາງສອງຝ່າຍ ທີ່ມາເພື່ອກ່າວຂໍໂທດ ໂອນຖ່າຍຄວາມຮັບຜິດຊອບ ແລະ ຍຸດຕິຂໍ້ຂັດແຍ່ງດ້ວຍສັນຕິພາບ, ໂດຍມີຂໍ້ສະເໜີຈາກທາງຝ່າຍຊາຍສະເໜີໃຫ້ຊູ້ຂອງເມຍຄື ຕ້ອງມອບງົວ 1 ໂຕ, ພ້ອມດ້ວຍເງິນສົດຈໍານວນ 5,000,000 ລູເປຍອິນໂດເນເຊຍ (ປະມານ 6,800,000 ກີບ) ໃຫ້ກັບຕົນ.

ທາງຝ່າຍຊາຍກໍໄດ້ເວົ້າກັບຊູ້ຂອງເມຍຕື່ມອີກວ່າ ຂ້ອຍຂໍຍົກເມຍໃຫ້ເຈົ້າເບິ່ງແຍງ ບໍ່ທຳຮ້າຍຮ່າງກາຍກໍພໍ ເພາະຕະຫຼອດເວລາທີ່ຜ່ານມາລາວບໍ່ເຄີຍມີຄວາມສຸກເລີຍໃນຕອນທີ່ຢູ່ນໍາຂ້ອຍ.

ແຫຼ່ງຂໍ້ມູນ: WORLD OF BUZZ