spot_img
Homeຊີວິດແລະຄວາມຮັກ5 ບັນຫາທີ່ຄູ່ຮັກຕ້ອງພົບ ເມື່ອຢ້າຍເຂົ້າມາຢູ່ນຳກັນ

5 ບັນຫາທີ່ຄູ່ຮັກຕ້ອງພົບ ເມື່ອຢ້າຍເຂົ້າມາຢູ່ນຳກັນ

Published on

ການຢ້າຍເຂົ້າມາຢູ່ນຳກັນຂອງຄູ່ຮັກ ຖືເປັນອີກກ້າວໜຶ່ງຂອງການເລື່ອນສະຖານະພາບຄວາມສຳພັນ ແລະ ທັງຄູ່ຕ້ອງອາໃສການປັບຕົວເຂົ້າຊ່ວຍ ຕະຫຼອດຈົນການປັບທັດສະນະຄະຕິທີ່ມີຮ່ວມກັນ ເພາະການໃຊ້ຊີວິດຮ່ວມຫຼັງຄາດຽວກັນທັງຕ້ອງໄດ້ຮຽນຮູ້ເຊິ່ງກັນ ແລະ ກັນໃນຫຼາຍໆດ້ານ ແລະ ມີບາງຄູ່ກໍ່ມີບັນຫາທີ່ຈະຕ້ອງພົບເປັນປະຈຳເຊັ່ນ:

1. ໜິ້ງກັນເຮັດວຽກເຮືອນ: ແນ່ນອນເລີຍວ່າເມື່ອເວລາຢ້າຍເຂົ້າມາຢູ່ໃນນຳກັນແລ້ວ ເລື່ອງວຽກເຮືອນວຽກຊານກໍ່ເປັນອີກສິ່ງໜຶ່ງທີ່ມັກກໍ່ໃຫ້ເກີດບັນຫາກັບຫຼາຍໆຄູ່ເຊັ່ນ: ຝ່າຍຊາຍກໍ່ມັກຈະຄິດວ່າວຽກເຮືອນເປັນວຽກຂອງແມ່ຍິງ ສ່ວນແມ່ຍິງກໍ່ຄິດຢາກໃຫ້ຝ່າຍຊາຍເຮັດຊ່ວຍໃນບາງວຽກທີ່ຝ່າຍຊາຍສາມາດເຮັດໄດ້ ເມື່ອບໍ່ເປັນໄປຕາມທີ່ຄິດກໍ່ອາດມີປາກສຽງກັນເລັກໜ້ອຍໃນເລື່ອງນີ້

2. ເສິກຍາດລີໂມດ: ເລື່ອງນີ້ເປັນບັນຫາທີ່ເຫັນເປັນປະຈຳ ເພາະບາງເວລາຝ່າຍຊາຍຢາກເບິ່ງຂ່າວ, ສາລະຄະດີ, ກີລາທີ່ມັກ ແຕ່ຝ່າຍຍິງພັດມັກເບິ່ງລະຄອນ, ເກມໂຊ… ແຕ່ຖ້າບໍ່ໄດ້ດັ່ງໃຈກໍ່ເກີດມີປາກສຽງກັນ

3. ເລື່ອງເງິນ: ເລື່ອງເງິນເປັນເລື່ອງທີ່ສຳຄັນທີ່ສຸດເຫັນຫຼາຍຄູ່ແລ້ວທີ່ມີປາກສຽງກັນ ຈົນເຖິງຂັ້ນແຍກທາງກັນກໍ່ມີເພາະລາຍຮັບລາຍຈ່າຍທີ່ບໍ່ມີຄວາມໂປ່ງໃສຕໍ່ກັນນັ້ນເອງ

4. ເອົາຄວາມຄິດຂອງຕົນເອງເປັນໃຫຍ່: ສິ່ງນີ້ກໍ່ເປັນອີກສາເຫດໜຶ່ງທີ່ເຮັດໃຫ້ຄູ່ຮັກຫຼາຍຄູ່ໄປກັນບໍ່ລອດ ຍ້ອນຕ່າງຝ່າຍຕ່າງເອົາແຕ່ຄວາມຄິດຂອງຕົວເອງເປັນຫຼັກ ເມື່ອຢ້າຍມາຢູ່ຮ່ວມກັນແລ້ວບາງຢ່າງກໍ່ຕ້ອງຮູ້ຈັກຍອມ ຮູ້ຈັກເປີດໃຈຮັບຟັງຄວາມຄິດເຫັນຂອງອີກຝ່າຍແນ່ກໍ່ດີ ຊີວິດຮັກຈິ່ງຈະມີຄວາມສຸກ

5. ມັກເຂົ້າໃຈຜິດ: ການສື່ສານທີ່ດີເປັນອີກສິ່ງໜຶ່ງທີ່ເຮັດໃຫ້ຊີວິດຄູ່ປະສົບຄວາມສຳເລັດ ສະນັ້ນການເວົ້າຕົງໆ ຫຼື ການສະແດງອອກແບບຕົງໆຕໍ່ກັນມັນເປັນສິ່ງທີ່ດີທີ່ສຸດ ເພາະຈະສາມາດເຮັດໃຫ້ອີກຝ່າຍເຂົ້າໃຈຄວາມຕ້ອງການ ຫຼື ເຂົ້າໃຈບັນຫາຂອງອີກຝ່າຍໄດ້ຫຼາຍຂຶ້ນ.

 

ທີ່ມາ: http://wedding.kapook.com/

 

 

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...