ໍບໍ່ວ່າທ່ານຈະຄົບກັນມາຈັກປີກໍ່ຕາມກໍ່ຕ້ອງມີເລື່ອງໜຶ່ງສອງເລື່ອງທີ່ຕ້ອງເວົ້າຕວະກັນ ກໍ່ວ່າຈະເປັນເລື່ອງໃດກໍ່ຕາມວັນນີ້ ຊີວິດ ກັບ ຄວາມຮັກ ເຮົາມາຮູ້ຈັກກັບ 7 ວິທີຈັບຜິດຄົນຂີ້ຕວະມາຝາກກັນ ເຊິ່ງຈະເປັນແນວໃດນັ້ນເຮົາມາອ່ານກັນເລີຍ
1. ເບິ່ງຕາເຂົາ ຫາກເຂົາພະຍາຍາມຫຼົບສາຍຕາທ່ານ ຫຼື ເຮັດຕາລັກອກແລັກໄປມາຜິດຈາກປົກກະຕິ ສະແດງວ່າເຂົາມີເລື່ອງປິດບັງທ່ານແນ່ນອນ
2. ຈ້ອງຕາເບິ່ງທ່ານ ຖ້າບໍ່ໄດ້ຢູ່ໃນອາລົມ ຫຼື ບັນຍາກາດທີ່ຫວານຊຶ້ງແຕ່ເຂົາກັບຈ້ອງຕາເບິ່ງທ່ານດົນຜິດປົກກະຕິ ສະແດງວ່າເຂົາກຳລັງມີຫຍັງໃນໃຈແນ່ນອນ ເພາະຄົນຈຳພວກນີ້ທີ່ຈ້ອງຕາເບິ່ງທ່ານດົນກວ່າປົກກະຕິ ເພາະເຂົາຢ້ານວ່າຖ້າເຂົາຫຼົບສາຍຕາທ່ານ ຫຼື ເຮັດຕາລັອກແລັກໄປມາທ່ານສະສົງໃສເຂົາໄດ້
3. ມືເຊື່ອງໃນກະເປົນຕະຫຼອດເວລາ ຫາກທ່ານຈັບຜິດທາງຕາບໍ່ໄດ້ແຕ່ຍັງຄິດຄາໃຈຢູ່ ກໍ່ໃຫ້ປ່ຽນມາສັງເກດທີ່ມືແທນ ເຊິ່ງຖ້າປົກກະຕິແລ້ວຫາກເຂົາບໍ່ແມ່ນຄົນເກັບຕົວ ຂີ້ມາດ ແຕ່ວັນນີ້ມາແປກ ມັກຈົກຖົງຢູ່ຕະຫຼອດ ສະແດງວ່າ ເຂົາມີຄວາມຄິດໃນໃຈບາງຢ່າງທີ່ບອກທ່ານບໍ່ໄດ້
4. ເລົ່າທຸກລາຍລະອຽດ ສ່ວນຫຼາຍຖ້າຄົນທີ່ຖືກແຟນຖາມວ່າ ໄປໃສມາ? ໄປເຮັດຫຍັງມາ? ພວກເຂົາກໍ່ຕອບແບບສັ້ນໆ ໂດຍສະເພາະຜູ້ຊາຍ ພໍໃຫ້ທ່ານສະບາຍແລ້ວກໍ່ລົມເລື່ອງອື່ນຕໍ່ ແຕ່ຖ້າເມື່ອໃດພວກເຂົາເລົ່າລາຍອຽດແບບຍາວຢຽດ ເຊິ່ງຜິດປົກກະຕິຈາກທີ່ເຄີຍເປັນ ຈົ່ງລະວັງໄວ້ບາງເທື່ອເຂົາອາດມີຫຍັງປິດບັງໃນເລື່ອງນັ້ນກໍ່ໄດ້ ແຕ່ສຳລັບຂໍ້ນີ້ມັນກໍ່ບໍ່ແມ່ນສະເໝີໄປ ເພາະບາງຄົນກໍ່ມັກລົມຢາກເວົ້າໃຫ້ຟັງກໍ່ມີ
5. ເອົາມືລູບທີ່ດັງ ຕາມສາດຂອງຈິດວິທະຍາບອກວ່າຄົນທີ່ກຳລັງເວົ້າຕວະເອົາມືເອົາລູບດັບ, ຈັບດັງ ເພາະກັງວົນວ່າຄົນອື່ນຈະຈັບໄດ້ວ່າຕົວເອງກຳລັງເວົ້າຕວະຢູ່ນັ້ນເອງ
6. ເລົ່າເຫດການຍ້ອນຫຼັງບໍ່ໄດ້ ຖ້າເຮົາຖາມຄືນ ແລ້ວເລົ່າເຫດການຍ້ອນຫຼັງໄປໄດ້ວົກໄປວຽກມາ ຫຼື ເວົ້າມີພິຫລຸດຫຼາຍຢ່າງ ໝາຍຄວາມວ່າເຂົາກຳລັງເວົ້າຕວະທ່ານຢູ່
7. ຢຸດຄິດດົນ ສຳລັບຄົນທີ່ກຳລັງຈະເວົ້າຕວະແບບບໍ່ໄດ້ກຽມຕົວມາລ່ວງໜ້າ ມັກຈະຊິງເພື່ອຄິດກ່ອນເວົ້າສະເໝີ ເພາະຢ້ານຖ້າເວົ້າອອກໄປແລ້ວຈະຈື່ສິ່ງທີ່ຕົນເອງເວົ້າອອກໄປກ່ອນໜ້ານີ້ບໍ່ໄດ້ນັ້ນເອງ
ທີ່ມາ: http://www.siamok.com/s/138882