ລາຄານໍ້າມັນໃນຕະຫຼາດອາຊີຫຼຸດລົງມື້ນີ້ ກ່ອນໜ້າລາຍງານປະລິມານນໍ້າມັນດິບສຳຮອງສະຫະລັດ ແລະ ການລົງປະຊາມະຕິຂອງອັງກິດວ່າຈະຢູ່ ຫຼື ໄປຈາກສະຫະພາບເອີຣົບ (ອີຢູ) ຫຼັງຈາກລາຄານໍ້າມັນຫຍັບຂຶ້ນມາ 2 ວັນ.
ທ້າວ ຈອດ ໂຊຣອສ ມະຫາເສດຖີການເງິນຊາວອາເມລິກາ ແລະ ທ້າວ ລີ ກາຊິງ ມະຫາເສດຖີຈີນຮົງກົງກ່າວເຕືອນວ່າ ເສດຖະກິດຈະຕົກລົງໜັກຫາກອັງກິດເລືອກອອກຈາກການເປັນສະມາຊິກອີຢູ ຄວາມກັງວົນກັນວ່າຊາວອັງກິດຈະເລືອກລົງປະຊາມະຕິອອກຈາກອີຢູໃນວັນພະຫັດນີ້ສົ່ງຜົນກະທົບໄປທົ່ວໂລກ ລາຄານໍ້າດິບສະຫະລັດຫຼຸດລົງ 16 ເຊນ ຫຼື 0,32 ມາຢູ່ທີ່ບາເຣລລະ 49,21 ໂດລາ ແລະ ລາຄານໍ້າມັນດິບເບຣນຫຼຸດລົງ 23 ເຊັນ ຫຼື 0,45% ມາຢູ່ທີ່ 50,42 ໂດລາ ນອກຈາກນີ້ ນັກຄ້ານໍ້າມັນຍັງຖ້າຕິດຕາມລາຍງານປະລິມານນໍ້າມັນສຳຮອງສະຫະລັດປະຈຳອາທິດທີ່ຈະເປີດເຜີຍໃນວັນພຸດ.