ການແຂ່ງຂັນບານເຕະຊິງແຊມປ໌ແຫ່ງຊາດເອີຣົບ ວັນພະຫັດທີ 16 ມິຖຸນາ 2016 ຮອບແບ່ງກຸ່ມ ກຸ່ມ B ”ສິງໃຫຍ່”ທີມຊາດ ອັງກິດ ຈະພົບກັບ “ມັງກອນ” ທີມຊາດ ເວວສ໌ ເວລາ 20:00 ໂມງ
ທັດສະນະ
ທີມຊາດອັງກິດ ແລະທີມຊາດເວວສ໌ ມີສະຖິຕິທີ່ສູສີກັນຫລາຍ ໂດຍໃນທົວນາເມັ້ນນີ້ອັງກິດເປີດເກມແຮກມາສະເໝີກັບຣັດເຊຍ 1-1 ປະຕູ ສ່ວນທີມຊາດເວວສ໌ ກໍເອົາຊະນະສະໂລວາກີ ມາໄດ້ແບບຫວຸດຫວິດ 2-1 ປະຕູ ເຮັດໃຫ້ເກມນັດນີ້ເບິ່ງເປັນການແຂ່ງຂັນທີ່ສູສີຫລາຍ ອາຍຸສະເລ່ຍຂອງທີມກໍໃກ້ຄຽງກັນ ຄື 24-26 ປີ
ເກມຄາດວ່າອັງກິດຈະເປັນຝ່າຍຄອງເກມໄດ້ເໜືອກວ່າ ແຕ່ການປິດເກມໃນຈັງຫວະສຸດທ້າຍຈະເຮັດໄດ້ດີເທົ່າໃດ ໃນຂະນະທີ່ເວວສ໌ ມີຜູ້ຫລິ້ນທີ່ມີຄວາມໄວຢ່າງ ແກເຣັດ ເບລ ມີຕົວສ້າງສັນເກມຢ່າງ ແລມຊີ ຖ້າຊ່ວຍໃນເກມບຸກ ຄາດວ່າຈະເປັນເກມທີ່ສູ້ກັນໄດ້ຢ່າງດຸເດືອດ ເພາະ”ສິງໃຫຍ່”ຕ້ອງການແຕ້ມເພື່ອໂອກາດໃນການເຂົ້າຮອບ ໃນຂະນະທີ່ທີມຫົວຕາລາງກໍ່ຕ້ອງການແຕ້ມເພື່ອຈະໜີຄູ່ແຂ່ງເຊັ່ນກັນ