ສຳລັບການແຂ່ງຂັນບານເຕະຊິງແຊ້ມແຫ່ງຊາດເອີຣົບ ໃນວັນພຸດທີ 15 ມິຖຸນາ 2016 ໂຣມານີ ພົບກັບ ສະວິດເຊີແລນ ເວລາ 23:00 ໂມງ
ທັດສະນະ
ໂຣມານີ ເສຍໃຫ້ເຈົ້າພາບຝຣັ່ງໃນນັດເປີດສະໜາມ 2-1 ປະຕູ ໂດຍທີ່ທີມຖືວ່າເຮັດເກມສູ້ໄດ້ດີ ແລະ ເກືອບຈະສະເໝີໄດ້ ຖ້າບໍ່ໄປຖືກລູກຍິງສຸດງາມຂອງ ດິມິດລີ ປາເຍັດ ໃນຊ່ວງທ້າຍເກມທີ່ກາຍມາເປັນປະຕູໄຊໃຫ້ກັບຝຣັ່ງ
ສ່ວນທາງດ້ານ ສະວິດເຊີແລນ ເກມນັດທີ່ຜ່ານມາທີມເປັບຝ່າຍເອົາຊະນະອານບານີ ມາໄດ້ 1-0 ປະຕູ ໂດຍໄດ້ປະຕູໄວຕັ້ງແຕ່ 5 ນາທີທຳອິດ ຫລັງຈາກນັ້ນກໍພະຍາຍາມເຮັດເກມບຸກແຕ່ກໍຍິງເພີ່ມບໍ່ໄດ້ ໂດຍໃນເກມນັ້ນສະວິດເຊີແລນ ສ້າງສັນໂອກາດເຮັດປະຕູໄດ້ເຖິງ 15 ເທື່ອ ຫລາຍກວ່າອານບານີ ທີ່ເຮັດໄດ້ພຽງ 7 ເທື່ອເທົ່ານັ້ນ
ສຳລັບເກມນັດນີ້ທັງ 2 ທີມບໍ່ມີບັນຫາເລື່ອງຜູ້ຫລິ້ນບາດເຈັບຫລືຕິດໂທດແບນ ເບິ່ງແລ້ວກໍໜ້າຈະຍັງໃຊ້ຊຸດເດີມຈາກເກມນັດທີ່ຜ່ານມາ ໂຣມານີ ເຄີຍພົບກັບສະວິດເຊີແລນມາແລ້ວ 2 ເທື່ອ ໂດຍຫລ້າສຸດເປັນເກມອຸ່ນເຄື່ອງເມື່ອປີ 2012 ຜົນເປັນທາງໂຣມາເນຍທີ່ເອົາຊະນະໄປໄດ້ 1-0 ປະຕູ ສ່ວນອີດກນັດທີ່ພົບກັນຄືເກມນັດບານໂລກຮອບສຸດທ້າຍແຕ່ປີ 1994 ເກມນັ້ນເປັນສະວິດເຊີແລນ ທີ່ຖະຫລົ່ມຊະນະໄປ 4-1 ປະຕູ ເບິ່ງຈາກຜົນງານໃນເກມທຳອິດ ສະວິດເຊີແລນ ເບິ່ງຈະເຮັດໄດ້ດີກວ່າ ໂດຍສະເພາະໃນເກມຮັບ ແຖມໃນເກມບຸກກໍມີທີເດັດ ເຊື່ອວ່າເກມນີ້ໜ້າຈະເປັນສະວິດເຊີແລນ ທີ່ເປັນຝ່າຍບຽດເອົາຊະນະໂຣມານີໄປໄດ້