OnePlus ປະກາດເປີດໂຕສະມາດໂຟນເຮືອງທຸງລຸ້ນໃໝ່ນາມວ່າ OnePlus 3 ຢ່າງເປັນທາງການແລ້ວຜ່ານແອັບ Loop VR!!. ສຳລັບສະເປັກຂອງໂຕເຄື່ອງແລະລາຄານັ້ນເຮັດອອກມາເພື່ອຂ້າໂທລະສັບເຮືອທຸງລຸ້ນອື່ນອີຫຼີ່ເພາະລາຄາພຽງແຕ່ $399 ເທົ່ານັ້ນ.
ສຳລັບໂຕເຄື່ອງຂອງ OnePlus 3 ແມ່ນເຮັດດ້ວຍວັດສະດຸອະລູມີນ້ຽມ, ຕິດຕັ້ງເຊັນເຊີ້ສະແກນນິ້ວມືໄວ້ທີ່ປຸ່ມໂຮມດ້ານໜ້າໂຕເຄື່ອງ, ສ່ວນໜ້າຈໍນັ້ນແມ່ນໃຊ້ຈໍ Optic AMOLED ຂະໜາດ 5.5 ນິ້ວ, ຄວາມລະອຽດ Full HD (1920 x 1080 ພິກເຊວ), 401PPI ແລະປ້ອງກັນດ້ວຍແກ້ວ Gorilla Glass 3.
ດ້ານຮາດແວຣ໌ພາຍໃນແມ່ນມາພ້ອມກັບຊິບປະມວນຜົນ Snapdragon 820 ຄວາມແຮງ 2.15GHz, ແຕ່ບໍລິສັດເຄລມວ່າສາມາດບູດຄວາມແຮງສູງສຸດ 2.2GHz ແລະ ມາພ້ອມກັບ GPU Adreno 530 GPU. RAM 6GB ແລະພື້ນທີ່ຈັດເກັບ 64GB UFS 2.0 ບໍ່ສາມາດເພີ່ມ microSD ໄດ້
ດ້ານຫຼັງຂອງ OnePlus 3 ຕິດຕັ້ງກ້ອງມາ 16 ລ້ານພິກເຊວ ໃຊ້ເຊັນເຊີ້ຂອງ Sony IMX298, ຄ່າ f/2.0 ມາພ້ອມກັບ OIS, EIS ແລະ PDAF, ຮອງຮັບການຖ່າຍວີດີໂອ 4K ທີ່ 30fps ແລະ ໂໝດສະໂລໂມຊັ່ນ HD ທີ່ 120fps. ສ່ວນກ້ອງໜ້ານັ້ນໃຫ້ມາ 8 ລ້ານພິກເຊວ ໃຊ້ເຊັນເຊີ້ຂອງ Sony IMX179 ພ້ອມກັບ f/2.0 ແລະ EIS.
ສຳລັບແບັດເຕີຣີນັ້ນໃຫ້ມາ 3000mAh ພ້ອມກັບເທັກໂນໂລຢີ DASH Charge ທີ່ສາມາດສາກແບັດໂທລະສັບໃຫ້ໄດ້ 60% ພຽງ 30 ນາທີ. ດ້ານຄຸນສົມບັດອື່ນໆກໍມີ NFC, Wi-Fi ac, ພອຣດ USB Type-C, ໄຟແຈ້ງເຕືອນ RGB, ເລື່ອນການແຈ້ງເຕືອນ, ຮອງຮັບ 2 ຊິມ, ຮອງຮັບ 4G LTE Cat. 6, ລະບົບສຽງ Dirac HD sound ແລະໄມໂຄຣໂຟນສອງອັນ ພ້ອມລະບົບຕັດສຽງລົບກວນ. ໂຕເຄື່ອງແມ່ນໃຊ້ງານລະບົບ Android 6.0 Marshmallow ທັບດ້ວຍ OxygenOS.
ໂຕເຄື່ອງມີ 2 ສີໃຫ້ເລືອກໄດ້ແກ່ Graphite ແລະ Soft Gold. ສຳລັບລຸ້ນ Graphite ນີ້ຈະເປັນລຸ້ນທີ່ຈຳໜ່າຍໃນທົ່ວໂລກ ລາຄາຢູ່ທີ່ $399, ໃນຂະນະທີ່ລຸ້ນ Soft Gold ຍັງບໍ່ມີຂໍ້ມູນໃດໆ
ປິດທ້າຍຂ່າວດ້ວຍຮູບຈາກກ້ອງຫຼັງຂອງ OnePlus 3
