ສຳລັບການແຂ່ງຂັນ ໂຕໂຢຕ້າ ແມ່ຂອງ ຄລັບ ແຊ້ມປ້ຽນຊິບ ໄດ້ຮັບການສ້າງຕັ້ງຂຶ້ນໃນປີ 2014 ໂດຍມີຈຸດປະສົງເພື່ອພັດທະນາຄວາມສາມາດຂອງ ເຍົາວະຊົນ ໃນປະເທດລຸ່ມແມ່ນ້ຳຂອງໃຫ້ມີຄວາມໂດດເດັ່ນຍິ່ງຂຶ້ນ. ການແຂ່ງຂັນເລີ່ມຈາກການມີ 4 ປະເທດເຂົ້າຮ່ວມ ຄື ປະເທດ ລາວ, ກຳປູເຈ້ຍ, ມຽນມ້າ ແລະ ຫວຽດນາມ
ການແຂ່ງຂັນກໍ່ໄດ້ຈັດຂຶ້ນທີ່ປະເທດຫວຽດນາມ ແລະ ໃນປີ 2015 ປະເທດໄທ ໄດ້ເລີ່ມເຂົ້າຮ່ວມການແຂ່ງຂັນ ໂດຍໄດ້ການແຂ່ງຂັນແມ່ນຈະໄດ້ຈັດຂຶ້ນຢູ່ທັງ 5 ປະເທດສະມາຊິກ ສ່ວນໃນປີ 2014, ປະເທດຫວຽດນາມ ແມ່ນໄດ້ຄອງຕຳແຫນ່ງແຊ້ມ ແລະໃນປີ 2015, ປະເທດໄທ ກໍ່ໄດ້ຄອງແຊ້ມຄວ້າເອົາຂັນລາງວັນກັບບ້ານໄປ, ໃນຂະນະທີ່ ປະເທດ ກຳປູເຈ້ຍ ໄດ້ຄອງອັນດັບສອງ
ການແຂ່ງຂັນທີ່ຜ່ານມາໄດ້ສະແດງອອກໃຫ້ເຫັນເຖິງນ້ຳໃຈນັກກິລາຂອງທັງນັກກິລາ ແລະກອງເຊຍ, ດັ່ງນັ້ນ ໂຕໂຢຕ້າ ຈຶ່ງຈະໄດ້ຈັດການແຂ່ງຂັນ ໂຕໂຢຕ້າ ແມ່ຂອງ ຄລັບ ແຊ້ມປ້ຽນຊິບ ຂຶ້ນຢ່າງຕໍ່ເນື່ອງໃນປີ 2016 ກໍ່ຄືປະຈຸບັນ, ໂຕໂຢຕ້າ ກຳລັງຂຶ້ນແຜນທີ່ຈະຈັດການແຂ່ງຂັນໃນເດືອນພະຈິກ 2016 ຫາ ເດືອນມັງກອນ 2017
ການແຂ່ງຂັນໃນຄັ້ງນີ້ ຈະເປັນການແຂ່ງຂັນຂອງທີມແຊ້ມຈາກ ປະເທດ ລາວ, ກຳປູເຈຍ, ມຽນມ້າ, ໄທ ແລະ ຫວຽດນາມ, ເຊິ່ງຈະໄດ້ມີການຈັດການຖະແຫລງຂ່າວ ເຖິງລາຍອຽດຂຶ້ນເພີ່ມເຕີມໃນເດືອນຕຸລາ 2016 ນີ້
ການແຂ່ງຂັນ ໂຕໂຢຕ້າ ແມ່ຂອງ ຄລັບ ແຊ້ມປ້ຽນຊິບ ໄດ້ເລີ່ມຂຶ້ນພາຍໄຕ້ແນວຄິດ ທີ່ຕ້ອງການເຊື່ອມໂຍງພະລັງແຫ່ງຄວາມມັກຮັກໃນກິລາບານເຕະ ເຂົ້າກັບຄວາມຕັ້ງໃຈຈິງຂອງໂຕໂຢຕ້າ ໃນການນຳສະເໜີລົດທີ່ “ດີຍິ່ງກວ່າ” (ever better cars) ໃຫ້ກັບຜູ້ບໍລິໂພກ, ເພື່ອນຳຕອບສະຫນອງນະວັດຕະກຳທີ່ຍືນຍົງ ແລະ ຕື່ນເຕັ້ນ ໃຫ້ກັບທຸກໆປະເທດ. ໃນປີນີ້, ໂຕໂຍຕ້າ ມີຄວາມຕັ້ງໃຈທີ່ຈະເປັນຫຼາຍກວ່າບໍລິສັດຜະລິດລົດ ໂດຍການຮ່ວມເປັນ ‘ພັນທະມິດທີ່ດີທີ່ສຸດ’ (best partner) ກັບຊຸມຊົນທ້ອງຖິ່ນໃນ ປະເທດກຳປູເຈຍ, ລາວ, ມຽນມ້າ, ໄທ ແລະ ຫວຽດນາມ, ດ້ວຍການ ສະໜັບສະໜູນກິລາບານເຕະ ເຊິ່ງເປັນກິລາທີ່ເຂົ້າເຖິງໄດ້ງ່າຍສຳລັບຄົນທຸກໄວ ທັງໜຸ່ມ ແລະ ຜູ້ສູງອາຍຸ ເຊິ່ງເປັນຄວາມມຸ້ງມາດປາດຖະໜາຂອງນັກເຕະ ແລະ ແຟນກິລາ ບານເຕະ
ທີ່ມາ : Lao Sport News