ນາຍົກຢໍ້າຄືນແຂວຄຳມ່ວນ ເອົາໃຈໃສ່ຕໍ່ການຈັດຕັ້ງປະຕິບັດ ຄໍາສັ່ງເລກທີ 15/ນຍ ທ່ານ ທອງລຸນ ສີສຸລິດ ນາຍົກລັດຖະມົນຕີ ພ້ອມດ້ວຍຄະນະ ໄດ້ເດີນທາງໄປເຄື່ອນໄຫວຢ້ຽມຢາມ ແລະ ເຮັດວຽກຢູ່ແຂວງຄໍາມ່ວນໃນວັນທີ 13 ມິຖຸນາ 2016 ໂດຍໄດ້ຮັບກຽດຕ້ອນຮັບອັນອົບອຸ່ນ ຈາກທ່ານໂອໄດ ສຸດາພອນ, ເຈົ້າແຂວງໆຄໍາມ່ວນພ້ອມດ້ວຍບັນດາຄະນະນຳຂອງແຂວງ, ຄະນະນໍາຂອງເມືອງ, ກອງບັນຊາການ ປກສ-ປກຊ ແຂວງ ແລະ ເມືອງ, ບັນດາພະ ແນກການອ້ອມຂ້າງພາຍໃນແຂວງ.
ໃນໂອກາດດັ່ງກ່າວ ທ່ານນາຍົກລັດຖະມົນຕີ ໄດ້ເນັ້ນໜັກຕໍ່ການຈັດຕັ້ງປະຕິບັດ ຄໍາສັ່ງເລກທີ 15/ນຍ, ລົງວັນທີ 13 ພຶດສະພາ 2016 ນັ້ນ ແມ່ນເດັດຂາດບໍ່ໃຫ້ອະນຸຍາດເຄື່ອນຍ້າຍໄມ້ ຢູ່ໃນສະໜາມ 1.ພ້ອມກັນນີ້, ລັດຖະບານຍັງໄດ້ແຕ່ງຕັ້ງຄະນະສະເພາະກິດ ເພື່ອຕິດຕາມກວດກາ ໂດຍສົມທົບກັບແຂວງ ກໍລະນີພົບເຫັນໄມ້ທີ່ບໍ່ຖືກຕ້ອງ ແມ່ນໃຫ້ຢຶດເປັນຂອງລັດ ເພື່ອປະມູນຂາຍ. ກໍລະນີຫາກພົບເຫັນ ພະນັກງານ, ເຈົ້າໜ້າທີ່ ແລະ ທຸກພາກສ່ວນທີ່ໄດ້ລະເມີດ ແມ່ນຈະໄດ້ປະຕິບັດຕາມຂັ້ນຕອນລະບຽບກົດໝາຍ.
ຮູບພາບ ແລະ ຂໍ້ມູນຈາກ: ກົມປະຊາສຳພັນ ສຳນັກງານນາຍົກລັດຖະມົນຕີ