“ຈາງອົກຈອງ ຕຳນານຮັກຄູ່ບັນລັງ” ເປັນຊີຣີ້ເກົາຫຼີໃຕ້ອີກເລື່ອງໜຶ່ງທີ່ໄດ້ກະຕອບຮັບເປັນຢ່າງດີ ເຊິ່ງໄດ້ອອກອາກາດໃນວັນຈັນ-ຄານ-ພຸດ ທາງຊ່ອງ 3 ເວລາ 11:00-12:00ໂມງ ປັດຈຸບັນນີ້ເລື່ອງລາວກຳລັງດຳເນີນໄປຢ່າງເຂັ້ນຂຸ້ນ ຊ່ວງແນະນຳໜັງໃໝ່ກັບລາວໂພສຕ໌ ກໍ່ບໍ່ພາດທີ່ຈະນຳເອົາ ຊີຣີເກົາຫຼີຍອດຮິດຢ່າງ “ຈາງອົກຈອງ ຕຳນານຮັກຄູ່ບັນລັງ” ມານຳສະເໜີ

ປະຫວັດຂອງຈາງອົກຈອງ (ສະໜົມຈາງຮີບິນ) ຜູ້ຊົງເປັນພະສະໜົມເອກໃນພຣະເຈົ້າຊຸກຈົງແຫ່ງໂຊຊອນ ຊີຣີ້ຫຼາຍຕໍ່ຫຼາຍເລື່ອງໄດ້ກ່າວຂານ ເຖິງຄວາມຮ້າຍກາສ ຫຼົງບ້າອຳນາດບາດໃຫຍ່ຈົນເຖິງຂັ້ນເຮັດສະເໜ່ຂຸນໃສເພື່ອໃຫ້ໄດ້ຍົດຖາບັນດາສັກມາຄອງ ແຕ່ໃນ Jang Ok Jung ສະບັບບໃໝ່ນີ້ເລົາເຖິງອີກມຸມໜຶ່ງຂອງສະໜົມຈາງຮີບິນ ຜູ້ມີບົດບາດສຳຄັນດ້ານການຕັດຫຍິບເສື້ອຜ້າໃນສະໄໝນັ້ນ ຊີຣີ້ເກົາຫຼີເລື່ອງນີ້ ໄດ້ນາງຟ້າແຫ່ງເກົາຫຼີໃຕ້ ຄິມແຕຮີ (Kim Tae Hee) ມາຮັບບົດເປັນ ຈາງອົກຈອງ ແລະ ຢູອາອີນ (Yoo Ah In ) ມາຮັບບົດເປັນພຣະເຈົ້າຊຸກຈົງ

ເລື່ອງຫຍໍ້ຂອງຊີຣີ້ Jang Ok Jung ຕຳນານຮັກຄູ່ບັນລັງ :
ເປັນເລື່ອງລາວຂອງຈາງອົງຈອງ ຫຼື ຈາງຮີບິນ (ຮັບບົດໂດຍຄິມແຕຮີ) ແມ່ຍິງທີ່ເກີດມາໃນຊົນຊັ້ນຕ່ຳ ມີພໍ່ເປັນຊົນຊັ້ນສູງ ແຕ່ມີແທ່ເປັນທາດ ຄອບຄົວຂອງນາງຕ້ອງໃຊ້ຊີວິດແບບຫຼົບໆຊ້ອນໆ ແມ່ຂອງນາງຖືກຈັບເປັນທາດ ອ້າຍຫາຍຊາບສູນ ແລະ ພໍ່ຂອງນາງກໍ່ລົ້ມປ່ວຍເສຍຊີວິດ ນາຍຍິງຄັງ ຊ່ວຍເຫຼືອນາງດ້ວຍການຮັບມາລ້ຽງ ແລະ ໄດ້ສອນວິທີການຕັດຫຍິບເສື້ອຜ້າ ຈາກຄວາມຢາກຮູ້ເລີຍເຮັດໃຫ້ນາງຮຽນຮູ້ໄດ້ໄວກ່ວາໝູ່ ແລະ ຫຼັງຈາກທີ່ນາງໄດ້ສູນເສຍນາຍຍິງ ນາງໄດ້ຕັ້ງໜ້າຕັ້ງຕາເຮັດວຽກໃນຮ້ານເສື້ອຜ້າ ເພື່ອນຳເງິນໄປໄຖ່ຕົວແມ່ທີ່ເປັນທາດ ເຊິ່ງນາງໄດ້ຮັບມອບໝາຍໃຫ້ຕັດຊຸດບູລຸດຊັ້ນສູງ ເຊິ່ງຜູ້ມາວັດຕົວທີ່ຮ້ານຄື ອົງຊາຍຣັສຊະທາຍາດອີຊຸນ (ຮັບບົດໂດຍ ຢູອາອິນ ເຊິ່ງທັງຄູ່ໄດ້ມີໂອກາດພົບກັນອີກຫຼາຍຄັ້ງ ແລະ ໄດ້ຕົກຫຼຸມຮັກກັນ ແຕ່ພາຍຫຼັງອີຊຸນກັບຕ້ອງໄດ້ເຂົ້າພິທີສົມຣົດກັບແມ່ຍິງທີ່ຕົນບໍ່ໄດ້ຮັກ ເພື່ອໃຫ້ໄດ້ມາເຊິ່ງອຳນາດທາງການເມືອງ ເຂົາຈິ່ງຕ້ອງທຳຮ້າຍຈິດໃຈແມ່ຍິງທີ່ຕົນຮັກ