spot_img
Homeຂ່າວພາຍ​ໃນນາ­ຍົກ​ຊີ້​ນຳ​ລັດ­ຖະ­ມົນ­ຕີ​ໃໝ່​ ກະ­ຊວງ ປທສ ເອົາ­ໃຈ­ໃສ່​ບາງ​ບັນ­ຫາ​ສຳ­ຄັນ

ນາ­ຍົກ​ຊີ້​ນຳ​ລັດ­ຖະ­ມົນ­ຕີ​ໃໝ່​ ກະ­ຊວງ ປທສ ເອົາ­ໃຈ­ໃສ່​ບາງ​ບັນ­ຫາ​ສຳ­ຄັນ

Published on

ທ່ານ​ນາ­ຍົກ​ຊີ້​ນຳ​ລັດ­ຖະ­ມົນ­ຕີ​ໃໝ່ກະ­ຊວງ ປທສ ໃຫ້​ເອົາ­ໃຈ­ໃສ່​ບາງ​ບັນຫາ​ສຳ­ຄັນ​ເປັນ­ຕົ້ນ​ແມ່ນ​ການ​ຄຸ້ມ​ຄອງ​ຕາໜ່າງ ແລະ ​ການ​ພັດ­ທະ­ນາ​ຕ້ອງ​ໄປ​ລວງດຽວ​ກັນ, ເປັນ­ໃຈ​ກາງ​ບັນ­ຊາ​ການ​ດ້ານ​ສື່ ແລະ​ຜູ້​ປະ­ກອບ​ການ​ໃນ​ຂະ­ແໜງ​ຂອງຕົນ​ເຮັດ​ໃຫ້​ວຽກ​ງານ​ນີ້​ເປັນ​ການ​ພັດ​ທະນາ​ເພື່ອ​ຮັບ​ໃຊ້​ຊີ­ວິດ​ການ​ເປັນ​ຢູ່​ຂອງ​ປະ­ຊາ­ຊົນ, ຮັບ​ໃຊ້​ວຽກ​ງານ​ປ້ອງ​ກັນ​ຊາດŒປ້ອງ​ກັນ​ຄວາມ​ສະ­ຫງົບ​ເພື່ອ​ຄວາມ​ໝັ້ນຄົງ, ຄວາມ​ສະ­ຫງົບ​ສຸກ ແລະ​ຄວາມ​ຈະເລີນ​ພັດ­ທະ­ນາ​ຂອງ​ປະ­ເທດ​ຊາດ ພ້ອມກັບ​ເອົາ­ໃຈ­ໃສ່​ສະ­ກັດ​ກັ້ນ ແລະ​ ແກ້​ໄຂ​ບັນດາ​ປາ­ກົດ­ການ​ຫຍໍ້­ທໍ້​ໃນ​ຂົງ­ເຂດ​ວຽກງານ​ຂອງ​ຂະ­ແໜງ​ໃຫ້​ຫຼຸດ​ໜ້ອຍ​ຖອຍ​ລົງເປັນ​ກ້າວໆ ແລະ​ ຕັ້ງ­ໜ້າ​ເສີມ​ຂະ­ຫຍາຍຄວາມ​ສາ­ມັກ­ຄີ​ຊ່ວຍ­ເຫຼືອ​ເຊິ່ງ​ກັນ ແລະ ກັນ.

ພິ­ທີ​ມອບŒຮັບ​ໜ້າ­ທີ່​ລະ­ຫວ່າງ ທ່ານ ຫຽມ ພົມ­ມະ­ຈັນ ລັດ­ຖະ­ມົນ­ຕີ​ກະ­ຊວງໄປ­ສະ­ນີ, ໂທລະ​ຄົມ­ມະ­ນາ­ຄົມ ແລະ ການ​ສື່­ສານ (ຜູ້​ເກົ່າ) ແລະ​ທ່ານ ທັນ​ສະໄໝ ກົມ​ມະ​ສິດ ລັດ­ຖະ­ມົນ­ຕີ​ກະ­ຊວງ​ໄປສະ​ນີ, ໂທລະ​ຄົມ­ມະ­ນາ­ຄົມ ແລະ​ການສື່­ສານ (ຜູ້​ໃໝ່​ໄດ້​ມີ​ຂຶ້ນ​ໃນ​ວັນ​ທີ 3 ມິ­ຖຸ­ນາ 2016  ທີ່​ກະ­ຊວງ​ໄປ​ສະນີ, ໂທລະ​ຄົມມະ​ນາ​ຄົມ ແລະ​ ການ​ສື່­ສານ (ກປທສ). ໂດຍ​ໃຫ້​ກຽດ​ເຂົ້າ​ຮ່ວມ​ເປັນ​ສັກ­ຂີ​ພິ­ຍານ ແລະ ​ໃຫ້​ກຽດ​ໂອ້​ລົມ​ຂອງ​ທ່ານ ທອງ​ລຸນ ສີ​ສຸ​ລິດ ນາ­ຍົກ­ລັດ­ຖະ­ມົນ­ຕີ; ມີ​ບັນ­ດາທ່ານ​ຮອງ​ລັດ­ຖະ­ມົນ­ຕີ​ກະ­ຊວງ ປທສ, ຜູ້­ຕາງ­ໜ້າ​ຈາກ​ຄະ­ນະ​ຈັດ​ຕັ້ງ​ສູນ​ກາງ​ພັກ, ພະ­ນັກ­ງານ​ຫຼັກ​ແຫຼ່ງ​ພາຍ​ໃນ​ກະ­ຊວງ ປທສ ພ້ອມ​ດ້ວຍ​ແຂກ​ທີ່​ຖືກ​ເຊີນ​ເຂົ້າຮ່ວມ.

ໃນ​ໂອ­ກາດ​ດັ່ງ­ກ່າວ,  ທ່ານ ຫຽມ ພົມມະ​ຈັນ ໄດ້​ຂຶ້ນ​ລາຍ​ງານ​ໂດຍ​ຫຍໍ້​ກ່ຽວ ກັບ​ການ​ຊີ້​ນຳŒນຳ­ພາ​ວຽກ​ງານ​ໄປ­ສະ­ນີໂທລະ​ຄົມ­ມະ­ນາ­ຄົມ ແລະ​ການ​ສື່­ສານໃນ​ໄລ­ຍະ 5 ປີ​ທີ່​ຜ່ານ​ມາ​ເຫັນ​ວ່າ​ມີ​ອັນ​ພົ້ນເດັ່ນ​ໃນ​ຫຼາຍ​ດ້ານສະ­ແດງ​ອອກ​ຄື: ໄດ້​ເຮັດ​ໃຫ້​ສັງ­ຄົມ​ນັບມື້​ມີ​ຄວາມ​ເຂົ້າ­ໃຈ ແລະ​ຮັບ​ຮູ້​ເຖິງ​ບົດບາດ,  ຄວາມ​ສຳ­ຄັນ,  ຄວາມ​ຈຳ­ເປັນ ແລະ​ປະ­ໂຫຍດ​ຂອງ​ວຽກ​ງານ ປທສ ຫຼື ໄອ​ຊີ​ທີ​ລະ­ບົບ​ພື້ນ­ຖານ​ໂຄງ​ລ່າງ​ເປັນ­ຕົ້ນສາຍ​ໃຍ​ແກ້ວ​ໄດ້​ເຊື່ອມ​ໂຍງ​ບັນ­ດາ ເມືອງໃນ​ທົ່ວ​ປະ­ເທດ, ສັນ­ຍານ​ໂທລະ­ສັບ​ກວມ 95 ສ່ວນ​ຮ້ອຍ​ຂອງ​ຈຳ­ນວນ​ບ້ານ​ທັງໝົດ, ສຳ­ເລັດ​ການ​ພັດ­ທະ­ນາ​ຕົວ​ອັກ­ສອນເພັດ​ຊະ​ລາດ​ໂອ​ທີ​ເປັນ​ສາ­ກົນ​ເຂົ້າ​ໃນ​ລະບົບ​ຄອມ​ພິວ​ເຕີ ແລະ​ໂທລະ­ສັບ, ໄດ້​ສ້າງສະ­ພາບ​ແວດ​ລ້ອມ​ຈູງ​ໃຈ ແລະ​ເຊື່ອ​ໝັ້ນໃຫ້​ແກ່​ນັກ​ລົງ­ທຶນ​ເປັນ­ຕົ້ນ​ສຳ­ເລັດ​ການສ້າງ​ກົດ­ໝາຍ ແລະ​ນິ­ຕິ​ກຳ​ອື່ນໆ​ທີ່​ກ່ຽວຂ້ອງ, ພ້ອມ​ທັງ​ສ້າງ​ຄວາມ​ເຂັ້ມ­ແຂງ​ໃນການ​ຄຸ້ມ​ຄອງ, ຕິດ­ຕາມ, ກວດ­ກາ ແລະ ອຳ­ນວຍ​ຄວາມ​ສະ­ດວກ​ຕໍ່​ດ້ານ​ຄື້ນຄວາມຖີ່, ສັນ­ຍານ​ໂທລະ​ຄົມ, ອິນ​ເຕີ​ເນັດ, ລະບົບ​ການ​ບໍ­ລິ­ການ​ຂໍ້​ມູນ, ການ​ບໍ­ລິ­ຫານລັດ​ດ້ວຍ​ລະ­ບົບ​ເອ​ເລັກ​ໂຕ​ນິກ, ໄດ້​ສົ່ງ​ພະນັກ​ງານ​ໄປ​ຍົກ​ລະ­ດັບ​ຄວາມ​ຮູ້​ຄວາມສາ­ມາດ ແລະ​ຄຸນ​ທາດ​ການ­ເມືອງ​ໄດ້ຫຼາຍ​ເທື່ອ​ຄົນ.

ໃນ​ໂອ­ກາດ​ທີ່​ມີຄວາມ​ໝາຍດັ່ງ­ກ່າວ, ທ່ານ ທອງ​ລຸນ ສີ​ສຸ​ລິດ ໄດ້​ໃຫ້​ກຽດໂອ້​ລົມ, ກ່ອນ​ອື່ນ​ທ່ານ​ໄດ້​ກ່າວ​ຍ້ອງ­ຍໍຊົມ­ເຊີຍ​ຜົນ­ງານ​ທີ່​ກະ­ຊວງ ປທສ ຍາດມາ​ໄດ້​ໃນ​ໄລ­ຍະ​ທີ່​ຜ່ານ​ມາ ພ້ອມ​ທັງ​ຍົກໃຫ້​ເຫັນ​ຄວາມ​ສຳ­ຄັນ​ຂອງ​ວຽກ​ງານ ປທສ ກໍ່​ຄື​ຜົນ​ດີ, ຜົນ​ໄດ້, ຜົນ​ເສຍ ແລະ ປາ­ກົດ­ການ​ຫຍໍ້­ທໍ້​ໃນ​ການ​ນຳ​ໃຊ້​ສື່​ສັງ­ຄົມອອນ​ລາຍ.

ໃນ​ໂອ­ກາດ​ນີ້, ທ່ານ​ນາ­ຍົກ​ລັດ​ຖະ​ມົນຕີ​ໄດ້​ຊີ້​ນຳ​ໃຫ້​ກະ­ຊວງ ປທສ ເອົາ­ໃຈ­ໃສ່ຕື່ມ​ບາງ​ດ້ານ​ເປັນ­ຕົ້ນ​ແມ່ນ​ເອົາ­ໃຈ­ໃສ່ຄຸ້ມ​ຄອງ​ຕາ​ໜ່າງ ປທສ ໃຫ້​ມີ​ຄວາມ​ກົມກຽວ​ກັນ, ເອົາ​ຈິດ­ໃຈ​ການ​ພັດ­ທະ­ນາ​ໄປລວງ​ດຽວ​ກັນ, ໃຫ້​ສາ­ມາດ​ຄຸ້ມ​ຄອງ​ໄດ້ຢ່າງ​ລວມ​ສູນ, ເປັນ­ໃຈ​ກາງ​ບັນ­ຊາ​ການດ້ານ​ສື່ ແລະ​ຜູ້​ປະ­ກອບ​ການ​ໃນ​ຂະ­ແໜງການ​ຂອງ​ຕົນ​ເຮັດ​ໃຫ້​ວຽກ​ງານ​ນີ້​ເປັນການ​ພັດ­ທະ­ນາ​ເພື່ອ​ຮັບ​ໃຊ້​ຊີ­ວິດ​ການເປັນ​ຢູ່​ຂອງ​ປະ­ຊາ­ຊົນ, ຮັບ​ໃຊ້​ວຽກ​ງານປ້ອງ​ກັນ​ຊາດŒປ້ອງ​ກັນ​ຄວາມ​ສະ­ຫງົບ ເພື່ອ​ຄວາມ​ໝັ້ນ­ຄົງ, ຄວາມ​ສະ­ຫງົບ​ສຸກ ແລະ​ ຄວາມ​ຈະ­ເລີນ​ພັດ­ທະ­ນາ​ຂອງ​ປະເທດ​ຊາດ, ເອົາ­ໃຈ­ໃສ່​ສະ­ກັດ​ກັ້ນ ແລະ ແກ້​ໄຂ​ບັນ­ດາ​ປາ­ກົດ­ການ​ຫຍໍ້­ທໍ້​ໃນ​ຂົງເຂດ​ວຽກ​ງານ​ຂະ­ແໜງ­ການ​ຂອງ​ຕົນໃຫ້​ຫຼຸດ​ໜ້ອຍ​ຖອຍ​ລົງ​ເປັນ​ກ້າວໆ; ຕັ້ງໜ້າ​ເສີມ​ຂະ­ຫຍາຍ​ຄວາມ​ສາ­ມັກ­ຄີ​ຊ່ວຍເຫຼືອ​ເຊິ່ງ​ກັນ ແລະ​ ກັນ.

ພ້ອມ​ກັນ​ນັ້ນ ທ່ານ​ຍັງ​ໄດ້​ຮຽກ­ຮ້ອງໃຫ້​ບັນ­ດາ​ບໍ­ລິ­ສັດ, ຜູ້​ປະ­ກອບ​ການ​ທີ່​ລົງທຶນ​ໃນ​ຂະ­ແໜງ­ການ​ໂທລະ​ຄົມ​ມະ​ນາຄົມ ແລະ​ການ​ສື່­ສານ​ຈົ່ງ​ສາ­ມັກ­ຄີ​ກັນ, ອາ­ໄສŒຍູ້​ແຮງ​ເຊິ່ງ​ກັນ ແລະ​ກັນ, ແຂ່ງຂັນ​ກັນ​ໃນ​ທາງ​ທີ່​ສ້າງ­ສັນ, ແຂ່ງ­ຂັນ​ກັນໃນ​ດ້ານ​ຄຸນ​ນະ​ພາບ ແລະ​ການ​ບໍ​ລິການ, ຫາກ​ບໍ່​ແມ່ນ​ແຂ່ງ­ຂັນ​ເພື່ອ​ເອົາ​ລັດເອົາ​ປຽບ​ກັນ ຫຼື ລົ້ມ​ກັນ, ຕ້ອງ​ກ້າວ­ໜ້າໄປ​ພ້ອມ​ກັນ, ແນ­ໃສ່​ນຳ​ເອົາ​ປະ­ໂຫຍດມາ​ໃຫ້​ບໍ­ລິ­ສັດ ແລະ ​ປະ­ເທດ​ຊາດ​ດ້ວຍຄວາມ​ຍຸ­ຕິ​ທຳ.

ທີ່ມາ: logo

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...