ເຊື່ອບໍ່ວ່າ…ໃຜໆກໍ່ຢາກມີຮັກແທ້ ເພາະະການທີ່ໄດ້ພົບກັບຄົນທີ່ເຂົາຮັກເຮົາ ແລະ ເຮົາຮັກເຂົາ ມັນເປັນສິ່ງທີ່ວິເສດທີ່ສຸດໃນຊີວິດແລ້ວ
ຖ້າຕອນນີ້ທ່ານໃດກຳລັງມີຄວາມຮັກຢູ່ ແລະ ຢາກຮູ້ບໍ່ວ່າເຂົາຄົນນັ້ນຈະແມ່ນຮັກແທ້ຂອງເຮົາ ຫຼື ບໍ່ ວັນນີ້ເຮົາມີວິທີພິສູດຮັກແທ້ໄດ້ແນວໃດມາຝາກກັນ
ແບບໃດທີ່ຈະຮູ້ວ່າຮັກແທ້
– ຫາກເຮົາຢູ່ກັບໃຜຄົນໜຶ່ງແລ້ວບໍ່ເຄີຍຮູ້ສຶກເບື່ອເຂົາ ແລະ ເຂົາບໍ່ເຄີຍເບື່ອເຮົາທັງສອງຄົນມີຄວາມສຸກດີ ແລະ ເມື່ອໃດທີ່ຕ້ອງຫ່າງໃກກັນກໍ່ຈະຮູ້ສຶກເຫງົາ, ຮູ້ສຶກຄິດຮອດ ຄືກັນ ເຂົາສາມາດເປັນທີ່ເພິ່ງພາໃຫ້ກັບເຮົາໄດ້ ເມື່ອເກີດບັນຫາໃນຊີວິດ ເຂົາຈະຢູ່ຄຽງຂ້າງເພື່ອຊ່ວຍເຫຼືອເຮົາຢູ່ສະເໝີ ເຊິ່ງອາດຮຽກໄດ້ວ່າຄົນໆນີ້ເປັນຄົນທີ່ຮັກເຮົາຮອງຈາກພໍ່ແມ່ໄດ້
– ເຮົາສາມາດລົມກັບເຂົາໄດ້ທຸກເລື່ອງຢ່າງເປີດໃຈ ບໍ່ຕ້ອງມີຄວາມລັບເກັບໄວ້ ບໍ່ຕ້ອງຢ້ານວ່າເວົ້າອອກໄປແລ້ວຈະຕ້ອງອັບອາຍ ຫຼື ເຂົາຈະຫາຍໄປຈາກຊີວິດທ່ານ ຄົນນີ້ແຫຼະຄືຮັກແທ້ຂອງທ່ານ
– ເຮົາຮູ້ສຶກເຕັມໃຈທີ່ຈະມີເຂົາມາຢູ່ໃນທຸກຊ່ວງເວລາຂອງຊີວິດເຮົາ ແລະ ເຮົາໄດ້ມີສ່ວນຮ່ວມໃນຄວາມຄິດ, ໃນເວລາຊີວິດຂອງເຂົາເຊັ່ນກັນ
ຫາກທ່ານກຳລັງມີຄວາມຮູ້ສຶກແບບນີ້ກັບໃຜຈັກຄົນໜຶ່ງ ໃຫ້ສັນນິຖານໄວ້ເລີຍວ່າເຂົາຄືຮັກແທ້ຂອງທ່ານແນ່ນອນ