ຊີວິດ ແລະ ຄວາມຮັກ ວັນນີ້ເຮົາມີ 7 ໜ້າທີ່ທີ່ສຳຄັນມາແນະນຳໃຫ້ສາວໆໄດ້ລອງໄປໃຊ້ເບິ່ງ ເພາະມັນອາດຈະສາມາດ ປ່ຽນຕົວທ່ານຈາກແຟນທຳມະດາໃຫ້ເປັນນາງຟ້າທີ່ແສນດີ ໃນສາຍຕາຂອງຄົນຮັກທ່ານໄດ້ ເຊິ່ງຈະມີວິທີໃດແນ່ນັ້ນເຮົາມາອ່ານກັນເລີຍ
1. ເຮັດບົດບາດເປັນພະຍາບານສາວເວລາທີ່ເຂົາບໍ່ສະບາຍ
ເວລາທີ່ແຟນໜຸ່ມບໍ່ສະບາຍເຈັບໄຂ້ໄດ້ປ່ວຍ ທ່ານກໍ່ຢ່າງເອົາແຕ່ຫຼິ້ນ ຫຼື ວຸ້ນກັບເລື່ອງອື່ນໆ ຈົນລືມດູແລແຟນໜຸ່ມຂອງທ່ານເອງ ພຽງແຕ່ທ່ານໝັ່ນໂທມາຖາມອາການ, ຊື້ຢາມາໃຫ້, ຫາເຂົ້າໃຫ້ກິນ ຫຼື ພາໄປພົບແພດ ເລື່ອງພຽງເທົ່ານີ້ກໍ່ຈະເຮັດໃຫ້ເຂົ້າຊຶ້ງໃນນ້ຳໃຈຂອງທ່ານຢ່າງແນ່ນອນ
2. ເປັນນັກສ້າງແຮງບັນດານໃຈ
ໃນຊ່ວງເວລາທີ່ເຂົາທໍ້ແທ້, ຜິດຫວັງ ຮູ້ສຶກເມື່ອຍທີ່ຈະເດີນຕາມຝັນ ຫຼື ມີອຸປະສັກເຂົ້າມາຫຼາຍ ໃນເວລານີ້ທ່ານຄວນສ້າງກຳລັງໃຈ ແລະ ແຮງບັນດານໃຈໃຫ້ເຂົາສູ້ຕໍ່ໄປ ດ້ວຍຄຳເວົ້າດີໆ ຫຼື ຄວາມຄິດໃນແງ່ບວກ ຮວມທັງບອກເຂົາໄປວ່າທ່ານພ້ອມທີ່ຈະເດີນຄຽງຂ້າງເຂົາ ແລະ ໃຫ້ການສະໜັບສະໜູນໃນສິ່ງທີ່ເຂົາກຳລັງເຮັດຢູ່ ພຽງເທົ່ານີ້ແຟນໜຸ່ມຂອງທ່ານຈະຮັກທ່ານຫຼາຍຂຶ້ນກ່ວາເກົ່າ
3. ນັກກາຍະພາບບຳບັດຈຳເປັນ
ໃນເວລາທີ່ເຂົາເຮັດວຽກໜັກມາ ຮູ້ສຶກປວດເມື່ອຍຕາມຮ່າງກາຍ ຖ້າທ່ານຮູ້ຈັກການບີບນວດແຜນບູຮານແນາຈັກໜ່ອຍ ສາມາດບີບຕາມຈຸດເສັ້ນເອັນເພື່ອໃຫ້ເຂົາຜ່ອນຄາຍໄດ້ ເຂົາຈະຮູ້ສຶກດີທີ່ແຟນສາວຂອງເຂົາກໍ່ມີຄວາມສາມາດໃນຫຼາຍເລື່ອງ
4. ເປັນຕະລົກບາງເວລາເພື່ອສ້າງຮອຍຍິ້ມໃຫ້ກັບເຂົາ
ເຖິງທ່ານຈະບໍ່ແມ່ນຄົນຕະລົກເຮຮາ ຫຼື ມີຄຳເວົ້າຕະລົກ ຫຼື ເລື່ອງຕະລົກຫຼາຍ ແຕ່ທ່ານຄວນຫັດເປັນຄົນມີມີມຸກຂຳໆແນ່ກໍ່ດີ ເພາະຈະເຮັດໃຫ້ມີສີສັນຍິ່ງຂຶ້ນໃນເວລາຢູ່ນຳກັນ ແລະ ເຮັດໃຫ້ເຂົາຄິດຮອດທ່ານຫຼາຍຂຶ້ນເມື່ອເວລາຢູ່ຫ່າງໄກກັນ
5. ເຮັດໃຫ້ແຟນໜຸ່ມຮູ້ວ່າເຂົາສຳຄັນກັບທ່ານພຽງໃດ
ການສະແດງຄວາມຮັກ, ຄວາມເປັນຫ່ວງ, ຄວາມເຂົ້າໃຈກັບຄົນຮັກ ແລະ ການໃຫ້ກຽດເຂົາຢ່າງສະໝ່ຳສະເໝີ ພຽງເທົ່ານີ້ພວກເຂົາກໍ່ຮູ້ແລ້ວວ່າທ່ານຍັງເຫັນພວກເຂົາເປັນຄົນສຳຄັນກັບເຂົາຢູ່ສະເໝີ
6. ເປັນທີ່ລະບາຍໃຫ້ເຂົາໃນຍາມທຸກໃຈ
ແມ່ຍິງສ່ວນຫຼາຍມັກຈະເປັນຝ່າຍເວົ້າຫຼາຍກ່ວາຜູ້ຊາຍ ແຕ່ທ່ານຕ້ອງຮູ້ວ່າເວລາໃດທີ່ຄວນເວົ້າ ແລະບໍ່ຄວນເວົ້າ ຍາມທີ່ຝ່າຍຊາຍມີບັນຫາຮ້ອນໃຈຢາກລະບາຍທ່ານກໍ່ຄວນເປັນຜູ້ຟັງທີ່ດີໃນຍາມທີ່ເຂົາກຳລັງຢາກລະບາຍຄວາມທຸກໃນໃຈອອກມາ ການຟັງ, ການປອບໃຈ ຈະເຮັດໃຫ້ເຂົາຮັກທ່ານຫຼາຍຂຶ້ນ ແລະ ບໍ່ຮູ້ສຶກເບື່ອທ່ານເລີຍ
7. ເປັນເພື່ອນຮູ້ໃຈ
ເຖິງຈະມີຖານະເປັນຄົນຮັກ ແຕ່ບາງຄັ້ງທ່ານກໍ່ຄວນເປັນເພື່ອນທີ່ຮູ້ໃຈກັບເຂົານຳ ບາງຄັ້ງທ່ານຕ້ອງຕາມໃຈເຂົາແນ່ຄື ການໄປທ່ຽວ, ການກິນດື່ມ, ການເບິ່ງກີລາເປັນເພື່ອນເຂົາເປັນຕົ້ນ ເພາະການເປັນເພື່ອນຈະເຮັດໃຫ້ເຂົາຮູ້ສຶກຜ່ອນຄາຍສະບາຍໃຈໃນເວລາທີ່ຢູ່ກັບທ່ານ
ທີ່ມາ: http://www.siamok.com/s/124574