ຈາກກໍລະນີທີ່ໂລກໂຊຊ່ຽວໄດ້ແຊຣພາບ ຍິງ-ຊາຍຄູ່ໜຶ່ງທີ່ລະບຸວ່າເປັນຊາວຫວຽດນາມກຳລັງຜະລິດນ້ຳໝາກກ້ຽງປອມ ໂດຍການໃຊ້ນ້ຳປາປາປະສົມຫົວເຊື້ອນ້ຳສົ້ມ ແລະ ໃສ່ສີປະສົມກ່ອນຈະຄົນໃຫ້ເຂົ້າກັນໃນຊາມແລ້ວນຳໄປບັນຈຸໃສ່ຕຸກພລາສຕິກ ແລະ ນຳໄປວາງຂາຍໃນລໍ້ຂາຍນ້ຳໂດຍມີໝາກໄມ້ແທ້ວາງໂຊຢູ່ໃນລໍ້
ລ່າສຸດ ໃນວັນທີ 23 ພຶດສະພາ 2016 ທີ່ຜ່ານມາ ເຈົ້າໜ້າທີ່ຕຳຫລວດໄທ ສພ.ໝວກເຫຼັກ ແຂວງ ສະຣະບູລີ ພ້ອມເຈົ້າໜ້າທີ່ສາທາລະນະສຸກ ແລະ ທະຫານ ເຂົ້າກວດສອບໃນຫ້ອງເຊົ້າແຫ່ງໜຶ່ງ ແລະ ໄດ້ຈັບກຸມສອງຊາວຫວຽດນາມເປັນຄູ່ຜົວເມຍເຊິ່ງກຳລັງຫ່າຍນ້ຳໝາກກ້ຽງປອມເຂົ້າໃນຕຸກ ພ້ອມດ້ວຍຂອງກາງແມ່ນຜະລິດຕະ ພັນນ້ຳໝາກກ້ຽງປອມນ້ຳໝາກກ້ຽງປອມຫຼາຍຖົງ, ນ້ຳສົ້ມຢີ່ຫໍ້ໜຶ່ງ, ຕຸກເປົ່າສຳລັບບັນຈຸ, ເບື້ອງຕົ້ນທັງຄູ່ໄດ້ຮັບສາລະພາບວ່າ ເປັນຄົນຫວຽດນາມທີ່ເຂົ້າມາອາໃສຢູ່ປະເທດໄທດົນແລ້ວ ຝ່າຍຍິງ ອາຍຸ 42ປີ ແມ່ນອ້າງວ່າມີປື້ມພາສປອດ ແຕ່ໝົດອາຍຸແລ້ວ ສ່ວນຝ່າຍຊາຍອາຍຸ 45 ປີ ແຕ່ອ້າງວ່າປື້ມພາສປອດເສຍແລ້ວ ແລະ ທັງສອງໄດ້ຊ່ວຍກັນຜະລິດນ້ຳໝາກກ້ຽງເອງ ໂດຍຂາຍໃນລາຄາຕຸກລະ 20 ບາດ
ຂ່າວຈາກ: http://www.dailynews.co.th/