ສຳນັກຂ່າວສານຊິນຮວາລາຍງານວ່າ: ວັນທີ 20 ພຶດສະພານີ້ຕາມເວລາທ້ອງຖິ່ນ, ກອງປະຊຸມສຸດຍອດຣັດເຊຍ-ອາຊຽນຄັ້ງທີ 3 ໄດ້ອັດລົງ. ກອງປະຊຸມດັ່ງກ່າວໄດ້ຮັບຮອງ “ຖະແຫຼງການໂຊຊີ” ທັງອະນຸມັດແຜນປະຕິບັດງານລວມວ່າດ້ວຍການພັດທະນາການຮ່ວມມືລະຫວ່າງຣັດເຊຍແລະບັນດາປະເທດອາຊຽນແຕ່ປີ 2016-2020.
ມື້ດຽວກັນ, ເວັບໄຊທາງການຂອງກອງປະຊຸມດັ່ງກ່າວໄດ້ເປີດເຜີຍຖະແຫຼງ ການໂຊຊີໂດຍລະບຸວ່າ, ຣັດເຊຍ ແລະ ອາຊຽນໄດ້ບັນລຸຂໍ້ຕົກລົງ 49 ຂໍ້. ແນວໃດກໍດີ, ໃນອະນາຄົດ, ຣັດເຊຍ ແລະ ອາຊຽນຈະຮ່ວມມືກັນດ້ານການເພີ່ມທະວີການປຶກສາຫາລືກັນ, ຊຸກຍູ້ການຮ່ວມມືດ້ານເສດຖະກິດ, ຊຸກຍູ້ການແລກປ່ຽນທາງສັງຄົມແລະວັດທະນະທຳ, ຫຼຸດຜ່ອນຄວາມຫຼຸດໂຕນກັນດ້ານການພັດທະນາແລະອື່ນໆ. ຣັດເຊຍ ແລະ ອາຊຽນສະໜັບສະໜູນຈັດຕັ້ງປະຕິບັດຕາມ “ຖະແຫຼງການແຫ່ງການປະພຶດຂອງບັນດາຝ່າຍໃນທະເລຈີນໃຕ້” ຢ່າງຮອບດ້ານ ແລະຮັບຮອງ “ກົດແຫ່ງການປະພຶດໃນທະເລຈີນໃຕ້ຫຼື COC” ໂດຍໄວບົນພື້ນຖານປຶກສາຫາລືແລະບັນລຸຄວາມເປັນເອກະສັນກັນ.
ນອກນີ້, “ຖະແຫຼງການໂຊຊີ” ຍັງລະບຸວ່າ, ຣັດເຊຍ ແລະ ບັນດາປະເທດອາຊຽນຈະພິຈາລະນາຄວາມເປັນໄປໄດ້ແຫ່ງການຮ່ວມມືດ້ານເສດຖະກິດລະຫວ່າງອາຊຽນ, ສະຫະພັນເສດຖະກິດເອີຣົບ-ອາຊີ ແລະ ອົງການຮ່ວມມືຊຽນໄຮ ພ້ອມທັງຄົ້ນຄວ້າອະນາຄົດກ່ຽວກັບການສ້າງເຂດການຄ້າເສລີລະຫວ່າງສະຫະພັນເສດຖະກິດເອີຣົບ-ອາຊີ ແລະ ອາຊຽນ.
ຂ່າວຈາກ: http://laos.cri.cn/681/2016/05/21/261s203153.htm