spot_img
Homeຂ່າວພາຍ​ໃນໂຮງງານຜະລິດຊີມັງກາກະທິງ ເມືອງວັງວຽງ ເລັ່ງປັບປຸງແລະພັດທະນາຢ່າງບໍ່ຢຸດຢັ້ງ

ໂຮງງານຜະລິດຊີມັງກາກະທິງ ເມືອງວັງວຽງ ເລັ່ງປັບປຸງແລະພັດທະນາຢ່າງບໍ່ຢຸດຢັ້ງ

Published on

ພາຍຫລັງລັດຖະບານເປີດກວ້າງ ການລົງທຶນຈາກຕ່າງປະເທດ, ນັບແຕ່ປີ 1995 ເຖິງປັດຈຸບັນ ໄດ້ມີນັກລົງທຶນຈາກ ສປ ຈີນ ເຂົ້າມາລົງທຶນກໍ່ສ້າງໂຮງງານຊີມັງເຖິງ 3 ແຫ່ງ ຢູ່ເມືອງວັງວຽງ ແຂວງວຽງຈັນ, ໃນນີ້ຫລັງທີ 1 ມີອາຍຸການນຳໃຊ້ງານປະມານ 20 ປີແລ້ວ, ຫລັງທີ 2 ກວ່າ 10 ປີ ແລະ ຫລັງທີ 3 ເລີ່ມການຜະລິດເມື່ອບໍ່ດົນມານີ້. ປັດຈຸບັນ ໄດ້ສົ່ງຜົນກະທົບທາງດ້ານສິ່ງແວດລ້ອມ ໂດຍສະເພາະ ບັນຫາຝຸ່ນລະອອງທີ່ເປັນມົນລະພິດ ຕໍ່ປະຊາຊົນໃນເຂດອ້ອມຂ້າງ ລວມທັງເທດສະບານ ເມືອງ ເຊິ່ງທາງບໍລິສັດ ດັ່ງກ່າວ, ກໍໄດ້ດຳເນີນການປັບປຸງແກ້ໄຂຕະຫລອດມາ.

ທ່ານ ຈັນທະວີໄລ ໄຊຍະລາດ ຮັກສາການຫົວໜ້າຫ້ອງການບໍລິຫານ ບໍລິສັດຊີມັງລາວ ຈຳກັດ ໃຫ້ຂໍ້ມູນວ່າ ໂຮງງານຊີມັງວັງວຽງຫຼັງ 1 ທີ່ໃຊ້ງານມາແຕ່ປີ 1995 ຫລື ປະມານ 20 ປີກ່ອນ ເຊິ່ງເປັນເທັກໂນໂລຢີສະໄຫມນັ້ນອາດເກົ່າແກ່ ແລະອາດບໍ່ສາມາດຮັບປະກັນດ້ານສະພາບແວດລ້ອມໃນມາຕະຖານປັດຈຸບັນ. ຢ່າງໃດກໍຕາມ ທາງບໍລິສັດໄດ້ມີການກໍ່ສ້າງໂຮງງານຫລັງທີ 3 ແລະ ເປີດນຳໃຊ້ການຜະລິດມາແລ້ວໃນໄລຍະໜຶ່ງ ຫາກໂຮງງານຫລັງນີ້ ໄດ້ຜະລິດຢ່າງເຕັມສ່ວນແລ້ວ ກໍຈະມີການຢຸດເຊົາການຜະລິດຊີມັງຂອງຫລັງທີ 1 ທັນທີ. ຈາກນັ້ນ ບໍລິສັດຊີມັງລາວ ຈຳກັດ ກໍຈະມີໂຮງງານຜະລິດຊີມັງ ພຽງ 2 ຫລັງ ເຊິ່ງມີເຕັກໂນໂລຊີການຜະລິດທີ່ທັນສະໄໝກວ່າເກົ່າ ທັງຮັບປະກັນດ້ານຜົນກະທົບຕໍ່ສິ່ງແວດລ້ອມ ແລະ ສັງຄົມ. ສຳລັບຫລັງທີ 2 ແມ່ນໄດ້ດຳເນີນການຜະລິດມາ ບໍ່ຕ່ຳກວ່າ 15 ປີ, ສາມາດຜະລິດຊີມັງໄດ້ 250.000 ໂຕນ/ປີ ແລະ ແຫ່ງທີ 3 ມີຄວາມສາມາດຜະລິດຊີມັງ ປະມານ 1 ລ້ານໂຕນ/ປີ.

ທ່ານ ຈັນທະວີໄລ ໄຊຍະລາດ ໄດ້ໃຫ້ຮູ້ຕື່ມກ່ຽວກັບບັນຫາການລະເບີດຫີນ ເພື່ອນຳວັດຖຸດິບເຂົ້າໂຮງງານ ໃນໄລຍະຜ່ານມາ ມີບາງຄັ້ງໄດ້ສົ່ງຜົນກະທົບ ຕໍ່ເຮືອນຊານຂອງປະຊາຊົນ ແຕ່ທາງບໍລິສັດ ກໍໄດ້ແກ້ໄຂດ້ວຍການຊົດເຊີຍ ແລະ ຍົກຍ້າຍປະຊາຊົນອອກຈາກເຂດດັ່ງກ່າວ ທີ່ເຫັນວ່າມີຄວາມຈຳເປັນ. ນອກນີ້ ຍັງໄດ້ເພີ່ມຄວາມລະມັດລະວັງ ແລະ ຮັບປະກັນ ໃນການເຮັດວຽກຂອງວິຊາການຫລາຍຂຶ້ນ ເພື່ອຫລີກລ້ຽງບັນຫາທີ່ອາດເກີດຂຶ້ນ ເຮັດໃຫ້ປະຊາຊົນມີການດຳລົງຊີວິດດ້ວຍຄວາມພໍໃຈ.

ຂ່າວຈາກ: ສຳນັກຂ່າວສານປະເທດລາວ

ບົດຄວາມຫຼ້າສຸດ

ງົດງາມທີ່ສຸດຈາກທົ່ວໂລກ ຕາດກວາງຊີ ແຂວງຫຼວງພະບາງ ຖືຈັດຢູ່ໃນ 21 ນໍ້າຕົກທີ່ສວຍງາມຈາກທົ່ວໂລກ ປີ 2025

ວາລະສານ ການທ່ອງທ່ຽວຊື່ດັງຂອງໂລກ Travel + Leisure ໄດ້ຈັດອັນດັບ Top 21 Most Beautiful Waterfalls in the World...

ໄທເລີ່ມປະຕິບັດແລ້ວ ທະນາຄານເລີ່ມປາບປາມຂະບວນການບັນຊີມ້າ ຖ້າກວດພົບຄວາມສົງໄສ ຈະອາຍັດບັນຊີທັນທີ

ບັນຊີມ້າແມ່ນບັນຊີທະນາຄານທີ່ຖືກນໍາໃຊ້ໂດຍອາດຊະຍາກອນ ເພື່ອເກັບເງິນ ຫຼື ຟອກເງິນທີ່ໄດ້ມາແບບຜິດກົດໝາຍ ແມ່ນບັນຊີທີ່ຖືກຈ້າງໃຫ້ເປີດ ຫຼື ຖືກລັກຂໍ້ມູນໄປໃຊ້ ເພື່ອເປັນທາງຜ່ານຂອງເງິນທີ່ໄດ້ມາຈາກການກະທຳຜິດກົດໝາຍ ລວມທັງການພະນັນ. ໃນຊ່ວງໜຶ່ງອາທິດທີ່ຜ່ານມາ ທາງທະນາຄານເເຫ່ງປະເທດໄທ ເລີ່ມກວດສອບ ແລະ ລົງມືປະຕິບັດຢ່າງເຂັ້ມງວດ ໃນການອາຍັດບັນຊີມ້າ...

ຄວາມຫວັງໃໝ່ຂອງເນປານ ແຕ່ງຕັ້ງລັດຖະມົນຕີຄົນໃໝ່ ໂດຍຈະປະຕິບັດໜ້າຮັກສາການ 6 ເດືອນ

ພາຍຫຼັງຄວາມວຸ່ນວາຍຂອງເຫດການປະທ້ວງໃນປະເທດເນປານ ເຮັດໃຫ້ອະດີດນາຍຍົກລັດຖະມົນຕີໄດ້ລາອອກ ພ້ອມທັງເດີນທາງອອກນອກປະເທດ ນຳພາໃຫ້ເນປານບໍ່ມີຄົນດຳລົງຕໍາເເໜ່ງນາຍົກລັດຖະມົນຕີໃນໄລຍະໜຶ່ງ. ເຊິ່ງໃນວັນທີ 12 ກັນຍາ 2025 ທີ່ຜ່ານມາ, ໄດ້ມີການປະກາດແຕ່ງຕັ້ງ ທ່ານ ນາງ  ສຸຊີລາ ກາກີ ຂຶ້ນຮັບຕໍາແໜ່ງຮັກສາການນາຍົກລັດຖະມົນຕີ...

ສະຫຼົດ! ຊາຍອາຍຸ 26 ປີ (ເສຍຊີວິດ) ຍ້ອນຂັບລົດຕຳງົວ ທີ່ບ້ານວຽງແກ້ວ ເມືອງຈັນທະບູລີ ນະຄອນຫຼວງວຽງຈັນ

ບັນຫາການປ່ອຍສັດຊະຊາຍ ສ່ຽງເຮັດໃຫ້ຄົນອື່ນເກີດອຸບັດຕິເຫດ ເຖິງຂັ້ນເສຍຊີວິດໄດ້. ບັນຫາການປ່ອຍສັດລ້ຽງ (ງົວ, ຄວາຍ, ແບ້, ມ້າ...) ຍັງຄົງຖືກພົບເຫັນເລື້ອຍໆຢູ່ຫຼາຍໆຂົງເຂດ ຕັ້ງແຕ່ເຂດຊານເມືອງຈົນໄປເຖິງໃນເມືອງ. ຈົນກາຍເປັນຄວາມເຄີຍຊິນໄປແລ້ວສຳລັບຜູ້ສັນຈອນໄປມາທີ່ຕ້ອງລະວັງເອງ ແຕ່ບາງຄັ້ງກໍມີອຸບປະຕິເຫດຕາມມາ ເຊັ່ນ: ລົດໃຫຍ່ຕຳງົວ, ລົດຈັກຕຳງົວ,...