ໃນຕອນເຊົ້າຂອງວັນທີ 19/05/2016ມື້ນີ້ ເວລາ 10:56 ໂມງ ທີ່ບ້ານສີໄຄທົ່ງ ເມືອງສີໂຄດຕະບອງ ນະຄອນຫຼວງວຽງຈັນ ໄດ້ມີຊາຍຄົນຫນຶ່ງເກີດອາການເມົາຢາບ້າແລ້ວອາລະວາດ ພ້ອມກັບທຳຮ້າຍຮ່າງກາຍຜູ້ອື່ນດ້ວຍການປາດຄໍ ເຮັດໃຫ້ຜູ້ຖືກເຄາະຮ້າຍໄດ້ບາດເຈັບສາຫັດ ປະຊາຊົນໃນບໍລິເວນນັ້ນໄດ້ນຳຄົນເຈັບມາສົ່ງທີ່ຫ້ອງການຫນ່ວຍກູ້ໄພຈຸດບ້ານອາກາດ ທາງໜ່ວຍກູ້ໄພໄດ້ປະຖົມພະຍາບານ ແລະ ນຳສົ່ງໂຮງຫມໍມະໂຫສົດ
ສ່ວນຊາຍທີ່ມີອາການເມົາຢາບ້າໄດ້ລົບໜີໄປໂດຍມີເຈົ້າໜ້າທີ່ຕຳຫລວດຕິດຕາມໄລ່ຈັບຢ່າງໃກ້ຊິດ ຈົນມາຮອດຫຼັງສະໜາມບິນຊາຍຄົນດັ່ງກ່າວກໍ່ໄປບໍ່ລອດເພາະເຈົ້າໜ້າຕຳຫຼວດໄດ້ຕັດສິນໃຈຍິງເຂົ້າທີ່ຂາຂວາຂອງຊາຍຄົນນັ້ນເພື່ອສະກັດກກັ້ນບໍ່ໃຫ້ຜູ້ກ່ຽວລົບໜີໄປໄດ້ ຫຼັງຈາກທີ່ຊາຍຄົນນັ້ນຖືກຍິງ ແລະ ໄດ້ລົ່ມລົງທາງເຈົ້າໜ້າທີ່ຕຳຫຼວດກໍ່ຟ້າວບຸກເຂົ້າໄປຈັບຕົວທັນທີ.
ແລະ ທາງໜ່ວຍກູໄພມູນນິທິກໍ່ໄດ້ເຂົ້າຊ່ວຍເຫຼືອເຮັດການປະຖົມພະຍາບານຂັ້ນຕົ້ນ ແລະ ນຳສົ່ງຜູ້ກ່ຽວໄປທີ່ໂຮງໝໍເພື່ອຮັບການປິ່ນປົວກ່ອນຈະນຳຕົວໄປດຳເນີນຄະດີ
ສ່ວນຄວາມຄືບໜ້າ ແລະ ລາຍອຽດຕ່າງໆ ຫາກມີຄວາມຄືບໜ້າແນວໃດທາງເຮົາຈະນຳມາລາຍງານໃຫ້ຊາບອີກຄັ້ງ
ຂ່າວຈາກ: ຫນ່ວຍກູ້ໄພ ມູນນິທິຊ່ວຍເຫລືອຄົນທຸກຍາກແຫ່ງ ສປປ ລາວ
ບາດເຈັບ ອຸບັດຕິເຫດ ສຸກເສີນ ໂທ 1623 ຕະຫລອດ 24 ຊົ່ວໂມງ