ນັກກີລາເຕະບານຮຸ່ນເຍົາວະຊົນຮຸ່ນອາຍຸບໍ່ເກີນ 16 ປີຂອງລາວຫຼາຍກວ່າ 60 ຄົນທີ່ມາຈາກທົ່ວປະເທດກໍຄືບັນດາສະໂມສອນໃນນະຄອນຫຼວງວຽງຈັນ
ໄດ້ເຂົ້າຮ່ວມຄັດເລືອກເພື່ອຄັດໃຫ້ເຫຼືອ 30 ຄົນສຸດທ້າຍກ່ອນເຂົ້າເກັບຕົວຝຶກຊ້ອນຢ່າງເປັນທາງການໃນເດືອນມິຖຸນານີ້ ກຽມລຸຍການແຂ່ງຂັນເຕະບານຊີງ ແຊ໋ມອາຊຽນຮຸ່ນອາຍຸບໍ່ເກີນ 16 ປີ ຫຼື ເອເອັຟເອັຟຢູ16 ແຊ໋ມປ້ຽນຊິບ 2016 ທີ່ນະຄອນຫຼວງພະນົມເປັນປະເທດກຳປູເຈຍເປັນເຈົ້າພາບທ້າຍເດືອນກໍລະກົດນີ້.
ທ່ານ ໄກສອນ ໄຊຍະວົງ ຄູຝຶກທີມຊາດລາວຮຸ່ນອາຍຸບໍ່ເກີນ 16 ປີ ເປີດເຜີຍໃນວັນທີ 17 ພຶດສະພາຜ່ານມາໃຫ້ຮູ້ວ່າ: ແຂ່ງຂັນເຕະບານເອເອັຟເອັຟຢູ16 ແຊ໋ມປ້ຽນຊິບ 2016 ທີ່ນະຄອນຫຼວງພະນົມເປັນປະເທດ ກຳປູເຈຍເປັນເຈົ້າພາບທ້າຍເດືອນ ກໍລະກົດນີ້: ໃນເບື້ອງຕົ້ນທາງຄະ ນະຄູຝຶກພວກເຮົາໄດ້ຕົກລົງຮຽກ ນັກກີລາຈຳນວນ 36 ຄົນ, ທີ່ເຄີຍ ເຂົ້າມາຄັດ ແລະມີຊື່ຕິດໃນທີມຊາດ ຢູ16 ໃນປີທີ່ຜ່ານມາແຕ່ດ້ວຍເຫັນ ແວວຂອງນັກກີລາຫຼາຍຄົນໃນແຕ່ ລະສະໂມສອນນັກເຕະຮຸ່ນນີ້ແມ່ນມີ ຫຼາຍຄົນທີ່ພັດທະນາຕົວເອງຂຶ້ນມາຫຼາຍ ສະນັ້ນພວກເຮົາຈຶ່ງໄດ້ຕົກລົງ ເປີດກວ້າງໃຫ້ນັກເຕະທີ່ສົນໃຈ ແລະມີພອນສະຫວັນຈາກສະໂມສອນຕ່າງໆທົ່ວປະເທດສົ່ງນັກກີລາມາ ຄັດເລືອກ ແລະໃນວັນຈັນທີ່ຜ່ານມາ ກໍມີນັກເຕະມາລາຍງານຕົວປະມານ 5060 ກວ່າຄົນ ແລະຄາດວ່າຈະ ຄັດເລືອກໃຫ້ເຫຼືອ 30 ຄົນ ໄດ້ພາຍໃນເດືອນພຶດສະພານີ້ເພື່ອເຂົ້າເກັບຕົວ ທີ່ສູນຝຶກກີລາບານເຕະແຫ່ງຊາດ ໃນຕົ້ນເດືອນມິຖຸນານີ້ຂະນະທີ່ປີນີ້ ຈະເນັ້ນລະບຽບ, ມາລະຍາດ ແລະການຢູ່ຮ່ວມກັນເປັນຫຼັກເພື່ອສ້າງໃຫ້ ເປັນນັກກີລາທີ່ດີ, ມີລະບຽບ ແລະເປັນແບບຢ່າງໃນອະນາຄົດ.
ການແຂ່ງຂັນລາຍການດັ່ງກ່າວ ນີ້ແມ່ນຈະເລີ່ມຂຶ້ນລະຫວ່າງວັນທີ 1023 ກໍລະກົດ 2016 ໂດຍທີມຊາດລາວແມ່ນຖືກຈັບໄປຢູ່ກຸ່ມບີ ຮ່ວມກັບແຊ໋ມເກົ່າທີມຊາດໄທ, ເຈົ້າພາບທີມຊາດກຳປູເຈຍ, ທີມຊາດຕີມໍ ເລສເຕ ແລະທີມຊາດບຣູໄນສ່ວນ ກຸ່ມເອປະກອບມີທີມຊາດມຽນມາ, ທີມຊາດອອສເຕຣເລຍ, ທີມຊາດຟີລິບປິນ, ທີມຊາດມາເລເຊຍ, ທີມ ຊາດ ສສ ຫວຽດນາມ ແລະທີມຊາດ ສິງກະໂປ.
ສຳລັບໂປຣແກຣມການແຂ່ງຂັນ ຂອງທີມຊາດລາວ: ໃນວັນທີ 11 ກໍລະກົດ 2016 ເວລາ 18:30 ພົບກັບ ເຈົ້າພາບທີມຊາດກຳປູເຈຍ, ວັນທີ 15 ກໍລະກົດ 2016 ເວລາ 18:30 ພົບກັບທີມຊາດຕີມໍເລສເຕ, ວັນທີ 17 ກໍລະກົດ 2016 ເວລາ 15:30 ພົບກັບທີມຊາດບຣູໄນ ແລະວັນທີ 19 ກໍລະກົດ 2016 ເວລາ 15:30 ພົບກັບທີມຊາດໄທ ຊຶ່ງການລົງແຂ່ງ ຂັນຂອງທີມຊາດລາວແມ່ນຈະໃຊ້ສະ ໜາມໂອແລມປິກສະເຕດ້ຽມນະຄອນຫຼວງພະນົມ.
ທີ່ມາ: ເສດຖະກິດ-ສັງຄົມ