ເຊື່ອວ່າຜູ້ຊາຍຫຼາຍຄົນອາດຍັງບໍ່ຮູ້ວ່າຈະເຮັດແນວໃດ ເພື່ອໃຫ້ສາວໆຫັນມາສົນໃຈທ່ານ ເຖິງແມ່ນທ່ານເອງຈະເປັນຄົນຮູບງາມ ແລະ ໜ້າຕາດີກໍ່ຕາມ ແຕ່ກໍ່ໄດ້ແຕ່ງົງວ່າເປັນຫຍັງຄືບໍ່ມີຄົນມາສົນໃຈທ່ານເລີຍ ວັນນີ້ເຮົາເລີຍມີເຄັດລັບດີໆມາຝາກໜຸ່ມໆລອງເອົາໄປເຮັດເບິ່ງເພື່ອອາດຈະເຮັດໃຫ້ສາວໆຫັນມາເບິ່ງເຫັນຄວາມຫລໍ່ທີ່ມີໃນຕົວທ່ານ
ສະແດງອອກເຖິງຄວາມເປັນສຸພາບບູລຸດ
ໝຸ່ມຫຼາຍໆຄົນມັກຄິດວ່າການເຮັດຕົວເປັນສຸພາບບູລຸດມັນເຮັດໄດ້ຍາກ ທັງທີ່ຄວາມຈິງແລ້ວ ທ່ານພຽງລົງມືເຮັດງ່າຍໆໃຫ້ກັບແມ່ຍິງເຊັ່ນ: ເປີດປະຕູໃຫ້ນາງ, ເລື່ອນຕັ່ງໃຫ້ນາງ, ໄປສົ່ງນາງໃຫ້ເຖິງເຮືອນ, ເຮັດດີກັບຄົນອ້ອມຂ້າງ ເປັນຕົ້ນ ເທົ່ານີ້ກໍ່ເຮັດໃຫ້ນາງເຫັນຄວາມເປັນສຸພາບບູລຸດຂອງທ່ານແລ້ວ
ເປັນຄົນກ້າຕັດສິນໃຈ
ຫາກຝ່າຍຍິງເຫັນວ່າເມື່ອໃດກໍ່ຕາມທີ່ທ່ານຈະເຮັດສິ່ງໃດສິ່ງໜຶ່ງ ແຕ່ຕ້ອງຖາມຄວາມເຫັນຈາກຄົນອື່ນກ່ອນສະເໝີ ເຊິ່ງບໍ່ແມ່ນເລື່ອງທີ່ດີແນ່ນອນ ເອົາເປັນວ່າທ່ານຕ້ອງຫັດເປັນຄົນກ້າຕັດສິນໃຈດ້ວຍຕົວເອງແນ່
ມີຄວາມເປັນຜູ້ໃຫຍ່
ແນ່ນອນວ່າແມ່ຍິງຈະບໍ່ມັກຜູ້ຊາຍທີ່ເຮັດຕົວຄືເດັກນ້ອຍ ບາງຄັ້ງກໍ່ໂລເລ ເພາະພວກນາງຕ້ອງການຄວາມແນ່ນອນໃນຄວາມສຳພັນ ດັ່ງນັ້ນຜູ້ຊາຍຕ້ອງເປັນຄົນເຊື່ອຖືໄດ້ ແລະ ເປັນຜູ້ໃຫຍ່ສົມໄວໄດ້ອີກ ພຽງເທົ່ານີ້ກໍ່ຈະສ້າງຄວາມໝັ້ນໃຈໃຫ້ກັບສາວໆໄດ້ແລ້ວ
ເປັນຄົນສື່ສັດກັບທຸກຢ່າງ
ບໍ່ວ່າທ່ານຈະເຮັດ ແລະ ເວົ້າສິ່ງໃດກັບແມ່ຍິງກໍ່ຕາມ ທ່ານກໍ່ຄວນເວົ້າ ແລະ ເຮັດດ້ວຍຄວາມຈິງໃຈ ບໍ່ແມ່ນຕໍ່ໜ້າເຮັດດີ ຫລັບຫຼັງກັບເຮັດກົງກັນຂ້າມ ນັ້ນເປັນສິ່ງບໍ່ໜ້າຮັກເລີຍ ແຖມມີແຕ່ເຮັດໃຫ້ເບິ່ງໜ້າກັນຍາກຂຶ້ນອີກ
ສ້າງສຽງຫົວໄດ້ສະເໝີ
ຄວາມເປັນຄົນອາລົມດີ, ຕະລົກ ນີ້ກໍ່ແມ່ນຄຸນສົມບັດໜຶ່ງທີ່ເຮັດໃຫ້ສາວໆຫຼາຍຄົນຄຳນຶງເຖິງເປັນອັນດັບຕົ້ນໆ ເພາະບໍ່ວ່າແມ່ຍິງຄົນໃດກໍ່ຢ່າກຢູ່ໃກ້ ແຕ່ການທີ່ທ່ານເປັນຄົນທີມີອາລົມຕະລົກນັ້ນມັນກໍ່ຕ້ອງສະແດງອອກໃຫ້ເໝາະສົມກັບກາລະເທສະ ບໍ່ແມ່ນວ່າຈະຢອດມຸກຕະລົກໃນເວລາໃດກໍ່ໄດ້
ເຮັດອາຫານເປັນ
ການເຮັດອາຫານເປັນ ນັບວ່າມີສະເໜ່ອີກຢ່າງໜຶ່ງທີ່ຈະເຮັດໃຫ້ສາວໆຮັກທ່ານຫຼາຍຂຶ້ນ ສະນັ້ນຜູ້ຊາຍຈຳເປັນທີ່ຈະຕ້ອງຮູ້ຈັກແຕ່ງກິນຈັກ 2-3 ເມນູກໍ່ໄດ້
ເຮັດວຽກເຮືອນໂດຍບໍ່ເລືອກ
ແມ່ຍິງທຸກຄົນມັກຜູ້ຊາຍທີ່ຮູ້ຊ່ວຍເຮັດວຽກເຮືອນ ເພາະພວກນາງເຫັນວ່າທ່ານກໍ່ສາມາດແບ່ງເບົາການເຮັດວຽກໃນເຮືອນໄດ້ເຊັ່ນກັນ ເຊິ່ງວິທີນີ້ຈະເຮັດໃຫ້ສາວໆຮູ້ສຶກດີກັບທ່ານຫຼາຍທີ່ສຸດ
ເປັນຜູ້ຊາຍຮັກສັດ
ຫາກທ່ານເປັນຄົນຮັກສັດຢູ່ແລ້ວ ຝ່າຍຍິງຈະຮູ້ສຶກໄດ້ວ່າທ່ານມີຈິດໃຈທີ່ອ່ອນໂຍນ ແລະ ເປັນມິດຕໍ່ເພື່ອນຮ່ວມໂລກ ກໍ່ຍິ່ງເຮັດໃຫ້ທ່ານມີສະເໜ່ໜ້າຫຼົງໄຫຼຂຶ້ນຕື່ມອີກ
ເມື່ອໄດ້ຮູ້ແບບນີ້ແລ້ວ ໜຸ່ມໆກໍ່ລອງສຳຫຼວດຕົວເອງດີໆວ່າ ມີສິ່ງໃດແນ່ທີ່ຂາດໄປຈາກຕົວທ່ານ ກໍ່ລອງນຳເອົາສິ່ງຕ່າງໆນີ້ໄປໃຊ້ລອງເບິ່ງ ເພື່ອຈະເຮັດໃຫ້ທ່ານມີສະເໜ່ຫຼາຍຂຶ້ນ
ທີ່ມາ: http://men.kapook.com/