ທ່ານເຄີຍໄດ້ຍິນຄຳທີ່ວ່າ ‘ຜູ້ຊານຢ້ານເມຍ ມັກຈະໄດ້ດີກັນທຸກຄົນ’ ຫຼື ບໍ່? ຜູ້ຊາຍທີ່ເປີດໂອກາດໃຫ້ເມຍໄດ້ເປັນຜູ້ນຳບາງເວລາ ຜູ້ຊາຍທີ່ເຄົາລົບ ແລະ ເຊື່ອຟັງຄຳຄິດເຫັນຂອງເມຍ ມັກຈະປະສົບຜົນສຳເລັດໃນຊີວິດເກືອບທຸກຄົນ ຫຼາຍໆຄົນກໍ່ເຄີຍເຫັນຜ່ານມາແລ້ວ ເຊິ່ງຂ້ອຍເອງກໍ່ຄິດວ່າມັນມີບາງສ່ວນທີ່ຖືກ ດັ່ງນັ້ນເຮົາມາລອງອ່ານເຫດຜົນດີໆ ຂອງການໃຊ້ຊີວິດຄູ່ໃນແບບທີ່ຜູ້ຍິງເປັນຜູ້ນຳບາງເລື່ອງໃນເຮືອນກັນລອງເບິ່ງ

1.ແມ່ຍິງມັກຈະມີສະຕິ ແລະ ຮອບຄອບກວ່າ ນີ້ຄືຂໍ້ດີຂອງແມ່ຍິງ ເພາະແມ່ຍິງຈະມີຄວາມລະມັດລະວັງກັບທຸກສິ່ງຮອບຕົວ ເມື່ອປຽບທຽບກັບກັບຜູ້ຊາຍບາງຄົນຈະພົບວ່າແມ່ຍິງເປັນເພດທີ່ບໍ່ປະໝາດ ແລະ ມີຄວາມສາມາດໃນການກະກຽມສິ່ງຕ່າງໆ ໄດ້ດີ

2.ແມ່ຍິງສາມາດເຮັດຫຼາຍຢ່າງພ້ອມກັນໄດ້ ແມ່ຍິງນອກຈາກຈະສາມາດເຮັດວຽກເຮືອນໄດ້ຫຼ້ອນໜ້າທີ່ແລ້ວ ຍັງສາມາດອອກໄປເຮັດວຽກຫາເງິນໄດ້ຄືກັນກັບຜູ້ຊາຍ, ກັບມາເຮືອນຍັງລ້ຽງລູກ, ດູແລຜົວ ເຮັດວຽກສາລະພັດຢ່າງໄດ້ດີອີກດ້ວຍ

3.ແມ່ຍິງກ້າເອີ່ຍຂໍຄວາມຊ່ວຍເຫຼືອ ເມື່ອໃດກໍ່ຕາມທີ່ຄອບຄົວເກີດມີບັນຫາ ແມ່ຍິງຈະກ້າເອີ່ຍປາກຂໍຄວາມຊ່ວຍເຫຼືອຈາກຄົນທາງນອກຫຼາຍກ່ວາຜູ້ຊາຍ

4.ມີຄວາມສະເໝີພາບທາງເພດ ຄວາມສຳພັນທີ່ແມ່ຍິງເປັນຜູ້ນຳ ຈະເຮັດໃຫ້ອຳນາດຂອງຜູ້ຊາຍຫລຸດລົງ ກໍ່ເໝືອນຕາຊິງທີ່ມີຄວາມສົມດູນ ຜູ້ຊາຍອາດຫາເງິນໄດ້ຫຼາຍກ່ວາ ແຕ່ແມ່ຍິງກໍ່ສາມາດເກັບເງິນໄດ້ດີກ່ວາ

5.ເຮັດໃຫ້ທ່ານທັງຄູ່ເຂົ້າໃຈກັນຫຼາຍຂຶ້ນ ເມື່ອໃດທີ່ທ່ານໄດ້ມີການສະລັບບົດບາດກັນ ຄູ່ຂອງທ່ານຈະເຂົ້າໃຈກັນຫຼາຍຂຶ້ນ ຄູ່ໃດທີ່ມີແມ່ຍິງເປັນຜູ້ນຳມັກຈະບໍ່ມີປາກສຽງກັນ ແຖມຍັງກ້າສະແດງຄວາມຮັກໃຫ້ກັນຢ່າງເປີດເຜີຍອີກ

6.ຜູ້ຊາຍຈະບໍ່ຮູ້ສຶກຕຶງຄຽດ ເວົ້າງ່າຍໆຄືຄວາມກົດດັນໜ້ອຍລົງ ເພາະແມ່ຍິງຈະເຂົ້າມາຊ່ວຍໃນການຕັດສິນໃຈບາງເລື່ອງ ເພື່ອແບ່ງເບົາພາລະຂອງທ່ານຫຼາຍຂຶ້ນ

7.ພາກັນຮັ່ງມີ ກໍ່ຮູ້ໆກັນວ່າແມ່ຍິງເປັນຄົນປະຫຍັດ ຮູ້ຈັກໃຊ້ເງິນ ເກັບເງິນເກັ່ງ ເຮືອນໃດທີ່ມີເມຍດູແລເລື່ອງເງິນ ຮັບຮອງເລີຍວ່າພາກັນຮັ່ງມີແນ່ນອນ