ຕະຫຼອດໄລຍະ 55 ປີ ທີ່ ຜ່ານມາສາຍພົວພັນລະຫ່ວາງ ສປ ຈີນ ແລະສປປ ລາວ ແມ່ນມີຄວາມ ສຳພັນອັນແໜ້ນແຟັນສະໜິດສະໝົມຢ່າງຕໍ່ເນື່ອງ
ຊຶ່ງເຫັນໄດ້ຈາກການ ພົວພັນຮ່ວມມືກັນລະຫວ່າງ 2 ປະເທດເປັນຕົ້ນແມ່ນ: ການພັດທະນາ ເສດຖະກິດສັງຄົມ, ການສຶກສາ, ການຄົມມະນາຄົມ ແລະອື່ນໆ.
ດັ່ງນັ້ນໃນວັນທີ 29 ເມສາ 2016 ຜ່ານມາເພື່ອເປັນການສະ ເຫຼີມສະຫຼອງສາຍພົວພັນການທູດລາວຈີນ ທີ່ສູນການຄ້າວຽງຈັນ ເຊັນເຕີ, ເມືອງສີສັດຕະນາກ, ນະຄອນຫຼວງວຽງຈັນ, ໄດ້ມີການຈັດ ງານກີລາປິ່ງປ່ອງມິດຕະພາບຂຶ້ນຢ່າງເປັນທາງການ ໂດຍຄະນະສະ ມາຄົມມິດຕະພາບລາວຈີນ ຮ່ວມກັບສະຖານເອກອັກຄະລັດຖະທູດ ແຫ່ງ ສປ ຈີນ ປະຈຳ ສປປ ລາວ ໃຫ້ກຽດເຂົ້າຮ່ວມງານຝ່າຍລາວ ມີ ທ່ານ ສິນລະວົງ ຄຸດໄພທູນ ກຳມະການກົມການເມືອງສູນກາງ ພັກເຈົ້າຄອງນະຄອນຫຼວງວຽງ ຈັນທັງເປັນປະທານສະມາຄົມມິດ ຕະພາບລາວຈີນ ພ້ອມຄະນະ ແລະຝ່າຍຈີນມີ ທ່ານ ກວນ ຮົວ ປິງ ເອກອັກຄະລັດຖະທູດຈີນປະຈຳ ສປປ ລາວ ຄະນະພ້ອມນັກກີລາ ແລະສື່ມວນຊົນອີກຈຳນວນໜຶ່ງ ເຂົ້າຮ່ວມ, ການຈັດງານໃນຄັ້ງນີ້ກໍເພື່ອເປັນການສະເຫຼີມສະຫຼອງວັນສ້າງຕັ້ງສາຍພົວພັນການທູດ ລາວຈີນ ຄົບຮອບ 55 ປີ ( 25 ເມສາ 1961–25 ເມສາ 2016).
ຂ່າວຈາກ: ເສດຖະກິດ-ສັງຄົມ