ສະຫະພັນບານສົ່ງອາຊີ ໄວ້ວາງໃຈໃຫ້ກັບ ສປປລາວ ຮັບກຽດເປັນເຈົ້າພາບຈັດການແຂ່ງຂັນບານສົ່ງຫາດຊາຍຍິງ-ຊາຍ ຊີງແຊັມອາຊີ ລຸ້ນອາຍຸບໍ່ເກີນ 19 ປີຄັ້ງທີ 1 ຮອບຄັດເລືອກຊີງແຊັມໂລກຂອງສະຫະພັນບານສົ່ງສາກົນ (1ST SMM Asian U-19 Beach Volleyball Championships, Qualify to U-19 World Championships) ເຊິ່ງຈະເລີ່ມແຂ່ງຂັນລະຫວ່າງວັນທີ 20-22 ພຶດສະພານີ້ ທີ່ແຄມຂອງຫາດດອນຈັນນະຄອນຫຼວງວຽງຈັນໂດຍທີມຍິງມີ 20 ທີມ ແລະ ທີມຊາຍ 23 ທີມຈາກ 11 ປະເທດ ຮ່ວມຊິງໄຊ.

ທ່ານ ສີຈັນ ຈິດຕະປັນຍາ ເລຂາທິການສະຫະພັນບານສົ່ງແຫ່ງຊາດລາວ ທັງເປັນຮອງຄະນະຮັບຜິດຊອບຕິດຕາມການຝຶກຊ້ອມທີມຊາດລາວ ໃເປີດເຜີຍວ່າ: ສປປລາວ ກຽມເປັນເຈົ້າພາບຈັດການແຂ່ງຂັນບານສົ່ງຫາດຊາຍ ຊີງແຊັມອາຊີ ປະເພດຍິງ ແລະ ຊາຍ ລຸ້ນອາຍຸບໍ່ເກີນ 19 ປີຄັ້ງທີ 1 ເຊິ່ງແມ່ນສະຫະພັນບານສົ່ງອາຊີ ເປັນຜູ້ຈັດຂຶ້ນລະຫວ່າງວັນທີ 20-22 ພຶດສະພານີ້ ທີ່ນະຄອນຫຼວງວຽງຈັນ ທີມຊະນະເລີດ ແລະ ຮອງຊະນະເລີດ ແມ່ນໄດ້ສິດໄປແຂ່ງຂັນບານສົ່ງຊີງແຊັມໂລກ ຂອງສະຫະພັນບານສົ່ງສາກົນ ຕໍ່ໄປ.

ຮູບ:ບັນຍາກາດການແຂ່ງຂັນບານສົ່ງຫາດຊາຍ ຊີງແຊັມອາຊຽນ ທີ່ລາວເປັນເຈົ້າພາບເມື່ອປີ 2015:

(ຮູບຈາກ ອ້ວນດໍາ)

ຂ່າວຈາກ: ເສດຖະກິດ-ການຄ້າ