ລີເວິພູ ມີແຜນອອກລ່າຕົວ ໂຈຮາດ ຜູ້ຮັກສາປະຕູ ແມນເຊັດສະເຕີ ຊີຕີ້ ຫຼັງຈົບລະດູການນີ້ ເພື່ອເອົາມາແທນ ຊິມົງ ມິໂຢເລ່ ຜູ້ຮັກສາປະຕຸຊາວ ເບລຢ່ຽມ ທີ່ຟອມຫຼຸດຫຼາຍຄັ້ງ.
ລີເວິພູ ສະໂມສອນດັງ ພຣີເມຍລີກ ອັງກິດ ອາດຈະຍື່ນຂໍ້ສະເໜີຊື້ຕົວ ໂຈຮາດ ຜູ້ຮັກສາປະຕູມືໜຶ່ງຂອງ ແມນເຊັດສະເຕີ ຊີຕີ ສະໂມສອນຄູ່ແຂ່ງຮ່ວມລີກ ມາເສີມທີມຫຼັງຈົບລະດູການນີ້ ຈາກການລາຍງານຂອງ ຟຣ້ອງ ສື່ຂັ້ນນຳ ຝຣັ່ງ ເມື່ອວັນພຸດທີ 4 ພຸດສະພາທີ່ຜ່ານມາ.
ການທີ່ ໂຈເຊປ ກວາດີໂອລາ ວ່າທີ່ຜູ້ຈັດການທີມຄົນໃໝ່ຂອງ ແມນເຊັດສະເຕີ ຊີຕີ ໄດ້ແຈ້ງໃຫ້ຜູ້ບໍລິຫານສະໂມສອນອອກລ່າຕົວ ມາກ-ອັນເດຣ ແຕຣ ສເຕເກ້ນ ຜູ້ຮັກສາປະຕູ ບາເຊໂລນາ ມາຮ່ວມທີມ ທຳໃຫ້ ໂຈຮາດ ມີອານາຄົດບໍ່ແນ່ນອນໃນຖິ່ນ ເອຕິອັດ ສະເຕດຽມ ຂະນະທີ່ ຈໍເກນ ຄລ໊ອປ ຜູ້ຈັດການທີມ ລີເວິພູ ກໍ່ກຳລັງຕິດຕາມດູສະຖານະການໃກ້ຊິດ.
ປັດຈຸບັນ ຊິມົງ ມີໂຢເລ່ ຄືຜູ້ຮັກສາປະຕູມືໜຶ່ງຂອງ ລີເວີພູ ແຕ່ລະດູການນີ້ມີຈັງວະຫຼິ້ນຜິດພາດຫຼາຍຄັ້ງເຊິ່ງມັນເຮັດໃຫ້ ຄລ໊ອປ ເລືອກທີ່ຈະເບິ່ງຜູ້ຮັກສາປະຕູຄົນອື່ນທີ່ໄວ້ວາງໃຈຫຼາຍກວ່ານີ້.
ຂ່າວຈາກ: ເສດຖະກິດ-ສັງຄົມ