ວັນນີ້ເຮົາມີເຄັດລັບດີໆມາຝາກ ສຳລັບຄົນທີ່ຕ້ອງການມັດໃຈຜົວໃຫ້ຢູ່ມືຕ້ອງອ່ານທາງນີ້

1. ສະແດງເຖິງຄວາມຮັກທີ່ທ່ານມີຕໍ່ຜົວ

ເຖິງຜູ້ຊາຍຈະເບິ່ງແຂງກະດ້າງ ບໍ່ມີຄວາມໂຣແມນຕິກ ບໍ່ມັກໃສ່ໃຈເລື່ອງເລັກໆນ້ອຍໆ ເທົ່າກັບແມ່ຍິງ ແຕ່ພວກເຂົາກໍ່ຕ້ອງການຄວາມຮັກ ຄວາມເອົາໃຈໃສ່ ຄວາມຫ່ວງໃຍ ໂດຍສະເພາະກັບແມ່ຍິງທີ່ຕົນຮັກແລ້ວ ເພາະສະນັ້ນທ່ານຕ້ອງສະແດງອອກເລີຍວ່າ ທ່ານຮັກເຂົາຫຼາຍພຽງໃດ ບໍ່ຕ້ອງປົກປິດຄວາມຮູ້ສຶກພາຍໃນໃຈເອົາໄວ້ ທ່ານຕ້ອງຮູ້ແບ່ງເວລາ ນອກຈາກຈະກູແລລູກໃຫ້ດີແລ້ວ ທ່ານກໍ່ຕ້ອງດູແລຜົວຂອງທ່ານໃຫ້ດີພ້ອມ ເຊື່ອວ່າທ່ານຕ້ອງເຮັດໄດ້

  2. ໃຫ້ພື້ນທີ່ສ່ວນຕົວກັບຝ່າຍຊາຍ

ເຖິງຈະແຕ່ງງານກັນແລ້ວແຕ່ຜູ້ຊາຍກໍ່ຍັງຕ້ອງການເພື່ອນ ການເຂົ້າສັງຄົມ ເພາະສະນັ້ນທ່ານຕ້ອງປ່ອຍໃຫ້ເຂົາໄດ້ໄປສັງສັນເຂົ້າສັງຄົມກັບໝູ່ເພື່ອນຂອງເຂົາແນ່ ຫຼື ອາດຍອມໃຫ້ເຂົາມາຈັດງານສັງສັນໃນເຮືອນແນ່ກໍ່ໄດ້ ທ່ານບໍ່ຄວນຕາມຕິດຕົວເຂົາໄປທຸກບ່ອນກໍ່ໄດ້ ເພາະຈະເຮັດໃຫ້ຜົວຂອງທ່ານຮູ້ສຶກອຶດອັດ ທ່ານຄວນເບິ່ງໃນແບບຫຼຽນສອງດ້ານ ເພື່ອເຮັດໃຫ້ຊີວິດຄູ່ຂອງທ່ານນັ້ນດີຂຶ້ນ

 3. ໃຈເຢັນ, ມີຄວາມເຂົ້າໃຈຕໍ່ຜົວ ແລະ ມີຮອຍຍິ້ມອັນສົດໃສ

ບໍ່ມີຜູ້ຊາຍຄົນໃດດອກມັກແມ່ຍິງໜ້າບູດບຶ້ງ ໂດຍສະເພາະໃນວັນທີ່ເຂົາເມື່ອຍລ້າຈາກການເຮັດວຽກ ເຂົາກໍ່ຕ້ອງຢາກເຫັນສິ່ງທີ່ສະບາຍໃຈ ຫນຶ່ງໃນນັ້ນຄືຮອຍຍິ້ມອັນສົດໃສຈາກຄົນທີ່ລາວຮັກ, ຄວາມເຂົ້າໃຈເຫັນອົກເຫັນໃຈຈາກແລະ ໄດ້ຮັບກຳລັງໃຈດີໆຈາກເມຍນັ້ນເອງ ເຖິງທ່ານຈະໃຈຮ້າຍ ຫງຸດງິດໃຫ້ຜົວພຽງໃດ ທ່ານກໍ່ຕ້ອງເອົານ້ຳເຢັນລູບໃຈ ເຮັດໃຈດີໃຈກ້ວາງຄືແມ່ນ້ຳເຂົ້າໄວ້

4. ສ້າງຄວາມສຸກເມື່ອຢູ່ເທິງຕຽງ

ເລື່ອງເຊັກສ໌ເປັນອີກເລື່ອງໜຶ່ງທີ່ສຳຄັນຂອງການມີຊີວິດຄູ່ ຫາກຄູ່ໃດຂາດການມີເພດສຳພັນໃນໄລຍະເວລາທີ່ດົນ ກໍ່ອາດຈະເຮັດໃຫ້ຄວາມຮັກຈືດຈາງລົງໄດ້ ຜູ້ຊາຍຈະມີຄວາມຕ້ອງການທາງເພດຫຼາຍກ່ວາແມ່ຍິງ ດັ່ງນັ້ນພວກເຂົາຈິ່ງມັກຄວາມຕື່ນເຕັ້ນເລົ້າໃຈຢູ່ສະເໝີ ສະນັ້ນຄົນເປັນເມຍຕ້ອງເຮັດໃຫ້ຜົວມີຄວາມສຸກທີ່ສຸດໃນເວລາຢູ່ເທິງຕຽງນຳກັນ ພະຍາຍມສ້າງຄວາມແປກໃໝ່ໃຫ້ກັບຜົວຢູ່ເລື່ອຍໆ ພຽງເທົ່ານີ້ຜູ້ຊາຍກໍ່ຈະບໍ່ອອກໄປຫາກິນນອກບ້ານອີກແລ້ວ

5. ເປັນແມ່ຍິງຢ່າຢຸດງາມ

ແມ່ຍິງທີ່ແຕ່ງງານແລ້ວສ່ວນຫຼາຍມັກຈະວຸ້ນວາຍຢູ່ກັບເລື່ອງລູກ, ວຽກເຮືອນ, ວຽກຫ້ອງການ ຈົນບໍ່ມີເວລາເອົາໃຈໃສ່ດູແລຕົວເອງ ທ່ານຕ້ອງເປັນແມ່ເຮືອນຍຸກໃໝ່ຈະຕ້ອງເອົາໃຈໃສ່ທຸກຢ່າງໄປພ້ອມໆກັນ ທ່ານຢ່າລືມວ່າປັເໄຈການຢ້ວາຕາລໍ້ໃຈຂອງຜູ້ຊາຍໃນປັດຈຸບັນນີ້ມັນມີຫຼາຍ ຖ້າທ່ານເປັນເມຍທີ່ໜ້າດຳ, ເຮັດຕົວໂສມ ຮູບຮ່າງກໍ່ບໍ່ຄືຕອນເປັນສາວ ຮັບຮອງເລີຍວ່າວັນໜຶ່ງຜົວຂອງທ່ານຈະລັກອອກໄປມີກິກກັກນອກເຮືອນແນ່ນອນ ສະນັ້ນທ່ານຄວນແບ່ງເວລາປະມານ 30-60 ນາທີ ເພື່ອແຕ່ງໜ້າ ແຕ່ງງາມໃສ່ຕົວທ່ານທຸກວັນ ພຽງເທົ່ານີ້ຜົວຂອງທ່ານຈະກໍ່ກອດຫອມແຕ່ທ່ານຄົນດຍວຕະຫຼອດໄປ

ທັງໝົດນີ້ກໍ່ເປັນພຽງເຄັດລັບເລັກໆນ້ອຍໆ ເພື່ອໃຫ້ທ່ານນຳໄປປັບໃຊ້ໃຫ້ເໝາະສົມກັບຊີວິດຄູ່ຂອງທ່ານເອງ ແລ້ວຄວາມຮັກທີ່ດີຈະຢູ່ກັບທ່ານຕະຫຼອດໄປ