ສຳນັກຂ່າວຕ່າງປະເທດ ລາຍງານໃນວັນທີ 27 ເມສານີ້ວ່າ ພະນັກງານຂອງສະໜາມບິນແຫ່ງໜຶ່ງ ຢູ່ປະເທດຣັດເຊຍ ໄດ້ກໍ່ເຫດໃຊ້ລົດຈົກ ຫລື ລົດແມັກໂຄຂະໜາດໃຫຍ່ ທຸບທຳເຮືອບິນໂດຍສານຂະໜາດນ້ອຍ ຂອງສາຍການບິນ ຢູທີແອຣ໌ (UTair) ຊຶ່ງເປັນສາຍການບັນສັນຊາດຣັດເຊຍ ຈົນພັງເສຍຫາຍ ໂດຍທີ່ບໍ່ທັນຮູ້ສາເຫດທີ່ຊັດເຈນ, ແນວໃດກໍຕາມ ສື່ຕ່າງປະເທດໄດ້ລາຍງານເບື້ອງຕົ້ນວ່າ ຜູ້ກ່ຽວກໍ່ເຫດດັ່ງກ່າວນີ້ ເນື່ອງຈາກຄັບແຄ້ນໃຈ ທີ່ຖືກໄລ່ອອກຈາກການເປັນພະນັກງານ ຂອງສາຍການບິນຢູທີແອຣ໌.
ແນວໃດກໍຕາມ ມີບາງພາກສ່ວນໄດ້ສະແດງຄວາມເຫັນວ່າ ນີ້ເປັນພຽງການທຳລາຍເຮືອບິນເກົ່າ ທີ່ໃຊ້ການບໍ່ໄດ້ ຂອງສາຍການບິນດັ່ງກ່າວເທົ່ານັ້ນ ຊຶ່ງຍັງບໍ່ທັນມີຄຳຖະແຫລງຢ່າງເປັນທາງການ ຈາກເຈົ້າໜ້າທີ່ຂອງຢູທີແອຣ໌ເທື່ອ.
https://www.youtube.com/watch?v=Hf64S_kmOWM
ຕິດຕາມເລື່ອງດີດີເພຈທ່ຽວເມືອງລາວ Laotrips ກົດໄລຄ໌ເລີຍ!