spot_img
Homeຊີວິດແລະຄວາມຮັກວິທີສັງເກດຄົນທີ່ແອບມັກເຮົາ

ວິທີສັງເກດຄົນທີ່ແອບມັກເຮົາ

Published on

ຊີວິດ ແລະ ຄວາມຮັກວັນນີ້ເຮົາຈະມາເວົ້າກ່ຽວກັບຫົວຂໍ້ການອ່ານໃຈຄົນ ໂດຍສະເພາະການອ່ານໃຈຄົນທີ່ແອບຮັກເຮົາ… ມັນມີບາງຢ່າງ ທີ່ເຮົາ ແລະ ເຂົາກໍ່ຮູ້ໆກັນຢູ່ ແຕ່ທີ່ເຮົາບໍ່ກ້າຟັນທຸງ ເພາະຢ້ານວ່າເຮົາຈະຄິດໄປເອງແມ່ນບໍ່?

ໃຫ້ທ່ານສັງເກດເບິ່ງແວວຕາທີ່ເຂົາແນມເບິ່ງທ່ານ ເພາະແວວຕາຈະເປັນປະະຕູຄຳຕອບຂອງທຸກຢ່າງ ຖ້າເປັນປະເພດທຳທ່າບໍ່ສົນໃຈເຮົາ ບາງຄັ້ງເຂົາກໍ່ສະແດງທ່າທາງຄືບໍ່ສົນໃຈເຮົາເລີຍ ແຕ່ບາງເທື່ອເຂົາກໍ່ເຮັດຄືມີໃຈໃຫ້ກັບເຮົາ ອັນນີ້ອາດຈະເຮັດໃຫ້ທັງເຮົາ ແລະ ເຂົາເກີດຄວາມບໍ່ແນ່ໃຈໄດ້

ວິທີສັງເກດຄົນທີ່ແອບມັກເຮົາມີງ່າຍໆດັ່ງນີ້:

1.ທ່ານຈະຮູ້ສຶກວ່າຖືກຈ້ອງເບິ່ງຕະຫຼອດເວລາ ບໍ່ວ່າຈະເຮັດຫຍັງກໍ່ຕາມ

2.ເວລາທີ່ເຂົາເຮັດສິ່ງໃດໃຫ້ທ່ານກໍ່ຕາມ ເຂົາຈະບອກວ່າ ” ບໍ່ເປັນຫຍັງດອກ ” ແຕ່ພໍເມື່ອທ່ານບອກເຂົາວ່າ ” ຂອບໃຈເດີ້ ” ທ່ານຈະໄດ້ຮອຍຍິ້ມແບບຊິວໆ ແບບເກັບໄວ້ບໍ່ຢູ່ ກັບຄືນມາ

3.ເວລາຢູ່ກັບເພື່ອນກຸ່ມໃຫຍ່ ຖ້າຄົນບໍ່ໄດ້ສັງເກດກໍ່ຈະເໝືອນທຸກຢ່າງເປັນກະຕິ ແຕ່ຖ້າທ່ານລອງສັງເກດເບິ່ງຄົນນັ້ນ ເຂົາຈະມີອາການແປກໆຈາກຄົນອື່ນແນ່ນອນ

4.ເຂົາມັກຈະງໍ້ທ່ານໂດຍທີ່ທ່ານບໍ່ຮູ້ສາເຫດ ” ຄົນທີ່ແອບຮັກຈະຮູ້ດີວ່າງໍ້ດ້ວຍເຫດຜົນໃດ ”

5.ເວລາວັນສຳຄັນທ່ານມັກຈະໄດ້ຂອງຂັວນຈາກເຂົາຄົນທຳອິດ ບໍ່ແນ່ວ່າອາດຈະໄດ້ກ່ອນແຟນຂອງທ່ານຊ້ຳ

6.ເວລາທ່ານເລົ່າເລື່ອງໃດເລື່ອງໜຶ່ງ ເຂົາຈະນັ່ງຟັງທ່ານຢ່າງໃຈຈົດຈໍ່ ເຖິງເລື່ອງນັ້ນຈະບໍ່ມີສາລະເລີຍກໍ່ຕາມ ແຖມຍັງມີການຫົວຖືກໃຈໃນເລື່ອງທີ່ທ່ານເລົ່ານຳອີກ

7.ບາງຄັ້ງເຂົາອາດຈະຖາມເຖິງແຟນຂອງທ່ານ ແລ້ວເວົ້າໃນທາງຖາມເຖິງສຸກທຸກທ່ານກັບແຟນ ແຕ່ເວລາທີ່ທ່ານຜິດຖຽງກັບແຟນຂອງທ່ານແລ້ວ ເຂົາຈະປອບໃຈທ່ານ ແລະ ເຮັດໃຫ້ທ່ານຮູ້ສຶກດີ ເພາະເຂົາອາດທົນບໍ່ໄດ້ທີ່ຈະເຫັນນ້ຳຕາຂອງທ່ານນັ້ນເອງ

8.ຖ້າທ່ານໄດ້ພົບກັບຄົນໆນີ້ແລ້ວ ທ່ານບໍ່ຕ້ອງຄິດຫຼາຍ ບໍ່ເຮັດຫຍັງທີ່ປ່ຽນໄປຈາກເດີມ ໃຫ້ຄິດເສຍວ່າ ເຂົາເຮັດເພື່ອທ່ານເພາະຢາກໃຫ້ທ່ານມີຄວາມສຸກ ຫຼື ຖ້າຫາກທ່ານຍັງໂສດທ່ານກໍ່ຄວນເປີດໃຈຄົບກັບເຂົາລອງເບິ່ງບາງຄັ້ງເຂົາອາດຈະແມ່ນຄົນນັ້ນຂອງທ່ານກໍ່ໄດ້

ຮູ້ແບບນີ້ແລ້ວຢ່າລືມໄປສັງເກດຄົນໃກ້ຕົວຂອງທ່ານນຳເດີ້ວ່າຕອນນີ້ເຂົາມີທ່າທີແນວໃດກັບທ່ານ.

ບົດຄວາມຫຼ້າສຸດ

ປັບສູງສຸດ 2,000 ໂດລາ ສິງກະໂປເຂັ້ມງວດ ຈັດຢາສູບໄຟຟ້າ ຢູ່ໃນໝວດຢາເສບຕິດ

ສິງກະໂປເຂັ້ມງວດ ຈັດຢາສູບໄຟຟ້າ ຢູ່ໃນໝວດຢາເສບຕິດ ພ້ອມທັງຕັ້ງຄ່າປັບໄໝສູງສຸດ 2,000 ໂດລາ ຫຼື ປະມານ 45 ລ້ານກີບ ສຳນັກຂ່າວຕ່າງປະເທດລາຍງານໃນວັນທີ 18 ສິງຫາ 2025 ຜ່ານມາ,...

ປະຫວັດ “ບຸນຫໍ່ເຂົ້າປະດັບດິນ” ປະເພນີລາວທີ່ສືບທອດມາແຕ່ບູຮານນະການ

ວັນບຸນຫໍ່ເຂົ້າປະດັບດິນ ບຸນປະເພນີທີ່ບູຮານໄດ້ພາກັນປະຕິບັດກັນມາ ເພື່ອເປັນການອຸທິດບຸນກຸສົນ ໃຫ້ກັບຍາດຕິພີ່ນ້ອງ ຜູ້ທີ່ລ່ວງລັບໄປແລ້ວ ລວມທັງສັມພະເວສີ ຜີທີ່ບໍ່ມີຍາດ. ຄວາມ​ໝາຍ​ຄວາມ​ສໍາຄັນ​ຂອງ​ບຸນ​ຫໍ່​ເຂົ້າປະດັບດິນ: ຫໍ່​ເຂົ້າປະດັບດິນ ໝາຍ​ເຖິງ ການ​ນໍາ​ເອົາ​ອາຫານ​ຫວານ​ຄາວ ຊີ້ນ​ແຫ້ງ​ປາ​ຕາຍ, ເຂົ້າຕົ້ມເຂົ້າໜົມ, ໝາກ​ໄມ້​ນານາ​ຊະນິດ ແລະ...

ເງື່ອນໄຂ-ການປະຕິບັດນະໂຍບາຍ ຕໍ່ຄູອາສາສະໝັກ ທີ່ຈະເຂົ້າເປັນລັດຖະກອນປ້ອງກັນຊາດ

ເປີດເງື່ອນໄຂ-ການປະຕິບັດນະໂຍບາຍ ຕໍ່ຄູອາສາສະໝັກ ທີ່ຈະເຂົ້າເປັນລັດຖະກອນປ້ອງກັນຊາດ ໃນລະຫວ່າງວັນທີ 15-19 ສິງຫາ 2025 ນີ້, ຄະນະຮັບຜິດຊອບການບັນຈຸຄູອາສາສະໝັກເຂົ້າເປັນກຳລັງປ້ອງກັນຊາດ ນຳໂດຍ ທ່ານ ນາງ ຄຳພັດ ໄຊຍະລິນຄຳ ຮອງຫົວໜ້າກົມສ້າງຄູ...

ກອງປະຊຸມຄະນະກຳມະການນະໂຍບາຍເງິນຕາ ຂອງສະພາບໍລິຫານທະນາຄານແຫ່ງ ສປປ ລາວ ຄັ້ງທີ III ປະຈຳປີ 2025

ກອງປະຊຸມຄະນະກຳມະການນະໂຍບາຍເງິນຕາ ຂອງສະພາບໍລິຫານທະນາຄານແຫ່ງ ສປປ ລາວ ຄັ້ງທີ III ປະຈຳປີ 2025 ໃນອາທິດຜ່ານມາ, ທະນາຄານແຫ່ງ ສປປ ລາວ (ທຫລ) ໄດ້ຈັດກອງປະຊຸມຄະນະກຳມະການນະໂຍບາຍເງິນຕາ ຄັ້ງທີ...