ຜົນການຈັດອັນດັບບຸກຄົນທີ່ລໍ້າລວຍທີ່ສຸດໃນປະເທດອັງກິດ ປະຈຳປີ 2016 ຈັດໂດຍໜັງສືພິມເດິຊັນເດທາມ ເຜີຍແຜ່ເມື່ອວັນທີ 24 ເມສາທີ່ຜ່ານມາພົບວ່າ ນະຄອນຫຼວງລອນດອນ ເມືອງຫຼວງຂອງປະເທດອັງກິດ ເປັນເມືອງທີ່ມີບຸກຄົນທີ່ລໍ້າລວຍໃນລະດັບ 1.000 ລ້ານປອນ (ສະກຸນເງິນອັງກິດ) ຈຳນວນຫຼາຍທີ່ສຸດໃນໂລກ.

ລາຍງານຂອງຊັນເດທາມ ລະບຸວ່າປີນີ້ ມີຜູ້ທີ່ລໍ້າລວຍໃນລະດັບ 1.000 ລ້ານປອນ ຢູ່ໃນປະເທດອັງກິດຈຳນວນ 120 ຄົນ ເຮັດໃຫ້ອັງກິດກາຍເປັນປະເທດທີ່ມີມະຫາເສດຖີໃນລະດັບນີ້ຫຼາຍເປັນອັນດັບ 3 ຂອງໂລກ ເສຍໃຫ້ພຽງແຕ່ສະຫະລັດອາເມລິກາ ແລະຈີນ ທີ່ມີມະຫາເສດຖີພັນລ້ານຈຳນວນ 378 ແລະ 193 ຄົນຕາມລຳດັບ ຂະນະທີ່ນະຄອນຫຼວງລອນດອນ ເປັນເມືອງທີ່ມີມະຫາເສດຖີພັນລ້ານຫຼາຍທີ່ສຸດໃນໂລກທີ່ 77 ຄົນ ຫຼາຍກວ່ານະຄອນຫຼວງນິວຢອກທີ່ 61 ຄົນ ຊານຟຣານຊິສໂກ 57 ຄົນ ຂະນະທີ່ຮົງກົງ 49 ຄົນ.

ຜູ້ທີ່ຄອງອັນດັບ 1 ຂອງມະຫາເສດຖີ 1.000 ຄົນທີ່ມີຊັບສິນຫຼາຍກວ່າ 103 ລ້ານປອນ ຫຼື ປະມານ 5.200 ລ້ານຄົນ ໃນອັງກິດຄືສອງອ້າຍນ້ອງ ເດວິດ ແລະ ຊິມອນ ຣູເບນ ນັກທຸລະກິດຊາວອັງກິດທີ່ມີຊັບສິນລວມທັງໝົດ 13.000 ລ້ານປອນ.

ທັງນີ້ ລາຍງານລະບຸວ່າ ມູນຄ່າຊັບສິນລວມຊອງທັງໝົດ 1.000 ຄົນເພີ່ມຂຶ້ນຈາກປີ 2015 ຢ່າງໃດກໍຕາມ ມີມະຫາເສດຖີບາງຄົນຕ້ອງມີຊັບສິນທີ່ຫຼຸດໜ້ອຍລົງຫຼາຍ ເນື່ອງຈາກໄດ້ຮັບຜົນກະທົບຈາກດັດຊະນີໃນຕະຫຼາດຫຸ້ນ ລາຄານໍ້າມັນທີ່ຕົກຕໍ່າ ລວມໄປເຖິງວິກິດໃນອຸດສາຫະກຳເຫຼັກທີ່ກຳລັງເກີດຂຶ້ນ.