ການແຕ່ງກາຍກໍເປັນລັກສະນະໜຶ່ງທີ່ບອກເຖິງກິລິຍາມາລະຍາດຂອງແຕ່ລະຄົນ ແລະບົ່ງບອກເຖິງວັດທະທຳຂອງຊາດ
ວັດທະນະທຳການນຸ່ງຖືໃນສັງຄົມບ້ານເຮົາປ່ຽນແປງໄປຕາມຍຸກສະໄໝ ປະຈຸບັນນີ້ຄົນຮຸ່ນໃໝ່ຫັນໄປແຕ່ງກາຍຕາມກະແສນິຍົມ ຈົນເກືອບລືມນຸ່ງສິ້ນທີ່ເປັນວັດທະນະທຳຂອງຕົນ ດັ່ງນັ້ນ ເຮົາເປັນແມ່ຍິງລາວຄວນ ໃສ່ໃຈນຸ່ງຫົ່ມໃຫ້ສຸພາບຮຽບຮ້ອຍດ້ວຍການນຸ່ງສິ້ນໃຫ້ຖືກຕາມປະເພນີຂອງລາວ.
ວັນທີ 20 ເມສາມຜ່ານມາ ແມ່ຕູ້ແອ ອາຍຸ 62ປີ ໃຫ້ສຳພາດກັບນັກຂ່າວພວກ ເຮົາວ່າ: ຜູ້ຍິງລາວໃນເມື່ອກ່ອນແມ່ຕູ້ແມ່ນາຍແມ່ນນິຍົມກັນນຸ່ງຫົ່ມສິ້ນມີຫົວມີຕີນ ລູກຫຼານເກີດມາສະໄໝນັ້ນພາກັນນຸ່ງສິ້ນຄືກັນໝົດທຸກຄົນ ດັ່ງນັ້ນ ເພິ່ນຈິ່ງໄດ້ກຳນົດ ເອົາສິ້ນເປັນວັດທະນະທຳການນຸ່ງຫົ່ມຂອງແມ່ຍິງລາວ ຄືດັ່ງມີສຸພາສິດທີ່ກ່າວໄວ້ວ່າ: ເບິ່ງຊ້າງໃຫ້ເບິ່ງຫາງ ເບິ່ງນາງໃຫ້ເບິ່ງແມ່ ໃນພາສິດຂໍ້ນີ້ມີຄວາມໝາຍວ່າ: ຖ້າແມ່ຂອງຜູ້ຍິງດີຕະຫຼອດຮອດການນຸ່ງຫົ່ມເປັນລະບຽບຮຽບຮ້ອຍດີ ຜູ້ເປັນລູກ ແລະຫຼານກໍຖືເອົາແບບຢ່າງ ປະຈຸບັນນີ້ ປະກົດເຫັນວ່າແມ່ຍິງບ້ານເຮົາໂດຍສະເພາະແມ່ນຄົນຮຸ່ນໃໝ່ບໍ່ນິຍົມນຸ່ງສີ້ນພໍປານໃດ ສ່ວນຫຼາຍແມ່ນພາກັນແຕ່ງກາຍຕາມກະ ແສນິຍົມຄື: ນຸ່ງໂສ້ງຂາສັ້ນ, ໃສ່ສະເກີດ ແລະອື່ນໆອັນທີ່ບໍ່ແມ່ນວັດທະນະທຳຂອງລາວ.
ແນວໃດກໍດີ ເພື່ອຮັກສາວັດທະນະທຳອັນດີງາມໃຫ້ຄຽງຢູ່ກັບຊາດລາວຕະຫຼອດ ໄປແມ່ຍິງລາວທຸກຄົນບໍ່ຄວນປະປ່ອຍວັດທະນະທຳດັ້ງເດີມໃຫ້ໄປກັບການເວລາຈົ່ງພ້ອມກັນນຸ່ງສິ້ນ ສີ້ນທີ່ຈະນຸ່ງນັ້ນບໍ່ວ່າຈະເປັນສີໃດກໍໄດ້ແຕ່ວ່າຕ້ອງ ໃຫ້ສິ້ນມີຫົວ ແລະມີຕີນພ້ອມຖ້າໃຜນຸ່ງສິ້ນບໍ່ມີຫົວ ແລະຕີນນັ້ນຕາມປະເພນີລາວບູຮານເພິ່ນຈະຖືວ່າຜູ້ຍິງຄົນນັ້ນເປັນຄົນບໍ່ດີ.
ຂ່າວຈາກ: 