ສຳນັກຂ່າວຕ່າງປະເທດລາຍງານຄວາມຄືບໜ້າ ເຫດການແຜ່ນດິນໄຫວຄັ້ງໃຫຍ່ ຂະໜາດ 7.8 ແມັກນິຈູດ ຍອດຜູ້ເສຍຊີວິດລ່າສຸດແມ່ນ 550 ສົບ ແລະ ຍັງມີຜູ້ສູນຫາຍອີກ 100 ຄົນ ຂະນະທີ່ຜູ້ໄດ້ຮັບບາດເຈັບເພີ້ມຂຶ້ນເປັນ 4,000 ຄົນ ແລະ ຍັງຄົງເກີດອາຟເຕີຊ໋ອກຢູ່ຕໍ່ເນື່ອງ ໂດຍໃນຕອນເຊົ້າຂອງວານນີ້ຕາມເວລາທ້ອງຖິ່ນ ເກີດອາຟເຕີຊ໋ອກຂະໜາດ 6.2 ນອກຊາຍຝັ້ງທະເລ ແຮງສັ່ນສະເທືອນເຮັດໃຫ້ຜູ້ປະສົບໄພແຕກຕື່ນອີກຄັ້ງ ແລະ ໄດ້ເຮັດໃຫ້ປະຕິບັດການຊ່ວຍເຫຼືອຜູ້ລອດຊີວິດຈາກແຜານດິນໄຫວກ່ອນໜ້ານີ້ຍາກລຳບາກຂຶ້ນຕື່ມອີກ.

ຢ່າງໃດກໍ່ຕາມຍັງບໍ່ມີປະກາດເຕືອນໄພສິນາມິ ແລະ ບໍ່ມີລາຍງານຜູ້ເສຍຊີວິດເພີ້ມ ຫຼື ຄວາມເສຍຫາຍໃໝ່ໆ ຖ້າມີເຫດການແນວໃດເກີດຂຶ້ນຕື່ມອີກ ທາງເຮົາຈະຟ້າວລາຍງານໃຫ້ຮູ້ທັນທີ

ທາງທີມງານລາວໂພສຕ໌ ຂໍສະແດງຄວາມເສຍໃຈກັບທຸກການສູນເສຍທີ່ເກີດຂຶ້ນໃນເຫດການຄັ້ງນີ້ ແລະ ຂໍສົ່ງກຳລັງໃຈໃຫ້ຊາວເອກົວດໍຜ່ານພົ້ນວິກິດດັ່ງກ່າວນີ້ໄປດ້ວຍດີໃດ້ໄວໆນີ້.