ວ່ານຫາງແຂ້
ມີສັບພະຄຸນໃນການທຳລາຍເຊື້ອໂຣກ ແລະ ລະລາຍສານພິດ (neutralization) ຂອງເຊື້ອໂຣກ ໂດຍຊອຍວ່ານຫາງແຂ້ເປັນທ່ອນຍາວປະມານ 2-3 ຊມ ລ້າງຢາງອອກໃຫ້ໝົດ ເໜັບໄວ້ໃນແຂ້ວ ໃຫ້ແຂ້ວຂົບໃນບໍລິເວນທີ່ປວດ ຫຼື ໃຊ້ໄມ້ຜັນສຳລີຈຸ່ມວຸ້ນວ່ານຫາງແຂ້ແລ້ວຍັດໃສ່ບໍລິເວນທີ່ປວດ ຈະຊ່ວຍບັນເທົາອາການປວດແຂ້ວໄດ້ຊົ່ວຄາວ
ດອກດາວເຮືອງ
ໃຊ້ດອກແຫ້ງປະມານ 7-8 ດອກ ຕົ້ມກັບນ້ຳສະອາດໃນປະລິມານທີ່ເໝາະສົມ ດື່ມນ້ຳຕົ້ມດອກດາວເຮືອງນີ້ໝົດມື້ ເພື່ອແກ້ອາການເຈັບແຂ້ວ.
ຜັກບົ້ງນາ
ນຳຮາກສົດຂອງຜັກບົ້ງນາປະມານ 10 ຂີດ ຕຳໃຫ້ລະອຽດແລ້ວຄັ້ນເອົາແຕ່ນ້ຳ ປະສົມກັບນ້ຳສົ້ມສາຍຊູ ອົມປະໄວ້ປະມານ 5 ນາທີ ແລ້ວບ້ວນອອກດ້ວຍນ້ຳສະອາດ.
ດອກຜັກບົ່ວໃບ
ກໍລະນີເຈັບແຂ້ວເພາະແມງກິນ ໃຫ້ເດັດເອົາດອກມັນມາຄົ້ວໃຫ້ດຳ ຈາກນັ້ນນຳມາບົດໃຫ້ລະອຽດລະລາຍໃນນ້ຳມັນຢາງແລ້ວເອົາສຳລີຈຸ່ມ ແລ້ວນຳມາຍັດໃສ່ແຂ້ວທີ່ເປັນຮູ ປະໄວ້ໜຶ່ງຄືນ ຈະສາມາດຂ້າຕົວແມງທີ່ກິນແຂ້ວໄດ້.
ທີ່ມາຈາກ: http://www.naarn.com/