spot_img
Homeຂ່າວຕ່າງປະເທດລາຄາ​ນໍ້າມັນ​ລົງ ຫຼັງ​ກຸ່ມ​ປະ​ເທດ​ຜູ້​ຜະລິດ​ນໍ້າມັນ​ລາຍ​ໃຫຍ່​ຍັງ​ບໍ່ລະບຸ​ຂໍ້​ຕົກລົງ ​ຈຳກັດ​ປະລິມານ​ການ​ຜະລິດ

ລາຄາ​ນໍ້າມັນ​ລົງ ຫຼັງ​ກຸ່ມ​ປະ​ເທດ​ຜູ້​ຜະລິດ​ນໍ້າມັນ​ລາຍ​ໃຫຍ່​ຍັງ​ບໍ່ລະບຸ​ຂໍ້​ຕົກລົງ ​ຈຳກັດ​ປະລິມານ​ການ​ຜະລິດ

Published on

ລາຄາ​ນໍ້າມັນ​ຕົກ ​ໃນ​ການ​ຊື້​ຂາຍ​ທີ່​ຕະຫຼາດ​ອາຊີ​ວັນ​ຈັນ ຫຼັງ​ຈາກ​ກຸ່ມ​ປະ​ເທດ​ຜູ້​ຜະລິດ​ນໍ້າມັນ​ລາຍ​ໃຫຍ່​ຂອງ​ໂລກ​ຍັງ​ບໍ່​ສາມາດ​ບັນລຸ​ຂໍ້​ຕົກລົງ​ເລື່ອງ​ຈຳກັດ​ປະລິມານ​ການຜະລິດ​ ​ເນື່ອງ​ຈາກ​ການ​ສະໜອງ​ນໍ້າມັນ​ລົ້ນ​ຕະຫຼາດ ​ເຮັດ​ໃຫ້​ເກີດ​ຄວາມ​ກັງວົນ​ວ່າ ລາຄາ​ນໍ້າມັນ​ຈະ​ຫຼຸດ​ລົງ​ອີກ.

ກ່ອນ​ໜ້ານີ້ ປະ​ເທດ​ສະມາຊິກ​ອົງການ​ກຸ່ມ​ປະ​ເທດ​ຜູ້​ສົ່ງ​ອອກ​ນໍ້າມັນ (​ໂອ​ເປັກ) ​ແລະຜູ້​ຜະລິດ​ນໍ້າມັນ​ລາຍ​ໃຫຍ່​ຂອງ​ໂລກ​ນອກ​ກຸ່ມ​ໂອ​ເປັກ​ເຊັ່ນ ຣັສ​ເຊຍ ມີ​ຄວາມ​ຫວັງ​ວ່າ​ຈະ​ຫາ​ຂໍ້​ສະຫຼຸບ​ໃນ​ການ​ຈຳກັດ​ປະລິມານ​ການ​ຜະລິດ​ນໍ້າມັນ​ໃນ​ການ​ປະຊຸມ​ທີ່​ນະຄອນ​ໂດ​ຮາ​ຂອງ​ກາ​ຕາ​ເມື່ອ​ວັນ​ອາທິດ​ທີ່​ຜ່ານ​ມາ ຫຼັງ​ຈາກ​ລາຄາ​ນໍ້າມັນ​ຕົກລົງ​ແຕ່​ລະດັບ​ຕໍ່າ​ສຸດ​ໃນ​ຮອບ 13 ປີ ​ເມື່ອ​​ເດືອນ​ກຸມພາ ​ແຕ່​ຊາ​ອຸ​ດິອາຣະບີອອກ​ຈາກ​ການ​ເຈ​ລະ​ຈາ ​ເນື່ອງ​ຈາກ​ອີຣານບໍ່​ຍອມ​ເຂົ້າ​ຮ່ວມ​ຈຳກັດ​ການ​ຜະລິດ​ໃນ​ການ​ປະຊຸມ​ນຳ ລາຄາ​ນໍ້າມັນ​ດິນ​ສະຫະລັດ ມື້​ນີ້ ງວດ​ເດືອນ​ພຶດສະພາ​ຫຼຸດ​ລົງ 1,70 ​ໂດ​ລາ ຫຼື 4,21% ມາຢູ່​ທີ່ 38,66 ​ໂດ​ລາ​ຕໍ່​ບາ​ເຣລ ສ່ວນ​ນໍ້າມັນ​ດິບ​ເບຣນ​ເດືອນ​ມິຖຸນາ ຫຼຸດລົງ 3,94% ລົງ​ມາ​ທີ່ 41,40 ​ໂດ​ລາ.

ນັກວິ​ເຄາະ​ດ້ານ​ກົນລະຍຸດ​ການ​ຕະຫຼາດ​ບໍລິສັດ​ໄອ​ຈີ​ມາ​ເກັດ​ສິງກະ​ໂປກ່າວ​ວ່າ ກ່ອນ​ໜ້າ​ນີ້​ມີ​ຄວາມ​ຫວັງ​ກັນ​ຫຼາຍ​ວ່າ​ທີ່​ປະຊຸມ​ຈະ​ໄດ້​ຮັບ​ຂໍ້​ສະຫຼຸບ​ຈຳກັດ​ການ​ຜະລິດ​ນໍ້າມັນ ​ແຕ່​ຈົນ​ເຖິງ​ຂະນະ​ນີ້​ຍັງ​ບໍ່​ມີ​ຄວາມ​ຄືບ​ໜ້າ​ເພື່ອ​ຊວ້ານຊູຕະຫຼາດ​ນໍ້າມັນ.

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...