ຂົວ​ເຊ​ໂດນ 3 ເມືອງ​ປາກ​ເຊ ແຂວງ​ຈຳປາ​ສັກ​ ໄດ້​ໄຂ​ນຳ​ໃຊ້ຢ່າງ​ເປັນ​ທາງ​ການ​ໃນ​ວັນ​ທີ 10 ເມສາ 2016 ໂດຍ​ມີ​ທ່ານ ທອງ​ສິງ ທຳ​ມະ​ວົງ ນາຍົກລັດຖະມົນຕີ ແຫ່ງ ​ສປປ ລາວ ທ່ານ ​ດຣ. ບຸນ​ຖອງ ດີ​ວິ​ໄຊ ເຈົ້າແຂວງ​ຈຳປາ​ສັກ ບັນດາ​ລັດ​ຖະມົນຕີ​ກະຊວງ​ກ່ຽວຂ້ອງ ​ພ້ອມດ້ວຍ​ຄະນະ​ບໍລິຫານ​ບໍລິສັດ​ ລາວເວີນ​ອະສັງຫາລິມະ​ຊັບ ແລະ ແຂກ​ຖືກ​ເຊີນທັງ​ສູນ​ກາງ ແລະ ທ້ອງຖິ່ນ​ເຂົ້າ​ຮ່ວມ.

ທ່ານ ສັກ​ໄຊ ວົງ​ມາລາ​ສິດ ປະທານ​ບໍລິສັດ ​ລາວ​ເວີນ​ອະ​ສັງຫາ​ລິ​ມະ​ຊັບ​ ໄດ້​ກ່າວ​ວ່າ: ບໍລິສັດ ລາວ​ເວີນ​ອະສັງຫາລິມະ​ຊັບ ​ໄດ້ຮັບ​ອະນຸຍາດ​ຈາກ​ອຳນາດ​ການປົກຄອງ​ແຂວງ​ຈຳປາ​ສັກ ກໍ່​ຄືລັດຖະບານ​ແຫ່ງ ​ສປປ ລາວ ໃຫ້ລົງມື​ກໍ່ສ້າງ​ຂົວ​ຂ້າມ​ນ້ຳ​ເຊ​ໂດນ 3 ເພື່ອ​ແທນ​ຂົວ​ເກົ່າ​ທີ່​ມີ​ສະພາບ​ເປ່ເພ ບໍ່​ສະດວກ​ໃນ​ການ​ສັນຈອນ ໂດຍ​ການ​ກໍ່ສ້າງ​ໄດ້​ເລີ່ມ​ລົງມື​ມາແຕ່​ຕົ້ນ​ປີ 2014 ໃນ​ຮູບ​ແບບ​ລົງທຶນ​ກ່ອນ 100% ເບື້ອງ​ຕົ້ນ​ຂົວເຊ​ໂດນ 3 ແມ່ນ​ມີ​ຄວາມ​ກວ້າງພຽງ 11 ແມັດ ຍາວ 232 ແມັດ ມີ​ຊ່ອງ​ທາງ​ການ​ສັນຈອນ 2 ເລນ ມູນ​ຄ່າ​ປະມານ 115 ຕື້​ກີບ ແຕ່​ຍ້ອນ​ເຫັນ​ວ່າ​ເສັ້ນທາງ​ໃນ​ເທສະ​ບານ​ເມືອງ​ປາກ​ເຊ ເປັນ​ທາງ 6 ເລນ 8 ເລນ ຈຶ່ງ​ໄດ້ສະເໜີ​ມີ​ການ​ປັບປຸງ​ແກ້​ໄຂ​ໃໝ່ ໂດຍ​ໄດ້​ຍົກ​ລະດັບ​ຄວາມ​ກວ້າງເປັນ 17 ແມັດ ຊ່ອງ​ທາງ​ການສັນຈອນ 4 ເລນ​ທີ່​ມີ​ຄວາມ​ທັນສະໄໝ​ ປະກອບ​ດ້ວຍ​ທາງ​ຍ່າງສອງ​ຟາກ ມີ​ລະບົບ​ດອກໄຟ​ຟ້າເຍືອງ​ທາງ​ຄົບ​ຊຸດ.

ແຫລ່ງຂ່າວ: