Homeຊີວິດແລະຄວາມຮັກເຫດເກີດ ຈາກ ຄວາມຮັກ

ເຫດເກີດ ຈາກ ຄວາມຮັກ

ຊີວິດແລະຄວາມຮັກ

Published on

By ບຸດສະດີ ສາຍນ້ຳມັດ
2097

ຊີວິດ ແລະ ຄວາມຮັກ ກັບລາວໂພສຕ໌ວັນນີ້ເຮົາຈະມາເວົ້າໃນຫົວຂໍ້ ເຫດເກີດ ຈາກ ຄວາມຮັກ ຕອນ “ເຮັດບຸນແນວໃດໃຫ້ສົມຫວັງໃນຮັກ” ເຊິ່ງມັນອາດແຕກຕ່າງຈາກຫົວຂໍ້ທີ່ມເຄີຍຂຽນຜ່ານມາ ເພາະຜູ້ອ່ານຈະໄດ້ເຂົ້າໃຈກ່ຽວກັບການເຮັດບຸນເພື່ອຂໍຄວາມຮັກຢ່າງທ່ອງແທ້ ເນື້ອຫາໃນເລື່ອງນີ້ມີການນຳທຳມະເຂົ້າ ເຊິ່ງເຮົາກໍ່ມາອ່ານກັນເລີຍ

ຕອນ “ເຮັດບຸນແນວໃດໃຫ້ສົມຫວັງໃນຮັກ”

ມີຄວາມເຊື່ອທີ່ເຂົ້າໃຈແບບຜິດໆທີ່ເຫັນກັນເລື່ອຍໆຄື ການເຮັດບຸນຊື້ຄວາມຮັກ

ປະໂຫຍກນີ້ອາດບໍ່ເຄີຍມີໃຜເຄີຍໄດ້ຍິນ ແຕ່ຖ້າຖາມວ່າໃຜແນ່ທີ່ເຄີຍຊື້ພວງມະໄລ, ດອກໄມ້ທູບທຽນ, ຊື້ເຄື່ອງໄປເຮັດບຸນເຮັດທານ ເມື່ອ ຖວາຍໃຫ້ພຣະແລ້ວ ເອົາມືຕົວເອງນົບແລ້ວອະທິຖານວ່າ ສາທຸ!… ຂໍໃຫ້ຂະນ້ອຍພົບເນື້ອຄູ່, ຂໍໃຫ້ຂະນ້ອຍມີຄວາມຮັກທີ່ສົມຫວັງ ແລະ ອື່ນໆ ແບບນີ້ທ່ານຟັງເບິ່ງຄຸ້ນໆຫູບໍ່

ຖ້າຄົນເຮົາຂໍຄົນຮັກ ຄວາມຮັກດີໆກັນໄດ້ງ່າຍຄືການໃຊ້ ບັດ ATM ຊອດໃສ່ຕູ້ຖອນເງິນກົດໆແລ້ວເງິນກໍ່ໄຫລອອກມາໂລດກໍ່ຄົງຈະດີ ແຕ່ບາງຄົນຂໍໄປເທົ່າໃດກໍ່ບໍ່ເຄີຍໄດ້ຄືນກັບມາຈັກເທື່ອ ເລີຍຫລົງຜິດໄປເຮັດພິທີກຳຕ່າງໆນາໆ ເພື່ອໃຫ້ໄດ້ຄວາມຮັກມາຄອບຄອງ.

ການເຮັດບຸນນັ້ນຊ່ວຍນຳສິ່ງດີໆເຂົ້າມາໃນຊີວິດແທ້ ຊ່ວຍເພີ່ມໂອກາດໃຫ້ເຮົາມີຮັກທີ່ດີໄດ້ແທ້ ແລະ ເຮັດໃຫ້ເຮົາສາມາດຢູ່ຮ່ວມກັບຄົນທີ່ເຮົາຮັກໄດ້ແທ້ຈິງ ແຕ່ຕ້ອງເຮັດໃຫ້ຖືກວິທີ 

ການເຮັດທານເພື່ອຊ່ວຍເລື່ອງຄວາມຮັກເຮັດໄດ້ແນວໃດ?

ຄົນທີ່ເຮັດທານເປັນ ຫຼື ຄົນທີ່ຮູ້ຈັກໃຫ້ ຈະເຂົ້າໃຈວ່າເວລາເຮັດທານ ເວລາໃຫ້ນັ້ນເປັນແນວໃດ ການເຮັດບຸນທີ່ຖືກໝາຍເຖິງການສະຫຼະສິ່ງທີ່ເປັນຂອງຕົນ ເພື່ອໃຫ້ຄວາມສຸກແກ່ຄົນອື່ນ ໃຈທີ່ເສຍສະຫຼະນັ້ນເປີດກ້ວາງ ປາດສະຈາກຄວາມເຫັນແກ່ຕົວ ໃຜຢູ່ໃກ້ກໍ່ຮູ້ສຶກຮົ່ມເຢັນ ມີຄວາມສຸກ ມີສະເໜ່  “ໃຈຂອງຄົນທີ່ຮູ້ຈັກໃຫ້ຄືໃຈຂອງຄົນທີ່ຮູ້ຈັກຮັກ” ຄົນແບບນີ້ທ່ານວ່າໜ້າຮັກບໍ່?

ການພາວະນາຊ່ວຍເລື່ອງຄວາມຮັກແນວໃດ?

ການພາວະນານັ້ນເປັນບຸນໃຫຍ່ ເພາະການພາວະນາເປັນການສອນໃຫ້ໃຈເຫັນຄວາມຈິງ ຊ່ວຍໃຫ້ຈິດໃຈມີຄວາມໜັກແໜ້ນໝັ້ນຄົງ ມີນິໃສສະຫງ່ຽມຄ່ຽມຄົມ ຄື ມີຄວາມອົດທົນນັ້ນຍ່ອມຊ່ວຍໃຫ້ຮັກສາຄວາມຮັກໄວ້ໄດ້ດີ.

ເມື່ອໃຈຮູ້ຈັກໃຫ້ຮູ້ຈັກຮັກ ທ່ານກໍ່ມີສະເໜ່ ເມື່ອໃຈດີແລ້ວກໍ່ດຶງດູດສິ່ງດີໆເຂົ້າມາ ເມື່ອໃຈມີປັນຍາ ກໍ່ເຮັດໃຫ້ຮູ້ຈັກເລືອກຄົນຮັກທີ່ດີເພື່ອຢູ່ກັນຢ່າງມີຄວາມສຸກ

ການເຮັດບຸນຖ້າຕັ້ງໃຈໄວ້ຜິດ ເຮັດດ້ວຍຄວາມໂລບຢາກໄດ້ພຽງຢ່າງດຽວ ມັນຈະເປັນເຫດເຮັດໃຫ້ຕ້ອງຜິດຫວັງຊ້ຳໆ ຕະຫຼອດໄປ.

ບົດຄວາມຫຼ້າສຸດ

ຂ່າວພາຍ​ໃນ

ແຂວງອັດຕະປື ຮັບຮອງຜົນປະເມີນມາດຕະຖານພົ້ນທຸກ ປີ 2025 ພ້ອມວາງເປົ້າໝາຍສູ້ຊົນຮອດປີ 2030.

ແຂວງອັດຕະປື ໄດ້ຮັບຮອງຜົນການປະເມີນມາດຕະຖານພົ້ນທຸກ ແລະ ມາດຕະຖານພັດທະນາ ທ້າຍສະໄໝປີ 2025 ທົ່ວແຂວງ ພົບວ່າ: ມີຄອບຄົວພົ້ນທຸກ 30,838 ຄອບຄົວ (ກວມ 88.32%). ບ້ານພົ້ນທຸກ...
ຂ່າວພາຍ​ໃນ

ກອງປະຊຸມພົບປະ ແລະ ເຮັດວຽກລະຫວ່າງ ກະຊວງໂຍທາທິການ ແລະ ຂົນສົ່ງ ແລະ ອົງການປົກຄອງແຂວງຜົ້ງສາລີ

ໃນວັນທີ 28 ຕຸລາ 2026 ທີ່ຫ້ອງວ່າການປົກຄອງແຂວງຜົ້ງສາລີທ່ານເຫຼັກໄຫຼ ສີວິໄລ ລັດຖະມົນຕີກະຊວງ ໂຍທາທິການ ແລະຂົນສົ່ງ ພ້ອມຄະນະ ເຂົ້າຮ່ວມປະຊຸມປຶກສາຫາລືວຽກງານນຳການນຳແຂວງຜົ້ງສາລີ ໂດຍການຕ້ອບຮັບຂອງພົນຕີ ສົມພອນ ມິດຕະພອນເລຂາພັກແຂວງປະທານສະພາປະຊາຊົນແຂວງຜົ້ງສາລີ,...
ຂ່າວພາຍ​ໃນ

ກອງປະຊຸມລັດຖະບານສະໄໝສາມັນ ປະຈຳເດືອນຕຸລາ 2026 ສະຫຼຸບສະພາບພົ້ນເດັ່ນ ແລະ ວຽກງານຈຸດສຸມຮີບດ່ວນ

ໃນຕອນແລງຂອງວັນທີ 23 ຕຸລາ 2026 ທ່ານ ປອ. ຄໍາຜາ ພິມມະສອນ, ຮອງລັດຖະມົນຕີ, ຮອງຫົວໜ້າຫ້ອງວ່າການສຳນັກງານນາຍົກລັດຖະມົນຕີ ໄດ້ຖະແຫຼງຂ່າວ ຕໍ່ສື່ມວນຊົນ ກ່ຽວກັບຜົນກອງປະຊຸມລັດຖະບານສະໄໝສາມັນ ປະຈຳເດືອນຕຸລາ...
ຂ່າວພາຍ​ໃນ

ຍົກສູງຊີວິດ ການເປັນຢູ່ຂອງປະຊາຊົນແຂວງຈໍາປາສັກ ໃຫ້ຫຼຸດພົ້ນອອກຄວາມທຸກຍາກເທື່ອລະກ້າວ

ໃນໄລຍະປີຜ່ານມາ ສະພາປະຊາຊົນ ເຂດເລືອກຕັ້ງທີ 15 ແຂວງຈໍາປາສັກ ໄດ້ເອົາໃຈໃສ່ປະຕິບັດ ພາລະບົດບາດຂອງຕົນຢ່າງຕັ້ງໜ້າ ໂດຍສະເພາະສຸມໃສ່ການຍົກສູງຄຸນນະພາບວຽກງານນິຕິບັນຍັດ, ການພິຈາລະນາຕົກລົງບັນຫາສຳຄັນຂອງຊາດ, ການຕິດຕາມກວດກາການປະຕິບັດກົດໝາຍ ແລະ ການແກ້ໄຂຄຳສະເໜີຂອງປະຊາຊົນ ອັນເປັນການປະກອບສ່ວນຊຸກຍູ້ການພັດທະນາເສດຖະກິດ-ສັງຄົມ ແລະ...