ເມື່ອວັນທີ 4 ເມສາທີ່ຜ່ານມາ ທີ່ໂຮງແຮມເມີກຽວ ນະຄອນຫຼວງວຽງຈັນໄດ້ ສະຫະພັນຣັກບີ້ແຫ່ງຊາດລາວ ໄດ້ຖະແຫຼ່ງຂ່າວກຽມສົ່ງທັບນັກກີລາຣັບບິ້ທັງທີມຊາຍ ແລະ ທີມຍິງ ເຂົ້າຮ່ວມການແຂ່ງຂັນກີລາຣັບບີ້ ໃນລາຍການ ເຊເບີ ເກົາລູນຣັກບີ້ເຟັດ ທີ່ຮົງກົງ ສປ ຈີນລະຫວ່າງວັນທີ 6-8 ເມສານີ້ ເພື່ອເປັນການອຸ່ນເຄື່ອງກະກຽມຄວາມພ້ອມ ກ່ອນເຂົ້າຮ່ວມແຂ່ງຂັນໃນລາຍການຊີງແຊັມອາຊຽນຢ່າງ ຊີ ເຊເວັນ ທີ່ປະເທດສິງກະໂປ ນລະຫວ່າງວັນທີ 15-16 ເມສານີ້.

ສໍາລັບ ການເດີນທາງຄັ້ງນີ້ ລວມມີທັງໝົດ 13 ຜູ້ຫຼິ້ນທີ່ດີທີ່ສຸດຂອງທີມຊາຍທີ່ມາຈາກສະໂມສອນວຽງຈັນໝູ່ປ່າ ແລະ ຄວາຍວຽງຈັນ ສ່ວນອີກ 11 ຜູ້ຫຼິ້ນທີມຍິງ ມາຈາກສະໂມສອນວຽງຈັນສິງ
ລາຍການ ເກົາລູນຣັກບີ້ເຟັດ ເປັນລາຍການສະເຫຼີມສະຫຼອງວັນເທສະການຂອງຮົງກົງ ໂດຍທີມຜູ້ຍິງຈະໄດ້ແຂ່ງຂັນປະເພດ 10 ຄົນພົບກັບ ສະໂມສອນຣັກບີ້ ຮົງກົງ, ຂະນະທີ່ ທີມຊາຍແມ່ນແຂ່ງປະເພດ 7 ຄົນພົບກັບທີມ ໂອເຫັດ ຣັກບີ້ ຢູ່ສະໜາມ ແຮັບປີ້

ຂ່າວຈາກ: ຂ່າວເສດຖະກິດ-ການຄ້າ Lao Economic Daily