ເພສ ສຳຫຼວດໂລກໄດ້ເຜີຍພາບເດັກນ້ອຍ Hope ເດັກຊາຍໄວອາຍຸ 2 ປີ ຊາວໄນຈີເຣຍ ໃນພາບທີ່ຖືກພໍ່ແມ່ຖີ້ມ ຈົນກາຍເປັນເດັກພະເນຈອນມີຮ່າງກາຍຈ່ອຍແຫ້ງເຫຼືອພຽງໜັງຫຸ້ມກະດູກ ກ່ອນຈະເກີດເຫັນພາບປະທັບໃຈເມື່ອມີອາສາສະໝັກຊາວເດັນມາກຣ໌ Anja Ringgren Loven ໄດ້ຍື່ນນ້ຳໃຫ້ດື່ມກ່ອນຈະເປັນຈຸດທີ່ນາງຈະໄດ້ຮັບເດັກຊາຍຄົນນີ້ໄວ້ດູແລເມື່ອທ້າຍເດືອນມັງກອນທີ່ຜ່ານມາ.
ເຊິ່ງຫຼັງຜ່ານໄປ 8 ອາທິດເດັກຊາຍ ໂຮບມີຮ່າງກາຍທີ່ແຂງແຮງແຕກຕ່າງຈາກໃນພາບທຳອິດຢ່າງຊັດເຈນ ແຖມລາວຍັງມີຄວາມສຸກຫຼາຍຂຶ້ນ
ຄົນທົ່ວໂລກແຫ່ແຊຣ໌ພາບ ອາສາສະໝັກສາວຊ່ວຍເດັກນ້ອຍຮ່າງກາຍຈ່ອຍແຫ້ງໃນໄນຈີເຣຍ ຫຼັງຖືກກ່າວຫາວ່າເປັນພໍ່ມົດ
ສຳນັກຂ່າວຕ່າງປະເທດໄດ້ມີການລາຍງານວ່າ ເວລານີ້ຜູ້ຄົນທົ່ວໂລກໄດ້ມີການສົ່ງຕໍ່ພາບຈາກເຟສບຸກຂອງ Anja Ringgren Lovén ອາສາສະໝັກສາວຈາກອົງກອນດ້ານສິດທິມະນຸດ ທີ່ນາງໄດ້ໃຫ້ນ້ຳດື່ມແກ່ເດັກນ້ອຍຊາຍຊາວໄນຈີເຣຍ
ໂດຍມີຂໍ້ຄວາມເຜີຍວ່າ ຕະຫຼອດເວລາ 3 ປີ ທີ່ໄດ້ເປັນອາສາສະໝັກຢູ່ເຂດພື້ນທີ່ດັ່ງກ່າວ ນາງໄດ້ພົບວ່າມີເດັກນ້ອຍນັບພັນຄົນຖືກກ່າວຫາວ່າເປັນພໍ່ມົດ-ແມ່ມົດ ແລະ ນາງໄດ້ເຫັນເດັກນ້ອຍຖືກທໍລະມານຈົນຕາຍ ຫຼື ບໍ່ກໍ່ຕ້ອງຕົກຢູ່ໃນສະພາບເວດທະນາ ນາງຈິ່ງຄິດວ່າຕ້ອງຕໍ່ສູ້ຊ່ວຍເຫຼືອ ຈິ່ງໄດ້ໂພສຕ໌ພາບໃນຄົນທົ່ວໂລກໄດ້ເຫັນ ແລະ ຮ່ວມຕໍ່ສູ້ໄປກັບນາງດ້ວຍ ເພື່ອເດັກນ້ອຍເຫຼົ່ານີ້ຈະໄດ້ບໍ່ຕ້ອງຕົກເປັນເຫຍື່ອອີກຕໍ່ໄປ.
ທັງນີ້ເມື່ອພາບດັ່ງກ່າວໄດ້ຖືກເຜີຍແຜ່ອອກໄປເຮັດໃຫ້ມີຄົນເຂົ້າໄປສະແດງຄວາມເຫັນ ໂດຍສ່ວນຫຼາຍຊື່ນຊົມອາສາສະໝັກສາວພ້ອມທັງຍົກໃຫ້ເປັນຄວາມຫວັງຂອງເດັກນ້ອຍໃນພື້ນທີ່ດັ່ງກ່າວ.
ແຫລ່ງຂ່າວຈາກ: ເັວບໄຊ໌ ນີສເອັມໄທ.ຄອມ