spot_img
Home​ຂ່າວທ່ອງທ່ຽວກຳແພງຫີນບູຮານ ແຂວງຄຳມ່ວນ

ກຳແພງຫີນບູຮານ ແຂວງຄຳມ່ວນ

Published on

ແຂວງ ຄຳມ່ວນ ຕັ້ງຢູ່ຫ່າງຈາກນະຄອນຫຼວງວຽງຈັນມາທາງພາກໃຕ້ປະມານ 350 ກິໂລແມັດ ເປັນສູນກາງຂອງການເດີນທາງ ແລະ ເປັນທ່າດ່ານທີ່ສຳຄັນອີກດ່ານໜຶ່ງ, ແຂວງຄຳມ່ວນ ມີເມືອງເອກຄືເມືອງທ່າແຂກ ເປັນແຂວງທີ່ມີຂົວມິດຕະພາບລາວ-ໄທ ແຫ່ງທີສາມ ແລະ ເປັນແຂວງທີ່ມີຄວາມສຳຄັນທາງປະຫວັດສາດຂອງລາວ ໃນອະດີດຊ່ວງສັດຕະວັດທີ 5.

ສະຖານທີ່ທ່ອງທ່ຽວຂອງແຂວງສ່ວນຫຼາຍຈະເປັນຖ້ຳຕ່າງໆເຊັ່ນ: ຖ້ຳກອງລໍ, ຖ້ຳໜອງປາຝາ ຫຼື ຖ້ຳພຣະ, ພະທາດສີໂຄດຕະບອງ ເປັນຕົ້ນ ແຕ່ຄົນສ່ວນຫຼາຍຍັງບໍ່ຮູ້ວ່າຄຳມ່ວນຍັງມີສະຖານທີ່ທ່ອງທ່ຽວທີ່ໜ້າສົນໃຈແຫ່ງອື່ນໆອີກເຊັ່ນ: ກຳແພງຍັກບູຮານ, ເຮືອລະເບີດ…

ທ່ອງທ່ຽວໄປກັບລາວໂພດສຕ໌ວັນນີ້ຈະພາທຸກຄົນໄປຮູ້ຈັກກັບ “ກຳແພງຍັກບູຮານ” ກຳແພງຫີນບູຮານ ຫຼື ກຳແພງຍັກ ຕັ້ງຢູ່ທາງຫຼວງໝາຍເລກ 13 ລະຫວ່າງເສັ້ນທາງທ່າແຂກໄປຫາວຽງຈັນ ໃກ້ຫຼັກເຂດ ກມ.8 ທາງເຂົ້າມາກຳແພງຫີນມີປ້າຍນ້ອຍ ບອກວ່າໄປຖ້ຳແມ່ພຣະມາຣີອາແຫ່ງເມືອງລູກ ທາງເສັ້ນທາງທັງສອງຝາກເຂົ້າແຄມທາງຈະມີຕົ້ນໄມ້ໃຫຍ່ເປັນປ່າເຂົ້າໄປ.

1410822085-image-o

ກຳແພງຍັກ ກໍ່ຄື ກຳແພງຫີນສູງໃຫຍ່ ແລະ ຍາວໄປຕາມແນວທາງ ມີຄວາມຍາວເຖິງ 15 ກິໂລແມັດ ແລະ ສູງບໍ່ຕ່ຳກ່ວາ 5 ແມັດ ສ້າງຂຶ້ນໃນສັດຕະວັດທີ 9 ໃນສະໄໝອານາຈັກສີໂຄດຕະບອງ. 

ອີກດ້ານໜຶ່ງຂອງກຳແພງຍັກ ມີຖ້ຳນ້ອຍໆ ເປັນສະຖານທີ່ຈຳລອງຖ້ຳພຣະແມ່ເມືອງລູຣດ໌ ຂ້າງໆກັນມີຂັ້ນໄດຂຶ້ນໄປຫາຖ້ຳນ້ອຍໆ ຢູ່ເຖິງທີ່ມີຮູບປັ້ນພຣະແມ່ມາຣິອາປະທັບຢູ່ ເຊິ່ງເປັນສິ່ງສັກສິດທີ່ຄົນທີ່ອາໄສຢູ່ໃນບໍລິເວນນີ້ຕ້ອງມາກາບໄຫວ້ບູຊາເປັນປະຈຳ ລວມທັງນັກທ່ອງທ່ຽວທີ່ມາກໍ່ເຊັ່ນດຽວກັນ.

ເປັນຄວາມມະຫັດສະຈັນຢ່າງເຫຼືອເຊື່ອ ແລະ ຍັງບໍ່ທັນມີໜ່ວຍງານໃດສາມາດພິສູດໄດ້ວ່າ ເປັນສີມືຂອງມະນຸດ, ຍັກໃນຕຳນານ ຫຼື ທຳມະຊາດສ້າງຂຶ້ນເອງ ເພາະຂະໜາດທີ່ໃຫຍ່ຂອງກ້ອນຫີນທີ່ລຽງກັນຂື້ນເປັນຊັ້ນໆຈົນກາຍເປັນກຳແພງ.

ນີ້ເປັນຄວາມມະຫັດສະຈັນທີ່ຍັງຄົງຢູ່ໃນການສົງໃສຂອງຜູ້ຄົນທີ່ເຄີຍມາທ່ຽວຊົມ ແລະ ໃນຊີວິດໜຶ່ງທ່ານຕ້ອງຫາໂອກາດມາທ່ຽວສະຖານທີ່ແຫ່ງນີ້ໃຫ້ໄດ້.

 

ຂອບໃຈຂໍມູນຈາກ: ໂອເຄເນເຊິນ.ເນັດ

ສັງລວມຂໍ້ມູນໂດຍ: ລາວໂພສຕ໌.ຄອມ

 

ບົດຄວາມຫຼ້າສຸດ

ງົດງາມທີ່ສຸດຈາກທົ່ວໂລກ ຕາດກວາງຊີ ແຂວງຫຼວງພະບາງ ຖືຈັດຢູ່ໃນ 21 ນໍ້າຕົກທີ່ສວຍງາມຈາກທົ່ວໂລກ ປີ 2025

ວາລະສານ ການທ່ອງທ່ຽວຊື່ດັງຂອງໂລກ Travel + Leisure ໄດ້ຈັດອັນດັບ Top 21 Most Beautiful Waterfalls in the World...

ໄທເລີ່ມປະຕິບັດແລ້ວ ທະນາຄານເລີ່ມປາບປາມຂະບວນການບັນຊີມ້າ ຖ້າກວດພົບຄວາມສົງໄສ ຈະອາຍັດບັນຊີທັນທີ

ບັນຊີມ້າແມ່ນບັນຊີທະນາຄານທີ່ຖືກນໍາໃຊ້ໂດຍອາດຊະຍາກອນ ເພື່ອເກັບເງິນ ຫຼື ຟອກເງິນທີ່ໄດ້ມາແບບຜິດກົດໝາຍ ແມ່ນບັນຊີທີ່ຖືກຈ້າງໃຫ້ເປີດ ຫຼື ຖືກລັກຂໍ້ມູນໄປໃຊ້ ເພື່ອເປັນທາງຜ່ານຂອງເງິນທີ່ໄດ້ມາຈາກການກະທຳຜິດກົດໝາຍ ລວມທັງການພະນັນ. ໃນຊ່ວງໜຶ່ງອາທິດທີ່ຜ່ານມາ ທາງທະນາຄານເເຫ່ງປະເທດໄທ ເລີ່ມກວດສອບ ແລະ ລົງມືປະຕິບັດຢ່າງເຂັ້ມງວດ ໃນການອາຍັດບັນຊີມ້າ...

ຄວາມຫວັງໃໝ່ຂອງເນປານ ແຕ່ງຕັ້ງລັດຖະມົນຕີຄົນໃໝ່ ໂດຍຈະປະຕິບັດໜ້າຮັກສາການ 6 ເດືອນ

ພາຍຫຼັງຄວາມວຸ່ນວາຍຂອງເຫດການປະທ້ວງໃນປະເທດເນປານ ເຮັດໃຫ້ອະດີດນາຍຍົກລັດຖະມົນຕີໄດ້ລາອອກ ພ້ອມທັງເດີນທາງອອກນອກປະເທດ ນຳພາໃຫ້ເນປານບໍ່ມີຄົນດຳລົງຕໍາເເໜ່ງນາຍົກລັດຖະມົນຕີໃນໄລຍະໜຶ່ງ. ເຊິ່ງໃນວັນທີ 12 ກັນຍາ 2025 ທີ່ຜ່ານມາ, ໄດ້ມີການປະກາດແຕ່ງຕັ້ງ ທ່ານ ນາງ  ສຸຊີລາ ກາກີ ຂຶ້ນຮັບຕໍາແໜ່ງຮັກສາການນາຍົກລັດຖະມົນຕີ...

ສະຫຼົດ! ຊາຍອາຍຸ 26 ປີ (ເສຍຊີວິດ) ຍ້ອນຂັບລົດຕຳງົວ ທີ່ບ້ານວຽງແກ້ວ ເມືອງຈັນທະບູລີ ນະຄອນຫຼວງວຽງຈັນ

ບັນຫາການປ່ອຍສັດຊະຊາຍ ສ່ຽງເຮັດໃຫ້ຄົນອື່ນເກີດອຸບັດຕິເຫດ ເຖິງຂັ້ນເສຍຊີວິດໄດ້. ບັນຫາການປ່ອຍສັດລ້ຽງ (ງົວ, ຄວາຍ, ແບ້, ມ້າ...) ຍັງຄົງຖືກພົບເຫັນເລື້ອຍໆຢູ່ຫຼາຍໆຂົງເຂດ ຕັ້ງແຕ່ເຂດຊານເມືອງຈົນໄປເຖິງໃນເມືອງ. ຈົນກາຍເປັນຄວາມເຄີຍຊິນໄປແລ້ວສຳລັບຜູ້ສັນຈອນໄປມາທີ່ຕ້ອງລະວັງເອງ ແຕ່ບາງຄັ້ງກໍມີອຸບປະຕິເຫດຕາມມາ ເຊັ່ນ: ລົດໃຫຍ່ຕຳງົວ, ລົດຈັກຕຳງົວ,...