ໝູ່ບ້ານລະເບີດ! ບ້ານມົ້ງແຂວງຊຽງຂວາງ - ລາວໂພສຕ໌ Laopost

Click here - to use the wp menu builder

Homeຂ່າວທ່ອງທ່ຽວໝູ່ບ້ານລະເບີດ! ບ້ານມົ້ງແຂວງຊຽງຂວາງ

ໝູ່ບ້ານລະເບີດ! ບ້ານມົ້ງແຂວງຊຽງຂວາງ

ຂ່າວທ່ອງທ່ຽວ

Published on

16/03/2016

By ບຸດສະດີ ສາຍນ້ຳມັດ

3526

1 (2)

ທ່ອງທ່ຽວວັນນີ້ລາວໂພສຕ໌ມີອີກໜຶ່ງສະຖານທີ່ມານຳສະເໜີ ຊື່ອາດບໍ່ຄຸ້ນຫູຂອງຫຼາຍໆທ່ານ ແລະ ບາງຄົນອາດຈະຍັງບໍ່ຮູ້ວ່າທີ່ຊຽງຂວາງມີອີກໜຶ່ງສະຖານທີ່ທ່ຽວທີ່ໜ້າສົນໃຈ ແລະ ຢາກໃຫ້ທຸກຄົນໄດ້ລອງໄປທ່ຽວ.

ໝູ່ບ້ານລະເບີດ ບ້ານມົ້ງແຂວງຊຽງຂວາງ ເປັນໝູ່ບ້ານທີ່ຊາວບ້ານມີລະເບີດຫຼາຍຈົນນຳໄປໃຊ້ໃຫ້ເປັນປະໂຫຍດຕ່າງໆ ນຳໄປເຮັດຮົ້ວ, ເສົາເຮືອນ, ຂອງໃຊ້ໃນຄົວເຮືອນ ໝູ່ບ້ານມົ້ງຕັ້ງຢູ່ແຄມທາງຫຼວງເສັ້ນທາງທີ 7 ໄປທາງຕະເວັນອອກສຽງເໜືອນຂອງໂພນສະຫວັນ 3 ກິໂລແມັດ, ຫາກມາທ່ຽວຊຽງຂວາງເມືອງໂພນສະຫວັນ ຢ່າລືມແວ່ທ່ຽວໝູ່ບ້ານມົ້ງກ່ອນທີ່ຈະໄປທ່ຽວທົ່ງໄຫຫີນ 1 ຮັບຮອງວ່າການເດີນທາງຂອງທ່ານຄັ້ງນີ້ບໍ່ຜິດຫວັງແນ່ນອນ.

ໝູ່ບ້ານລະເບີດນອກຈາກຈະມີລະເບີດແລ້ວທ່ານຍັງຈະໄດ້ເຫັນການດຳລົງຊີວິດຂອງຊາວບ້ານແທ້ໆ ເຊັ່ນການເຮັດນາ, ການລ້ຽງນົກກາງເກ, ເຫັນບັນດາແມ່ຍິງນັ່ງແຊ່ວຜ້າ, ເຫັນເຮືອນຄົວຊາວມົ້ງ, ເຫັນເຄື່ອງໃຊ້ໃນເຮືອນຄົວທີ່ເຮັດຈາກລູກລະເບີດ.

ຊາວເຜົ່າມົ້ງເປັນຄົນທີ່ມີນ້ຳໃຈ, ໃຈດີເໝືອນກັບຊົນເຜົ່າອື່ນໆ ພວກເຂົາຈະປະຕິບັດຕໍ່ແຂກທີ່ໄປຢ້ຽມຢາມດ້ວຍມິດໄມຕີອັນດີດ້ວຍຄວາມຈິງໃຈ

ຢູ່ໃນເມືອງລາວຍັງມີແຫລ່ງທ່ອງທ່ຽວອີກຫຼາຍແຫ່ງທີ່ເຮົາຍັງບໍ່ຮູ້ບໍ່ເຄີຍໄປ ສະນັ້ນໃນຊີວິດນີ້ທ່ານຕ້ອງລອງໄປສຳພັດຈັກຄັ້ງໜຶ່ງແລ້ວທ່ານຈະບໍ່ມີວັນລືມ.

ຂອບໃຈພາບ ແລະ ຂໍ້ມູນຈາກ: ເວັບໄຊ໌ຮັອດເຊຍ

ສັງລວມພາບ ແລະ ເນື້ອໃນໂດຍ: ລາວໂພສຕ໌

ບົດຄວາມຫຼ້າສຸດ