ຖືວ່າເປັນຂ່າວໂຊກດີຂອງຊາວນະຄອນຫຼວງວຽງຈັນທີ່ໄດ້ມີສະຖານທີ່ທ່ອງທ່ຽວແຫ່ງໃໝ່ “ສວນດອກໄມ້ 1.000.000 ດອກ ” ບ້ານ ສີຖານເໜືອ, ເມືອງສີໂຄດຕະບອງ ນະຄອນຫຼວງວຽງຈັນ,
ສວນດອກໄມ້ 1,000,000ດອກນີ້ ຖືກສ້າງຂຶ້ນໃນເຂດສຳປະທານຂອງ ກຸ່ມບໍລິສັດ ຟ້າວັດທະນາ ເພື່ອປະຕິບັດ 4ສ-1ກ(ສະຫງົບສຸກ, ສະອາດ, ສີສັນຂຽວງາມຕາ , ສະຫວ່າງ, ກ ກີນໄດ້) ເຊິ່ງທ່ານ ກ້ອງພົມມະສັກ ປະທານກຸ່ມບໍລິສັດ ຟ້າວັດທະນາໄດ້ກ່າວວ່າ ສວນແຫ່ງນີ້ໄດ້ເລີ່ມສ້າງຂຶ້ນແຕ່ປີ 2012 ແລະ ໄດ້ປູກດອກໄມ້ຫຼາກຫຼາຍຊະນິດ, ຫຼາກຫຼາຍສີ ພ້ອມພືດຜັກທີ່ສາມາດກິນໄດ້ ນອກຈາກນີ້ຍັງຈະສ້າງຫາດຊາຍແມ່ຂອງເຂດນີ້ ສຳລັບ ນັ່ງນອນພັກຜ່ອນ, ອາບແດດ, ຫລີ້ນນໍ້າ, ຂີ່ກົງເບັງ, ຂີ່ເຮືອ, ຂີ່ມ້າ, ບີນວ່າວ, ຕີກ໊ອບ, ກີລາຫາດຊາຍ ແລະ ອື່ນໆ…
ຫາກທ່ານໃດຍັງບໍ່ທັນໄດ້ໄປສຳພັດຄວາມສວຍງາມທີ່ຫາດແຫ່ງນີ້ກໍ່ຢ່າລືມຫາໂອກາດມາທ່ຽວໃຫ້ໄດ້ເດີ້ ໂດຍສະເພາະປີໃໝ່ລາວປີນີ້ ຮັບຮອງມ່ວນກັນແນ່ນອນ!!!
ຂໍ້ມູນຈາກ Mekong Zone ພັດທະນາທ່ອງທ່ຽວແຄມຂອງ
ຮຽບຮຽງໂດຍ ປັອກເລັກ ລາວໂພສຕ໌.