ບອກເລີຍວ່ານອກຈາກການແຕ່ງໜ້າທີ່ຈຳເປັນກັບສາວໆແລ້ວ ການປ່ຽນຊົງຜົມ ຫຼື ຈັດແຕ່ງຊົງຜົມໃຫ້ເໝາະກັບຕົວເອງກໍ່ປັນປັດໃຈທີ່ສົ່ງຜົນຕໍ່ບຸກຄະລິກ ແລະ ຄວາມໝັ້ນໃຈຂອງສາວໆ ໄດ້ເຊັ່ນກັນ ໂດຍສະເພາະສາວໆທີ່ຜົມບາງ ອາດເປັນກັງວົນ ແລະ ໜັກໃຈເລື່ອງການຈັດຊົງຜົມ ຈະເຮັດຊົງໃດດີ ຈະຍີ່ກໍ່ລຳບາກ ໃສ່ຜົມປອມກໍ່ຢ້ານບໍ່ເປັນທຳມະຊາດ ວັນນີ້ເລີຍມີເຄັດລັບເຮັດແນວໃດໃຫ້ຊົງຜົມທີ່ບາງເບິ່ງຄືໜາຂຶ້ນ.
ເຄັດລັບງ່າຍໆ ແລະ ວິທີເບິ່ງແຍງເສັ້ນຜົມບາງມີດັ່ງນີ້
1. ເບິ່ງໃຫ້ດີໆ ວ່າຜະລິດຕະພັນທີ່ໃຊ້ມີຄຸນນະພາບຊ່ວຍກຳຈັດສິ່ງອຸດຕັນໃນຮູຂຸມຂົນຫຼືບໍ່?
ໃນຂັ້ນຕອນການສະຜົມ ແຊມພູ ແລະ ຄຣີມນວດຜົມທີ່ໃຊ້ຄວນມີຄຸນສົມບັດຊ່ວຍກຳຈັດຄວາມມັນ ສິ່ງອຸດຕັນໃນຮູຂຸມຂົນ ແລະ ຄວນເລືອກໃຫ້ເໝາະສົມກັບສະພາບຫນັງຫົວ ແລະ ເສັ້ນຜົມໂດຍສະເພາະຜະລິດຕະພັນທີ່ເຮັດມາຈາກສະໝຸນໄພທຳມະຊາດ ຈະມີສ່ວນຊ່ວຍບຳລຸງເສັ້ນຜົມຂອງທ່ານ ເຮັດໃຫ້ຜົມເບິ່ງມີນ້ຳໜັກ ໜາຂຶ້ນ ແລະ ກະຕຸ້ນການເກີດຜົມ ແລະ ເສັ້ນຜົມຂຶ້ນມາໃໝ່.
2. ວິທີເປົ່າຜົມໃຫ້ຟູ
ຫຼັງຈາກສະຜົມແລ້ວ ໃຫ້ເປົ່າດ້ວຍການກົ້ມຫົວລົງ ເປົ່າໃຫ້ແຫ້ງດ້ວຍລົມອ່ອນໆ ທີ່ບໍ່ຮ້ອນຫຼາຍ ຫຼື ຈະໃຊ້ຫວີເປັນຕົວຊ່ວຍຍົກຊ່ວງໂຄນຜົມໃນເວລາເປົ່າ ຈາກນັ້ນໃຊ້ສະເປບຳລຸງຜົມທຸກຄັ້ງຫຼັງຈາກການເປົ່າແລ້ວ ເພື່ອເຮັດໃຫ້ຜົມແຂງແຮງ ແລະ ເສັ້ນຜົມເບິ່ງມີສຸຂພາບດີ.
3. ປ່ຽນຊົງຜົມ
ການຈົ່ງຜົມຍາວຫຼາຍ ແນ່ນອນວ່າເຮັດໃຫ້ຜົມເບິ່ງຄືລີບແປ ເພາະຜົມຈະຖ່ວງລົງເຮັດໃຫ້ໂຄນຜົມເບິ່ງບໍ່ງາມ (ບໍ່ມີວໍລູມ) ເຮັດຊົງໃດກໍ່ລຳບາກ ແຖມເວລາສະຜົມຍັງເສຍເວລາລໍຖ້າຜົມແຫ້ງອີກ ດັ່ງນັ້ນການປ່ຽນຊົງຜົມເປັນຊອຍສັ້ນ ຫຼື ລະດັບພຽງບ່າ ຫຼື ຈະເພີ່ມການດັດ ຫຼື ມ້ວນເປັນລອນເບົາໆ ກໍ່ເປັນທາງເລືອກທີ່ດີ ແຖມຕອນນີ້ເທຣນຕັດຜົມພຽງບ່າກຳລັງມາແຮງສຸດໆ
ຂໍ້ມູນຈາກ: http://www.kapook.com/
ຮຽບຮຽງໂດຍ: ປັອກເລັກ ລາວໂພສຕ໌