ການວາງແຜນກ່ອນແຕ່ງງານ ການສຶກສາຊີວິດຄອບຄົວຄືການກຽມຕົວໃຫ້ພ້ອມທີ່ຈະປະເຊີນບັນຫາຕ່າງໆເຊັ່ນ:ຮ່າງກາຍ, ຈິດໃຈ, ສັງຄົມ ແລະ ສິນລະທຳ ເຊິ່ງປັດໃຈເຫຼົ່ານີ້ແມ່ນມີຜົນຕໍ່ຊີວິດສົມຣົດ ແລະ ຄອບຄົວ
- ການວາງແຜນຄອບຄົວປະກອບມີ 03 ແບບຄື:
ການເລັ່ງກຳເນີດ ຄື ການທີ່ແພດຊ່ວຍໃຫ້ຄູ່ສົມຣົດທີ່ມີລູກຍາກ ມີລູກໄດ້ຕາມຕ້ອງການ
ການເລືອກກຳເນີດ ຄື ການເລືອກເພດຂອງລູກທີ່ຈະມີ ໂດຍເຮັດຕາມຄຳແນະນຳຂອງແພດ
ການຄຸມກຳເນີດ ຄື ການຍື່ນເວລາການເກີດຄືການປ້ອງກັນການປະຕິສົນທິ ບໍ່ໃຫ້ມີໄຂ່ໃນຮັງໄຂ່ຂອງເພດຍິງ
ປະໂຫຍດການວາງແຜນຄອບຄົວ ຊ່ວຍໃຫ້ຄູ່ສົມຣົດໄດ້ມີເວລາປັບຕົວກ່ອນມີລູກ ຊ່ວຍໃຫ້ມີລູກໜ້ອຍເຮັດໃຫ້ລ້ຽງລູກໄດ້ດີ ມີການສຶກສາສູງຊ່ວຍໃຫ້ຊີວິດຄວວາມເປັນຢູ່ດີສົມຖານະ ແລະ ມີຄວາມສຸກ
2.1 ການຄຸມກຳເນີດມີ 2 ວິທີຄື
- ການຄຸມກຳເນີດແບບຊົ່ວຄາວ ເພື່ອເວັ້ນຊ່ວງການມີບຸດ ເມື່ອເລີກຄຸມກຳເນີດກໍ່ສາມາດມີບຸດໄດ້ຕາມປົກກະຕິໄດ້ແກ່ ການກິນຢາຄຸມກຳເນີດ, ການໃສ່ຫ່ວງອານາໄມ, ການຊັກຢາຄຸມ, ການໃຊ້ຖົງຢາງອານາໄມ ແລະ ອື່ນໆ.
- ການຄຸມກຳເນີດແບບຖາວອນ ໃຊ້ໃນກໍລະນີຄອບຄົວທີ່ບໍ່ຕ້ອງການມີລູກອີກແລ້ວ ເຊິ່ງໄດ້ແກ່ການເຮັດໝັນຊາຍ ຫຼື ການເຮັດໝັນຍິງ.
ການເຮັດໝັນຍິງມີ 2 ວິທີຄື: ການເຮັດໝັນປຽກ ແລະ ໝັນແຫ້ງ